Cxôngx qênhx shênhx tsi muôx txâuk đêx hur sir zôngv ntơưv thax tsav ju lix têz qơưk Sa Pa (tỉnh Lào Cai) uô tsôngv box li luz nênhx, têx tsêr so, tsêr nox hâuk li huôx tôngv muôv muôs, uô ju lix trâus zênhr shar, têx nganhx muôx txơưx jênhv thiêz chinhr quyênx tiv phaz tsênhv ciêr chênhr tso tơưv têx tsưr ziv chiê car chêx zoz qơưx zôngv đêx ntơưv qơư ju lix no. Zơưv Lê Tân Phong, Chủ tịch UB huyện Sa Pa puz pâuz, uô ntêx chor đêx tuôv zênhv tâu 50% pir đros thiêz six hơưv uô ntêx, viv li zuôr chêx chôngk car chêx tsôngv box li zoz qơưx đhâu tsưr ziv sik hlôngr cungz đêx thiêz cungz lơưr six hơưv:

“Nhiv no zoz qơưx sir zôgnv đêx nhoz Sa Pa phênhv lox zos phưx vưv muôv muôs, taz sik uô ntêx mak tuôv zênhv tsi tâu, tsuôk tuôv zênhv tâu đêx xênhz huôx zuôr trâus cxôngx tsưr ziv sik hlôngr cungz đêx trâu tsôngv box, viv li tsuv cxênhx txuôk. Zos tsi muôx txâuk đêx thiêz mak huyện zuôr muôx tsưr ziv zôngv yêz thâux đêx cungz trâu tsôngv box”./.                               

(An Kiên- Lan dịch đọc)

Chor jêx jok txar qơư nhoz yiêz uô tsêr mêir đêx tênhv Sơn La nhoz xar Mường Bằng, huyện Mai Sơn, tỉnh Sơn La tsênhv muôx tsik txâuk đêx xênhz huôx zov chênhr. Txơưv tiêk kinh têr ziv chuôz zis lok six phiv liv, taz sik ntâu ziv chuôz zis ntơưv qơư nhoz yiêz Mường Bằng cux tsênhv tsuv zuôr đêx đros gri zos 200.000 đêiv iz khối. Lơưr hlôngr njêx muôs chính quyền xar Mường Bằng, qênhx shênhx muôx tsik txâuk đêx sir zôngv muôx yưv nhoz tas nro têx jêx jok hâur xar. Taz sik phiv liv tiv zix zos chor jêx jok txar qơư nhoz yiêz viv têx côngz trinhx đêx xênhz huôx puôr lênhx tsik muôx chêx cur./.

(VOV4-Lik Thox cxêik nhênhv)

Lơưr Sở khoa học thiêz Công nghệ Lào Cai li thôngz sâu, tỉnh no muôx zuôr xar 40 siv huv njuos xav zuôr cxiv tsa tâu suôz bê sâuv niêv ciêz. Txos nhiv no, Sở tưz cxiv tsa, uô qênhx sở hữu trí tuệ trâu 24 qơư tsiv uô li ntâuz ntơưr lo xiv huv, iz heik kriê địa lý thiêz 30 ntâu xiv huv kôngz nuv jông. Khov co, krêz đar niêv ciêz muôv muôs txos têx ciêz nhoz niêv đrôngs lox hâur têz qơưk thiêz sâuv ntiêx têz, chuôz ndê phênhv liv sâu tâu trâu tsôngv box. Txir khơưz Bắc Hà khov cxiv tsa tâu suôz bê, grê muôs chuôz ndê chungz fênhx muôx nhos 5 cxênhz đeiv iz cir, sâu tâu 3 cxênhz ntâu tênhr iz chiv, sâuv liv tâu muôx nhos 16 tỷ đeiv iz shông. Tâuz zax Sa Pa chuôz ndê 2 cxênhz đeiv iz cir, sâuv tâu muôx nhos 7 cxênhz tênhr iz chiv, sâu liv muôx nhos 14 tỷ đeiv iz shông. Txir thênhx caz kaz jiz Mường Khương sâu liv tâu muôx nhos 5 tỷ đeiv iz shông./.

(VOV4- Txâur Vax cxeik nhênhv)

Nhiv kruôr đhâu, 76 lênhx nênhs Lào siz zuôr tsik muôx ntâuz ntơưr sâuv thax tsav huyện Điện Biên, tỉnh Điện Biên, nhiv kruôr tâu Bôv Tư Pháp sik côngv đros Ủy ban tỉnh Điện Biên khơưk muôz chủ tịch têz qơưk li cuêz tênhv lok tso uô nênhs Việt Nam. Đros cuêz tênhv no 76 lênhx nênhs Lào siz zuôr tsik muôx ntâuz ntơưr sâuv thax tsav huyện tưz zos yênhx nênhs têz qơưk Việt Nam. No zos tsar tov chiê nênhs siz zuôr tsik muôx ntâuz ntơưr truôx tuk, uô nênhx nhoz ntơưv Việt Nam, luz nênhx tâu hlôngr yiêz jông đuô, têx tuz nhuôs muôx ntơưr kriz xênhz, taz por qênhx tâu cơưv ntơưr, njuôk kho moz…Thôngx cxix, no cux hêik tơưv oz têz qơưk Việt Nam-Lào li sir jos hâur sik côngv têk cêir chêx vênhv thix ntâuz ntơưr trâu chor nênhs tsir qơư nhoz thiêz siz zuôr tsik muôx ntâuz ntơưr thôngz đhâu hâux lưv cir jênhv iz sêiz lax, thôngx ziv nhoz oz têz qơưk lok vênhv thix no./.

(Vũ Lợi-Lik Thox cxêik nhênhv

Muôx nhos 10 six tas cik hnuz 22/4, thâuv tsênhv mul sâuv trôngz Pha Đin ntu đhâu huyện Tuần Giáo, tỉnh Điện Biên, iz luz thâux chor bộ đội lâuk tiv phênhk tsi tâu tưz đrâu ciês trâu ntơưv tsas cêr uô 4 lênhx nênhs trâus saz. Ciês thâuv muôx yưv txiêz nanv, lưx lươngv cảnh sát zaoz thôngz, Công an tỉnh Điện Biên tưz ciêr chênhr tuôx ciês ntơưv qơư chiê chox lênhx nênhs mul chơưv kho thiêz chuôz tsar yêz tuôx thâux têx lênhx bộ đội lâuk mul ntơưv tsêr kruô huyện Tuần Giáo chiê so, tos yêz tuôx thâux mul Điện Biên./.

(Vũ Lợi- Txâur Vax cxeik nhênhv)