Têx hnuz no nhoz têx jêx jos tox siêz Tây Bắc, pox nhuôs mênhx cxưx Hmôngz tsênhv shir phaz tos tsiêz yiêz. Tsiêz nox 30 tâu tsưr tsix cxôngx kaz hli 11 zênhz lix niêx shông, thiêz truz ntêr hâur ntâu hnuz, no zos thâuv tưz sâu tas kôngz lôngk. Six hơưv nox tsiêz zos six hơưv tsôngv box Hmôngz tâu so, uô si lov jêv, sik njiz sik thav thiêz phôngv tsiêz yiêz, chuôz tsar cêr niêv côngv siêz mênhx cxưx, yênhx cêr vênhx huôv jông hâur tsôngv box nhoz no li luz nênhx./.

(DTMN- Txâur Vax cxeik nhênhv)

Ntơưv thị trấn Cổ Phúc, huyện Trấn Yên, UBND tỉnh Yên Bái nhiv kruôr kriz uô cxiv tsa côngz trinhx Cổ Phúc, tuk qox xuz thơưx ciês txuôk oz saz ntus đêx đuz sâuv thax tsav huyện Trấn Yên. Côngz trinhx qox Cổ Phúc tâu kriz uô truôx jôngz txix bê ntông kuôr hlâu, sir zôngv công nghệ uô yiêz jông, lơưr tsưr ziv cêr muk lok đô thị cấp thax tsav đar muôx 12 thiêr, ntêr 400 thiêr. Qox tâu cxiv uô 330 tiv đêiv ntâu. Côngz trinhx paz zôngx ziv trâu huôv tsar đô thị, paz thơưz huôv tsar kinh têr-xar hôiv trâu huyện Trấn Yên hêik taz thiêz tỉnh Yên Bái hêik cxuô. Côngz trinhx njuôk xav uô tiêr hâur quý 3 shông 2021./.

(VOV4-Lik Thox cxêik nhênhv)

Zos iz hâur 20 xiv huv OCOP nhoz tỉnh Sơn La, txir tsơưz kra kruôr Yên Châu nox kaz thiêz gis tưz thiêz tsênhv tâu ntâu tsôngv kruô nhoz cxuô qơư nhiêv txos. Txos nhiv no, tas nro huyện Yên Châu muôx 500 hecta ntâu chos tsơưz, hâur co mênhv chêx tsowuz tưz sâu zos zuôr xar 400 hecta, 25 hecta tsơưz tâu chos thiêz tsoz phưz lơưr VietGap. Huyện li txir tsơưz sâu tâu njuôs xav tax 6 cxênhz 100 tênhr iz shông, hâur co muôx 120 tênhr tâu tsiv uô taz por tax ploz tsênhr muôs tơưv trâu têx niêv ciêz. Thax tsav chos tsơưz phênhv ntâu nhoz têx xã Chiềng Đông, Chiềng Sàng, Sắp Vạt, Chiềng HẶc, Tú Nag thiêz Lóng Phiêng. Hâur têx nôngz tsơưz tâu chos nhoz Yên Châu mak tsơưz kê lul choz tsiz hu (chuối tây) tsav mênhv chêx lox tiv zix. Tsơưz Yên Châu tưz tâu cungz ntơưr côngz jênhv thiêz krêz tơưv trus huôv tsar yiêz trâu tsơưz nhoz Yên Châu./.

(Trang trại Việt-Txâur Vax cxeik nhênhv)

Công ty tênhv tênhz Điện Biên tưz tso tơưv kriz uô côngz trinhx cungz tênhv trâu 15 jêx jok sâuv thax tsav chor xar Sín Thầu, Chung Chải, Mường Nhé, Mường Toong thiêz Pá Mỳ (huyện Mường Nhé). Đhâu oz hli kriz uô, txos nhiv no côngz trinhx tưz tâu uô tiêr, muôz lok sir zôngv nzor đuô pir li njuôk xav, paz trâu pêx xênhv nhoz đêz, tox siêz, thax tsav txov nhêv muôx tênhv tơưl pov cêr uô ntêx chêix ntux yiêz 2020. Đros tas nro pênhr yưv uô muôx 15 tiv đêiv ntâu, côngz trinhx chiê cungz tênhv trâu 620 ziv chuôz zis ntơưv 15 jêx jok nhoz 5 xar faz Tây têz qơưk./.

(DTMN-Lik Thox cxêik nhênhv)