7/ UBND tỉnh Yên Bái tưz muôx Tsưr ziv lok hâux lưv txêik jênhv thiêz tsưr tsix cêv kuôk y têr tsêx trung ntơưv tỉnh trâu nênhs Việt Nam muôx luz nênhx txov nhêv tsuv tror lok têz qơưk tiv phiv liv txix moz Covid-19. Lơưr co, Yên Bái zuôr txêik jênhv thiêz tsưr tsix cêv kuôk y têr tsêx trung trâu 283 lênhx nênhs Việt Nam txix Mỹ tror lok ntơưv qơư cêv kuôk tsêx trung sôr 7, Tsêr cơưv Cao đẳng Sư phạm Yên Bái. Six hơưv txêik tok zos hnuz 25/8/2021./.

(Báo Yên Bái-Lik Thox cxêik nhênhv)

Huyện Phù Yên, tỉnh Sơn La nhiv kruôr muôx nzir 21 lênhx nênhs trâul moz yiêz Covid-19, hâur co muôx 7 lênhx hâur côngz thôngx nhoz jok Úm 2, xã Huy Thượng trâul moz. Li ntơư txos nhiv no, Sơn La tưz muôx 152 lênhx nênhs trâul moz SARS-CoV-2 tâu qênhz pov ntơưv huyện Phù Yên, hâur co 131 lênhx qênhz pov hâur thax tsav cêv kuôk; 21 lênhx qênhz pov hâur côngv thôngx, 13 lênhx tưz kho tâu jông moz. Nhiv no cux xav tsi tâu tâu chor nênhs trâul moz hâur côngv thôngx shor viv cik moz kror tưs lok. Huyện Phù Yên tsênhv uô lơưr cêv kuôk XH trơưk Thủ tướng Chính phủ Chỉ thị 16 zos, nhiêk nhoz nhiêk vax nhiêk tsêr, nhiêk jok, nhiêk xã tsi tâu muk trâu uz trâu no, sir jos qênhz yuôx, qênhz shuôs, xưv bluô têx uô cxâuv chiê qênhz pov, gra siêz sđ tsưr ziv jênhv pâuz uô lơưr têx cui tinhv lok phax tir thêir moz; iz chas ntơư taz por muôx txâuk têx kôngz krâur, zav nox trâu tsôngv px sđ hâur six hơưv trâul cêv kuôk XH.

Trơưk li zơưv Đào Văn Nguyên, Chủ tịch Ủy ban huyện Phù Yên, tỉnh Sơn La, huyện tsênhv sir jos uô luôs hâux lưv tso nyar seiz njuôk shuôs trâu chôngz lênhx ntâu tus, lar heik zos ntơưv xã Huy Thượng thiêz thị trấn Phù Yên chiê qênhz pov lênhx nênhs hâur côngv thôngx:

“Thâuv qênhz pov lênhx nênhs moz nhoz thax tsav qơư tưs, mak zênhx max yơưz phơưz txos thax tsav co, tsuv yơưz phơưz cov tâu têx lênhx tâu nhoz jê đros lênhx nênhs moz, nhoz jê đros têx lênhx tâu nhoz đros tus nênhs moz….chiê phênhz lênhx nênhs thiêz uô li co chiê qênhz pov tâu têx lênhx tâu nhoz jê ntơư thâuv yênhx nênhs trâul moz mak thiêx pâuz tâu chor tâu nhoz jê đros tus nênhs co, pêz uô lok six ntov jông luôs hâux lưv no hâur niêx hnuz chiê xav thiêz pâuz tâu yênhx lênhx nênhs, txar jav tsi chiê muôx nzir lênhx nênhs trâul moz hâur côngv thôngx”./.

 (Trấn Long-Riê Lâux cxeik, nhênhv)

Lưx lươngv muôx vax huôv huyện Tuần Giáo, tỉnh Điện Biên nhiv kruôr no, tưz pov muôx 3 luz yêz thâux chor nênhs txix qơư muôx caz moz, zuôr gri nhiêx siêz, đros tsưr ziv nhiês cêr muk đhâu têx qơư sêiz jor phax tar caz moz chiê lok trâu hâur thax tsav tỉnh. Qênhz yuôx, uô tsênhz mênhx, chor yêz no zos têx yêz hâur ziv chuôz zis zok nriêr kruô thiêz zuôr gri siêz, tsik uô trơưk têx cui tênhv phax tar caz moz chiê thâux xa chor nênhs co lok Điện Biên tsik zos chêi. Lưx lươngv muôx vax huôv tưz chox tas nro chor nênhs co lok trâu qơư cêv kuôk tsêx trung lơưr cui tênhv phax tar caz moz./.

(TTTB-Lik Thox cxêik nhênhv)

Công an huyện Nậm Pồ, tỉnh Điện Biên nhiv kruôr ruôr por tsês tâu iz txuz nhiês zuôr muôs, thâux gra ntâu zax zênhz, ntêk tâu Por Xênhv Vax, xênhz shông 1991, nhoz ntơưv jok Nộc Cốc, xã Vàng Đán, huyện Nậm Pồ zuôr muôs, thâux gra 19 poz zênhz đơưz.

Ntơưv cơ quan Công an, Por krêz lênhk tiêk, iz lênhx nênhs Lol Tsuôk tsi pâuz tsênhz bê ntiêr Por thâux gra chor zax zênhz co txix đriv têz lok chiê muôs, txơưv trâul lưv lươngv muôx vax huôv qênhz pov thiêz ntêk tâu. Nhiv no txuz nuv co tsênhv tâu cơ quan Công an tror qênhz yuôx, uô tsênhz mênhx chiê muôz tik cêr cxâuv trơưk đreiv li chei têz qơưk cui tinhv./.

(Vũ Lợi-Riê Lâux cxeik, nhênhv)