Nhiv kruôr đhâu, ntơưv TP Yên Bái, Ban chox kriê huôv tsar ju lix 8 tỉnh Tây Bắc tsưr tsix cơưv ntâuk grê Tsaz yênhx sik hux jos huôv tsar ju lix. Shông 2019, têx lênhx kruô tuôx trâu thax tsav Tây Bắc ndis shuôs ntux uô si tsar ndê chôngz lênhx, njuôk xav zuôr xar 35 tsov lênhx kruô; sâu tâu nhos 53 cxênhz tỷ đeiv, tsar ndê 30% ntâu pir li shông 2018. Ntâu xor xưv, ntênhs hôiv jông tâu tsưr tsix tưz paz piêr kriê côngv thôngx cxuô heir nênhs Tây Bắc têx txux chi vênhx huôv jông, cêr sik thôngx siêz txos trâu ntâu tuk chôngz lênhx tsôngv kruô pâuz txos; iz chas ntơư kriê trâu tsôngv kruô hâur thiêz đrâuv 2 chas têz qơưk pâuz lok cxuô heir nênhs tsơưs Tây Bắc têx đuôz shav, txux chi, cêr nênhx vênhx huôv jông./.

                             (Thừa Xuân-Riê Lâux cxeik, nhênhv)

Tỉnh Laox cai tsênhv taz tov tso tơưv luôs hâux lưv uô txos shông 2025 tror sâu, zos tỉnh huôv tsar hâur thax tsav tox siêz faz Bắc thiêz sơưr tiv 20 txos 25 hâur hur si têz qơưs. Chiê uô cov tâu truôx luôs hâux lưv no, tỉnh Laox cai tsênhv taz tov fuô uô cxuô luôs hâux lưv chiê cxiv uô qơư uô kror cxax; cxiv uô qơư công nghiệp; thax tsav qơư kinh tế trôngx đriv Laox cai đros trâu huôv tsar uô kôngz lôngk hâur thax tsav. Lar hêik zos huôv tsar chos tsoz chos yuôx đrox njuôz trâu cxuô huyện li: Sa Pa, Bắc Hà,, Bát Xát, Mường Khơưng…/.

              (Tsu vưx cxêik nhênh-Triệu Biên-DTMN)

Tâu chos thiêz hloz lox jông nhoz suôv qơư Chiềng Cọ txix yênhx châuv shông đrav ntêx lok, txos nhiv no, têx txir quýt chos hâur thax tsav xã Chiềng Cọ (TP Sơn La, tỉnh Sơn La) tưz qir tâu muôx suôz bê to khov têx txir nox kaz, tsư ha, tsi thôngx li cxuô zav txir quýt chos têx qơư txơưr đuô. Tas nro xã muôx 20 ha têz txir quýt, hâur co 13 ha tưz txi txir tâu sâu đê, iz ha sâu đê tâu txix 15-20 tênhr. Đros thiêz gri muôs txix 20 cxênhz txos 30 cxênhz đeiv iz cir, iz ha sâu tâu  puô tsov đeiv nhiêx. Hâur six hơưv zuôr txos, xã zuôr muôz têx txir ntông heik sâuv cxaz chuôz OCOP chiê Chiềng Cọ têx txir quýt ntơư muôx suôz bê, muôs tâu trâu luôs chas thax tsav đrâuv, paz tsôngv box muôx six hơưv huôv tsar uô bluô nux txix zuk têx xiv huv, kôngz lôngk ntơưv qơư./.

(Trang trại Việt-Riê Lâux cxeik, nhênhv)