Ndaz ndơưv chiv nhênhv 65 shông ntâuk zênhx Điện Biên Phủ (7/5/1954-7/5/2019), Pov chir quân đội sik côngv đros Tổng cục thể dục thể thao, Liên đoanx yêz tuôv-yêz mêir thể thao Việt Nam zuôr tsưr tsix jiês sik tưr chêix yêz tuôv muôx bê “Lok Điện Biên phủ 2019”. Muôx 70 lênhx nênhs nhoz 12 đội zuôr cxaz chuôz jiês sik tưr; hâur co muôx oz đội saz đrâuv têz qơưk zos Nhật Bản thiêz Philippines. Jiês sik tưr piz uô txix hnuz 1/5 thiêz suôv câuv trâu hnuz 6/5. Sâuv têx thax tsav đoanx muk đhâu, Ban tsưr tsix zuôr khơưk muôz huv, sêiz nus chor bộ đôiv lâul zos chiên sỹ Điện Biên, nênhs cxênhz jê chor zênhz shôngx liệt sỹ, chuôz zis tâu sơưv cêr chêi./.

(BTS-Lik Thox cxêik nhênhv)

Nhiv kruôr đhâu, tỉnh đoàn Sơn La tsưr tsix Jiês thik Olympic têx môn khoa học Mác-Lênin thiêz HCM li siêz xar jiês tiv II, shông 2019. Têx lênhx nênhs cxaz chuôz jiês thik zos têx lênhx nênhs jông tưz tâu xeir đhâu têx jiês thik zos têx huyện đoàn, thành đoàn thiêz đoàn trực thuộc tsưr tsix. Tix lâuk Lav Xênhv Vax, Bí thư tỉnh đoàn Sơn la puz pâuz:

“Hâur six hơưv zuôr txos, Ban thường vụ tỉnh đoàn zuôr tror muôx têx huôx tôngv tsênhz mênhx, jông đuô. Thôngz đhâu têx jiês thik, jiês piêr kriê, têx huôx tôngv sik thav hâur têx đoàn viên hluôk nênhs thiêz têx cán bộ cưk kriê hluôk, cxôngx co muôx tâu tênhx qơư jông chiê đoàn viên hluôk nênhs tâu pâuz, nhênhz chơưv têx vênhv thix lok Chủ nghĩa mác-Lênin, HCM li siêz xar”./.

(Đắc Thanh- Txâur Vax cxeik nhênhv)

Yar ntux cuz sor truz ntêr, 22 lênhx cưk kriê ntơưr thiêz 411 shux xênhz nhoz tsêr cơưv tsênhv qơư, tsêr cơưv cxênhx iz thax  tsav 3 Chiềng Công, huyện Mường La, tỉnh Sơn La tsênhv muôx tsik txâuk đêx sir zôngv. Cưk kriê ntơưr Bùi Đình Quân, hiệu phưv tsêr cơưv cxênhx iz Chiềng Công puz pâuz: tiv hâur đêx sir zôngv tok lok yênhx shông txos đhâu tsiêz mak cưk kriê ntơưr thiêz shux xênhz njiz ntâu phiv liv viv đêx zâu. Yar ntu cuz zor truz ntêr muôx iz ciêz ntâu no, đêx tsuôk đros yênhx tênhr, chê muôx six hơưv thiêx tâu oz thungz đêx. Cưk kriê ntơưr thiêz nhân viên tsuv xuôk yêz mêir muk thâux đêx kuôk tsêr cơưv muôx cêik cêr lok tsês hâur kror đêx chiê phưx vưv trâu xênhz huôx, sir zôngv chênhr.

“Txos chêix ntux kruôr no mak muôx tsik txâuk đêx. Tsêr cơưv, cux xưk pox nhuôs vav tiêk chính quyền tiv phaz, chor cơ quan đoanx thêv paz cov muôx đêx sir zôngv trâu pox nhuôs, cux xưk li tsêr cơưv ntơưr sâuv thax tsav xar”./.

(Bích Thủy-Lik Thox cxêik nhênhv)

Têx shôngk đhâu, lênhx nênhs muôx zênhs zax zênhz sâuv thax tsa têx xã ntus đriv, huyện Phong Thổ, tỉnh Lai châu tsi so chuôz ndê. Muôx zênhs zax zênhz mak đros co zos têx hâux lưv tsi jông muôx yưv li: qênhx shênhx txiv ngaz, lênhx nênhs trâus yeiz pluôs chuôz ndê....Khov chủ trương paz txưv chiv zênhs zax zênhz cxôngx zôngv yuôx Methadone, ntâu lênhx nênhs muôx zênhs zax zênhz tưz tso tsês tâu zax zênhz, tror lok đros côngv thôngx nhoz uô nênhx. Tix lâuk Dì A San, nhoz jos Hợp II, xã ntus đriv Dào San puz pâuz:

“Thâuv ntêx tsi tâu muôx yuôx Mêthadone hâuk mak hnuz tưs cux mul nriêr nhiêx txiêx zuôr zax zênhz hâuk, iz tul keiz cux tsi yuôr. Nhiv no chuôz zis cux tưz muôx tâu mê njik, muôx nhiêx txiêx mak khơưk tsês, sơưr nzor cur mul hâuk Mêthadone, hâuk tas lok uô hâux lưv fênhx yax. Xar njôngr tov kaz no chiv zênhs zax zênhz tâu mak zuôr uô tâu hâux lưv muôx liv trâu xã hội, trâu cur chuôz zis”./.

(Khắc Kiên- Txâur Vax cxeik nhênhv)

Xor mông txix chính quyền xar Xuân Thượng, huyện Bảo Yên, tỉnh Lào Cai puz pâuz, hmo 21/4, niêv tix Đặng Thị Thuận (nhoz ntơưv thax tsav xar) hnor suôz tuk nhuôs nxêik tiv oz zos Bàn Thị Nhi (zus shông 2014) thiêz tuk nuk kuôx kư, tưz sêi đrơưv đhiê muk txos hâur chêk tuk txir zos Bàn Văn Thắng (mênhx cxưx Cho, zus shông 1988) hêik tiêk nhiv kruôr muôz trâu mê nhuôs hâuk yuôx nox tuôs, zuôr chơưv paz lok cux tsik tâu lơưv. Niêv tix Thuận sêiz đrơưv chox chor nhuôs tuôx trâu trạm y têr xar thiêz chox tuôx chơưv paz ntơưv tsêr kho moz đa khoa huyện Bảo Yên, taz sik tiv hâuk ntâu yuôx, trâus tưx hnhar, nhuôs Nhi tưz trâus tuôs ntơưv tsêr kho moz. Oz lênhx nhuôs txơưr zos Bàn Thị Tuyết thiêz Bàn Tuấn Hưng hâuk tsơưs thiêz tâu chơưv paz sêi, viv li hmôngr jông tsik tuôs. Bàn Văn Thắng tưz trâus cơ quan Công an cxov tsês chiê qênhz yuôx, xưv lik./.

(An Kiên-Lik Thox cxêik nhênhv)