Ủy ban tỉnh Lào Cai quyết tinhv tsi uô ntov kuôk cêv XH đros thiêz iz cxiê zav hâux lưv đhâu thâuv tỉnh no tsi nhoz hâur têx tỉnh zôngx ziv trâul muôx moz Covid-19 huôv xênhz. Iz chas ntơư, txix 12 six iz tas hmo hnuz 23/4, Lào Cai tso chei trâu têx yêz lox thâux xa kruô tror uô hâux lưv thâux xa kruô mul lok. Taz sik, tsuv uô lơưr têx cui tinhv lok phax tar moz. Têx qơư uô jâuz uô mor nox, muôs đêx hâuk, cafe tror tâu muôs têx huv taz sik tâu uô lơưr tsưr ziv muôs sâuv mạng li: lênhx nênhs muôs gra têx jâuz mor, đêx hâuk ntơư muk txos ntơưv tsêr, ntơưv qơư trâu lênhx nênhs zuôr. Têx tsêr cơưv chuyên nghiệp, cxênhx 2, cxênhx 3, qơư kriê txux chi tsưr ziv uô hâux lưv tso shux xênhz tror tuôx cơưv txix hnuz xiêz 4/5. Têx qơư seiz jor, thêir têx ndâux cêr phax tar moz cux tror uô truôx jông luôs hâux lưv no tax tas hnuz xiêz 3/5./.

                                     (An Kiên-Riê Lâux cxeik, nhênhv)

Tỉnh Sơn La nhiv kruôr cui tênhv tso iz cxiê qơư tsiv uô, muôv muôs tâu tror huôx tôngv hâur six hơưv phax tar moz Covid-19. Lơưr co iz cxiê huôx tôngv li: Kriê cơưv tsar yêz, cungz ntơưr tso chei tsar yêz, têx qơư nhoz so muôx zoz qơưx tuôr truôx huôx tôngv, txix têx tsêr nox lâuk, qơư muôs cà phê, đêx hâuk cxuô zav tâu tror huôx tôngv cxôngx hnuz 27/4, taz sik tsuv uô trơưk têx cui tênhv lok phax tar moz Covid-19 lơưr cơ quan y tế heik kriê....Shux xênhz lớp 9, lớp 12 tror mul cơưv ntơưr cxôngx hnuz 27/4, yuôr shux xênhz têx khối, tsêr cơưv tsênhv yuôr mul cơưv ntơưr cxôngx hnuz xiêz 4/5./.

(Trấn Long- Txâur Vax cxeik nhênhv)

Txix zar hnuz kêix 22/4 txos trâu hmo 22/4, hâur thax tsav têx tỉnh faz Bắc tưz muôx ntux nas lox lok đros lơưs. Chor sâu xor xưv Đeix TNVN nhoz faz Bắc xa mông:

Ntơưv Sơn La, ntux lok nas đros lơưs thiêz khâur jênhs chuô ntêr tưz uô ruôr hiêv ntơưv TP Sơn La thiêz xã Ngọc Chiến, huyện Mường la, tỉnh Sơn La. Tsôngv px iz cxiê liêx têz kôngz lôngk, iz cxiê luz tsêr nhoz tưz trâul nas chuô thiêz lơưs uô hiêv. Nhoz Lai Châu muôx ntux nas lok đros lơưs, khâur jênhs chuô, ntêr zuôr xar iz six hơưv ntơưv hur tiz si cxuô luz huyện, TP hâur thax tsav tỉnh Lai Châu tưz uô ruôr hiêv tas ntâu tsôngv px têx chuôz zênhx chuôz tas, txir ntông, kôngz lôngk thiêz uô zơưk trur ntâu luz tsêr, uô puôk tsuôx tsi jông tas ntâu têx liêx têz kôngz, uô têx shôngz ntông vâu lor, đêx ngaz tas iz cxiê txox cêr mul lok hâur đrôngs... Ntơưv Lào Cai, ntux nas lok đros lơưs muôx nhoz TP Lào Cai thiêz têx huyện Sa Pa, Bát Xát. Thâuv hâur six hơưv ntux đuz nzông ntơư muôx hur si khâur jênhs chuô lox. Xuz thơưx, xav iz cxiê liêx têz kôngz lôngk, shôngz ntông thiêz px têx vax tsêr trâul uô ruôr hiêv.

Trơưk li cơ quan njuôk ntux yar ntux nas Lào Cai heik, ntux tsênhv zuôr tror txar txar phiv liv, tsôngv px cxuô thax tsav qơư tsuv chênhr phax, txar jav têx tsi jông li heik sâuv tiv ntux uô./.

(VOVTB-Riê Lâux cxeik, nhênhv)

Tas cik hnuz 22/4, Ban sêiz car quân sự TP Điện Biên Phủ, tỉnh Điện Biên đros Bộ sêiz car quân sự tỉnh li lưx lươngv công binh tsưr tsix ruôr yênhx côngz iz luz bôngk hnhar 100 cir ntâu, nhiv kruôr nriêr pov sâuv thax tsav. Luz bôngk no ntêr 1 yiv 2, tsi tâu tơưs thiêz tâu tsôngv box ntơưv jos Khá, phường Nam Thanh, TP Điện Biên Phủ pov thâuv tsênhv khơưz ar uô côngz tsinhx. Tas cik hnuz 22/4 ntơưv thax tsav khe cây Sấu, jos Tà Lèng, xã Thanh Minh (TP Điện Biên Phuv) luz bôngk tâu thâux mul tso hâur kror ar toz thiêz zôngv yuôx tơưs TNT uô chiê tơưs yênhx côngz./.

(Vũ Lợi-Txâur Vax cxeik nhênhv)