Trơưk li Ủy ban tỉnh Lào Cai, nhiv kruôr đhâu cxuô thax tsav qơư hâur tỉnh tưz tsưr tsix zuôr cử tri sđ ziv chênhv lok phênhz têx qơư uô hâux lưv hành chính cấp xã, ntu 2019-2021. Đhâu thâuv zuôr xar muôx 40 cxênhz lênhx cử tri hâur thax tsav 19 phường, xã, thị trấn nhoz 7 huyện, TP hâur tỉnh li ziv chênhv, phênhv ntâu cử tri sđ puôr lênhx jông siêz, thôngx ziv đros tsưr ziv heik sâuv, tâu 95% ntâu. Tsưr ziv phênhz qơư uô hâux lưv hành chính cấp xã hâur thax tsav tỉnh Lào Cai ntu 2019-2021 chiê uô tâu jông trơưk tsưr ziv lok sâuv têx liêx têz thiêz jênh sôr; iz chas ntơư txo grêk tsơưs lênhx nênhs lês uô têx hâux lưv têz qơưk, ndar txos uô tâu jông têx hâux lưv zok muôz, cxơưz cxiz kinh tế-XH huôv tsar, taz sik tsi uô hiêv txos tsôngv box sđ cêr huôv tsar uô nox uô hnar, lax luôv thiêz luz nênhx./.

             (An Kiên-Riê Lâux cxeik, nhênhv)

Têis cik 22/7, Jiês cơưv tiv 10, HĐND tỉnh Lai Châu khóa 14 tưz bâux zơưv Hà Trọng Hải, Chánh Văn phongx UBND tỉnh uô phưv chủ tịch UBND tỉnh Lai Châu, six cxiv 2016-2021. Ntơưv jiês cơưv tiv 10, HĐND tỉnh Lai Châu khóa 14, zơưv Hà Trọng Hải tâu bâux uô Phưv chủ tịch UBND tỉnh Lai Châu, six cxi 2016-2021 đros chor ntơưr bâux muôx 47/49, tax tâu muôx 95% ntâu. Đuô li, HĐND tỉnh Lai Châu cux tưz biểu quyết tso so oz lênhx nênhs hâur UBND tỉnh tiv txar qơư uô hâux lưv thiêz bâux nzir iz lênhx nênhs trâu UBND tỉnh./.

(Khắc Kiên-Lik Thox cxêik nhênhv)

Ndax trâu hnuz xaz pênhz thik xênhz 27/7, tỉnh Sơn La nhiv kruôr tsưr tsix ntênhs muôz têz qơưk côngz trâu “têx lênhx niêv VN zênhz shôngx” thiêz muôz côngz hov 3 trâu têx chuôz zis muôx ntâu lênhx nênhs thiêz muôx iz tuk nhuôv xưz tâu tas siv nênhx thâuv ntu tir ntâul trok châuz, tsưx phưv têz qơưk đrav ntêx.

 Trơưk li Chủ tịch têz qơưk Quyết tinhv, tỉnh Sơn La muôx 2 lênhx niêv pos Việt Nam zênhz shôngx, zos niêv pos Quàng Thị Đỏ, nhoz xã Sặp Vặt, huyện Yên Châu thiêz niêv pos Lường Thị Ôm, nhoz xã Tường Tiến, huyện Phù Yên tâu muôz têz qơưk côngz “Niêv VN zênhz shôngx” viv tưz muôx ntâu côngz đas jos lox trâu cxiv tsav tir ntâul trok châuz, tsưx phưv têz qơưk.

Chủ tịch têz qơưk Quyết tinhv lok muôz côngz hov 3 trâu 6 chuôz zis muôx ntâu lênhx nênhs thiêz muôx iz tuk nhuôv xưz tâu tas siv nênhx thâuv ntu tir ntâul trok châuz, zos chuôz zis: Vì Văn Nhờ, xã Huy Bắc, huyện Phù Yên; Hà Văn hắn, xã Mường Lang, huyện Phù Yên; Lò Văn Phaư, xã Chiềng Mai, huyện mai Sơn; Lường Văn Sỏm, xã chiềng pằn, huyện Yên Châu; Lừ Văn Phẩu, xã Viêng Lán, huyện Yên Châu thiêz zơưv Hoàng Văn Sám, xã Chiềng Đông, huyện Yên Châu./.

(Tuyết Lan-Riê Lâux cxeik, nhênhv)

Tar su nas hmo, ntơưv xar Xuân Lai, huyện Yên Bình, tỉnh Yên Bái muôx iz txuz hluôr tơưl cuz tsêr vor blôngx cux zêv, uô iz chuôz zis pluôs tsik muôx vax tsêr nhoz thiêz cxuô zav trâus cuz hnhiêz tas hur si.

Txuz hluôr tơưl cuz muôx yưv thâuv 12 six ntơưv tix lâus Trần Văn Lực, zus shông 1989, nhoz jok Cây Mơ, xar Xuân Lai luz tsêr. Thâuv tix lâus Lực thiêz oz tuk mê nhuôs tsênhv pư su chêk hluôr tơưl chis cuz. Iz lênhx nênhs njiê pov tưz kư hu sơưr đơưk đros chơưv paz. Txơưv tiêk chor lưx lươngv ntơưv qơư thiêz pêx xênhv iz ndis sêiz đrơưv tuôx paz, taz sik tiv yar ntux cuz sor, tsêr ho tâu vor txix blôngx cux zêv, viv li hluôr tơưl chis cuz lox cuz tas nro luz tsêr.

Qir tiv txuz hluôr tơưl cuz xuz thơưx tâu xav jênhv zos tiv tênhv siz txêik uô chis cuz. Hmôngr jông tsik muôx lênhx tưs uô li chak./.

(Tuấn Xuân-Lik Thox cxêik nhênhv)