Đros trâu chor sâu xor xưv nhoz Đêix VN thav, hmo 21/7, ntơưv tsêr uô côngz xưv Sở zoz zux tỉnh Sơn la, zơưv mai Văn Trinh-Cục trưởng, cục sêiz car chất lươngx tưr thi, Bộ zoz zux hêik pâuz:  Đhâu qênhz yuôx, tưz pov muôx yưv têx tsik jông, chấm baix tưr thi tsik trươk chêi. Pov muôx yưv têx tsik jông hâur jiês chấm baix tưr thi thiêz nhiv no  Bộ công an, công an tỉnh Sơn la tsênhv taz tov sir jos qênhz yuôx cxuô luôs hâux lưv thưr thi, chấm baix tưr thi tsik trơưk chêi. Đros ntơư, zơưv Trinh cux muôx luk uô tsâus txos cxuô lênhx sâu xor xưv, viv tsênhv đros Bộ zoz zux, qênhz yuôx cxuô luôs hâux lưv chấm baix tưr thi tsik trơưk chêi thiêz ntơư cux zos iz luôs hâux lưv cxươz cxiz Bộ zoz zux uô truôx luôs hâux lưv Đảng têz qơưss zok muôz, nzor qênhz yuôx tsênhv mênhx têx uô cxâuv chêi hâur chấm baix tưr thi chiê hêik trâu tsôngv px sđ pâuz./.

                                        (Tsu cxêik nhênhv-Nhóm PV Tây Bắc)

Đhâu đêx nas lox uô ruôr hiêv, txos nhiv no tỉnh Yên Bái xuz thơưx tưz paz têx chuôz zis muôx lênhx nênhs trâul tuôs, trâus saz, vax tsêr trâus vâu puôk tsuôx tsi jông tas 2 tỷ 540 tsov đeiv thiêz 17 tênhr ntâu cxur. Iz chas co phênhz qơư nhoz tax thiêz bax têx chuôz zênhx zuôr trâus txos trâu têx chuôz zis muôx vax tsêr trâus puôk tsuôx thiêz têx chuôz zis tsuv yêik txar qơư nhoz zênhx max chiê truôx tuk luz nênhx. Lưv lươngv y tế hâur tỉnh cux tưz muôz 65 cir hmôngr yuôx Cloramin, 13 cxênhz njiêr yuôx Cloramin chiê tsuôs tuô, lov têx caz  moz uz, hâur đêx xênhz huôx trâu têx chuôz zis tsôngv box thax tsav trâus đêx nas uô hiêv.

Thôngz sâu txos thâuv 4 six tsâuk ntux hnuz 22/7, tas nro tỉnh Yên Bái muôx 11 lênhx nênhs trâul tuôs, yuôr 6 lênhx trâus pôngz plox mông, 18 lênhx trâus saz. Hâur thax tsav tỉnh muôx 1.500 luz tsêr trâus uô ruôr hiêv, hâur co zuôr xar iz cxênhz luz tsêr tsuv yêik txar zênhx max muk nhoz qơư truôx tuk..... Têx liêx têz kôngz lôngk trâus uô hiêv zos zuôr xar 2.500 ha, 400 ntâu côngz trênhx, têx cêr mul lok, cưx đês trâus puôk tsuôx, vâu lor, tsi jông tas.... Njuôk xav hur tiz si têx trâus đêx nas uô hiêv co tas muôx 270 ntâu tỷ đeiv./.

(Tuấn Xuân-Riê Lâux cxeik, nhênhv)

Hâur ntu đhâu, ntơưv tỉnh lai Châu, công đoanx y tế VN tưz muôx jiês uô hâux lưv đros Liên đoanx laox động tỉnh lai Châu, Sở y tế thiêz công đoanx ngênhx y tế tỉnh lai Châu.  Hâur jiês uô hâux lưv no, tưz sik thav lok ntâu luôs hâux lưv zov chênhr: Ntơư zos tsuv qênhz yuôx cxuô luôs hâux lưv uô cov huv đros đros công đoanx y tế VN thiêz Liên đoanx laox động tỉnh lai Châu.

Hlôngr njêx muôs trâu chor nênhs uô hâux lưv y tế hâur hur si têz qơưss, zơưv Phạm Thanh Bình tưz muôz 40 triệu nhiêx paz trâu 8 qơư y tế trâus nas chuô uô puôk tsuôx thiêz muôz mê njik nhiêx paz trâu 28 lênhx cán bộ laox tôngv, muôx cêr txov nhêv, so uô hâux lưv thiêz muôz 30 triệu nhiêx paz cxiv uô tsêr trâu pos Lò Thị Hoa, trạm y tế xã Tà Hừa, tsênhv qơư y tế huyện Than Uyên, trâus đêx nas chuô uô uô ruôr hiêv, vax tsêr trâus puôk tsuôx./.

(Tsu cxêik nhênhv-VOV4)

Muôx nhos 2 six 30 phênhz zar hnuz kêix 21/7, ntơưv cêr mul lok seiz car, tsưx phưv đriv têz nhoz thax tsav jok Trung Tâm, xã Mường Nhà, huyện Điện Biên, tỉnh Điện Biên, lưv lươngv phax tar têx nênhs nhiês zuôr muôs uô luôv zax zênhz, bôv đôiv pênhz phax tỉnh Điện Biên nhiv kruôr ntêk tâu 2 lênhx nênhs thâuv tsênhv taz tov zuôr muôs, thâux gra zax zênhz tsi trơưk chei. Chor lưv lươngv muôx vax huôv qênhz pov hâur plaz yêz meir jêik 2 poz zênhz đơưz, 200 njiêr yuôx shơư zênhz, 3 luz xor tôngx mê tuôr ntơưv têk thiêz iz cxiê zav chuôz zênhx txơưr đuô cik txos. Ntơưv Cơ quan qênhz yuôx, 2 lênhx nênhs trâul ntêk cxov co krêz lênhk tiêk zos: Tinh Xênhv Lik, xênhz shông 1984 thiêz Thox Xênhv Zax, xênhz shông 1986. Hur si 2 lênhx puôr lênhx nhoz ntơưv jok Har Liêx 1, xã Keo Lôm, huyện Điện Biên Đông, tỉnh Điện Biên. Tinh Xênhv Lik thiêz Thox Xênhv Zax krêz tiêk, gơưk sil côngv nhiêx zuôr chor zax zênhz heik sâuv ntơưv iz lênhx nênhs Hmôngz, nhoz têz qơưk Lào ntơưv thax tsav đriv têz hâur xã  Na Tông, huyện Điện Biên, tỉnh Điện Biên lok tas muôx 100 tsov đeiv. Nhiv no txuz plâuz co tsênhv tâu lưv lươngv muôx vax huôv tror qênhz yuôx, uô tsênhz mênhx chiê muôz tik cêr cxâuv trơưk đreiv li chei têz./.

(Vũ Lợi-Riê Lâux cxeik, nhênhv)