Ntơưv ntênhs côngz fur HĐND Lào Cai li Nghị quyết lok luôs hâux lưv yênhx lix Sở zoz thôngz-Cxiv tsa tỉnh Lào Cai sâuv muôz Sở Zoz thôngz thiêz Sở cxiv tsa lok uô cê tâu tsưr tsix  tas cik hnuz 23/7, Ban Giám đốc Sở yiêz tưz tơưv njêx muôs trâu chôngz lênhx ntâu tuk canr bôv, công nhân viên chức nhoz hâur Sở pov thiêz pâuz. Têx hâu nov sr zoz thôngz-cxiv tsa tỉnh Lào Cai muôx iz lênhx Giám đốc thiêz 5 lênhx phưv Giám đốc, tâu xeir txix Giám đốc Sở cxiv tsa thiêz 5 lênhx phưv Giám đốc têx sở zoz thôngz, sở cxiv tsa kuz, six hơưv xeir zuôr lês uô têx hâux lưv no zos 5 shông. Zơưv Nguyễn Tiến Dũng, Giám đốc Sở Nội vụ tỉnh Lào Cai heik pâuz:

“Tsưr ziv zov chênhr zos têx hâu nov tsơưs, uô tâu hâux lưv, paz txo grêk tsơưs lênhx nênhs. Tsênhv tsênhz, trơưk li pêz njuôk xav xuz thơưx mak Ban Giám đốc txo grêk tâu 4 lênhx, hâu nov cấp Phongx txo grêk 9 lênhx nênhs thiêz txo grêk 7 lênhx nhân viên lês uô têx hâux lưv uz no...”./. 

(An Kiên-Riê Lâux cxeik, nhênhv)

Txos six hơưv no, tỉnh Điện Biên muôx 13/119 xar uô tâu tiêr luôs hâux lưv cxiv tsa jêx jok yiêz, cux zos tiêk chor xar no tưz uô tâu tiêr 19 luôs hâux lưv haur Bôv tsưr ziv têz qơưk lok jêx jok yiêz trơưk Thủ tướng chính phủ li cuêz tênhv số 1980. Taz sik tsênhv tsênhz, tsik tsơưs xar nhiv no cux tsênhv uô tsưr ziv zok nriêr thêv têx hnuz gri chiê uô têx luôs hâux lưv co thiêz paz nzir trâu têx luôs hâux lưv uô tâu tsik truôx. Têx luôs hâux lưv no mak cux zos iz kror lok six lax uô tâu truôx jông đros chor xar nhoz đêz, tox siêz. Hâur tas nro 13 xar nhoz tỉnh Điện Biên uô tâu tiêr cxiv tsa jêx jok yiêz, muôx 9 xar nhoz huyện Điện Biên. No zos tiv phaz muôx ntâu tsar tov tiv zix chiê uô cxiv tsa jêx jok yiêz sâuv tas nro tỉnh. Txơưv li, chính quyền thiêz pêx xênhv nhoz no cux tsênhv sir jos zok nriêr tsưr ziv thêv têx nux gri, cux xưk li tuôr truôx jông têx luôs hâux lưv uô tâu tiêr. Tsênhv tsênhz mak tsik pâuz txos thâuv tưs têx luôs hâux lưv no thiêx tâu uô cov tiêr ciês./.

(Vũ Lợi-Lik Thox cxêik nhênhv)

Hâur six hơưv đhâu, sâuv thax tsav tỉnh Yên Bái ntux lok nas ntâu thiêz ntêr hnuz trâu cxuô thax tsav qơư hâur tỉnh. Lar heik, ntux nas lox ntêr hnuz txix hnuz 19/7 txos hnuz 21/7/2018, hâur thax tsav tỉnh muôx ntux nas lox trâu cxiê qơư, uô đêx ngaz, tox poz ar lơưk, cuôr yôngz, uô ruôr hiêv ntâu lok lênhx nênhs thiêz têz qơưk, tsôngv px têx chuôz zênhx chuôz tas. Chiê zênhx max paz tsôngv box tỉnh Yên Bái khưx phưx têx tsi jông tiv đêx nas uô, Ủy ban MTTQ VN tỉnh Yên Bái muôx luk hu lơưk cxuô doanh nghiệp, doanh nhân, têx lênhx nênhs siêz jông, têx tsưr tsix hâur thiêz đrâuv luôs 2 chas tỉnh siz chos paz mê njik trâu têx lênhx nênhs trâus moz trâus saz thiêz thiêz chuôz zis trâul uô hiêv tỉnh Yên Bái. Đros thiêz iz lênhx canr bôv, công chức, viên chức, nênhs lox tôngv, chiến sỹ lưv lươngv vũ trang hâur thax tsav tỉnh paz tsơưs tsơưs iz hnuz nhiêx hli; iz chuôz zis nhoz hâur đrôngs paz txix 20 cxênhz đeiv tror zar sâuv, iz chuôz zis nhoz tox siêz paz tsơưs tsơưs 10 cxênhz đeiv.... Six hơưv, hnuz nhôngs phuôx tôngv gôngr paz trâu têx lênhx tsôngv box, chuôz zis trâul ntux uô hiêv heik sâuv txix hnuz 22/7/2018 txos tas hnuz 22/8/2018./.

(Đinh Tuấn-Riê Lâux cxeik, nhênhv)

Têx uô cxâuv ntơưv Hôiv  đôngx thik Sở zoz zux thiêz thox cxov Sơn La tưz uô cxâuv zov chênhr lơưr chêi thik. Bôv zoz zux thiêz thox cxov cuêz tênhv xưv lik truôx chor tiz nênhs, tập thể uô cxâuv, lơưr cuiz tênhv chiê taz por truôx jông trâu jiês thik tưr cơưv tiêr ntơưr cxênhx pêz têz qơưk. No zos zơưv Mai Văn Trinh, Cục trưởng cục khảo thí thiêz qênhz yuôx tsơưr lươngv zoz zux (Bôv zoz zux thiêz thox cxov) ntơưv jiês njiz pov chir tar su hnuz 23/7. Uô lơưr chêi thik tưr shông 2018, tổ côngz xưv hêik tsưr ziv xưv lik chêx cur thik tưr ntơưv Hôiv đôngx thik Sở zoz zux thiêz thox cxov Sơn La li đrav kaz:

Đros chêx cur môn ngữ văn mak zuôr chêx cur jiês thik siv nzir trâu 110 jax thik chiê hlôngr trâu chêx cur jiês thik uô ntêx co zos Hôiv đôngx Sở zoz zux thiêz thox cxov Sơn La hêik pâuz hnuz 11/7/2018. Chêx cur chấm siv no tâu sir zôngv chiê xav cơưv tiêr ntơưr cxênhx pêz thiêz xêir zuôr muk cơưv Đại học, Cao Đẳng, Trung cấp shông 2018 lơưr cêr chêi.

Đros chor môn thik trắc nghiệm, xuz thơưx cux lav côngz jênhv chêx cur thik trắc nghiệm tưz tâu hêik pâuz hnuz 11/7/2018 thiêz chêx cur no cux lav tâu sir zôngv chiê xav cơưv tiêr ntơưr cxênhx pêz thiêz xêir zuôr muk cơưv đại học, cao đẳng sư phạm, trung cấp sư phạm shông 2018 lơưr chêi. Cơ quan txơưx jênhv tror qênhz yuôx uô têx tsưr ziv chiê xav jênhv têx uô cxâuv kho đuô jax thik trắc nghiệm trâu iz cxiê lênhx shux xênhz. Thâuv muôx tâu chêx cur qênhz yuôx tsênhz mak zuôr xưv lik chêx cur thik co trâu chor shux xênhz cik txos lơưr cêr chêi. Chêx cur co zuôr zos shux xênhz li chêx cur thik tưr tâu hâur jiês thik tưr cơưv tiêr ntơưr cxênhx pêz têz qơưk shông 2018./.

(BTS-Lik Thox cxêik nhênhv)