Tỉnh Sơn La nhiv kruôr tror muôx nzir 9 lênhx nênhs trâul moz yiêz Covid-19, hâur co 7 lênhx tâu qênhz pov ntơưv thax tsav cêv kuôk huyện Phù Yên, 2 lênhx qênhz pov hâur côngv thôngx, zos ntơưv jok Úm 1 thiêz jok Úm 2, xã Huy Thượng, huyện Phù Yên. 2 lênhx nênhs trâul moz yiêz hâur côngv thôngx no, iz lênhx hâur thax tsav cêv kuôk, nhoz ntơưv jok Úm 1, xã Huy Thượng, huyện Phù Yên, zos công an viên; iz lênhx zos tâu nhoz jê đros tus nênhs moz sôr 312.951. Trơưk li Tsênhv qơư qênhz njuôk shuôs moz gênhk tỉnh Sơn La ntâuk grê: Hâur six hơưv qênhz yuôx, yơưz phơưz, xuz thơưx xav tinhv jok Úm 1, jok Úm 2, xã Huy Thượng, huyện Phù Yên zos qơư qênhz pov muôx moz hâur côngv thôngx, muôx têx zôngx ziv siz cik tâu caz moz trâu chôngz lênhx ntâu tus. Taz sik txos nhiv no tsi tâu tâu pâuz tsênhz shor caz moz siz cik li chas, taz muôx têx tâu xav zos puôr lênhx cik txos chor nênhs trâul moz tâu qênhz pov ntơưv thax tsav cêv kuôk hâur huyện. Thôngz sâu txix hnuz 21/7 txos tas hnuz 23/8, tỉnh Sơn La tưz muôx 161 lênhx nênhs trâul moz SARS-CoV-2, hâur co 138 lênhx tâu qênhz pov hâur qơư cêv kuôk chor nênhs tâu xav zos trâul moz thiêz zôngx ziv trâul cik tâu caz moz; 23 lênhx qênhz pov hâur côngv thôngx cik txos chor nênhs trâul moz tưz tâu qênhz pov hâur qơư nhoz uô ntêx ntơư./.

 (Trấn Long-Riê Lâux cxeik, nhênhv)

Muôx yưv moz Covid-19 siz cik phiv liv ntơưv huyện Phù Yên, tỉnh Sơn La, Đảng ủy Bôv chỉ huy Quân sự tỉnh Sơn La tưz tso xar muôx 100 lênhx cán bộ, chiến sĩ muk đros paz phax, tar caz moz Covid-19 ntơưv huyện Phù Yên, uô hâux lưv sik côngv đros chor lưx lươngv qênhz yuôx, sêiz jor, tir tar, tsưx phưv thiêz sêiz shuôk truôx jông lênhx nênhs thiêz têz yêz muk lok uô jông lơưr têx cui tênhv phax, tar caz moz hâur thax tsav uô lơưr Thủ tướng Chinhr phuv liv Chỉ thị 16 thiêz UBND tỉnh Sơn La li cuêz tênhv số 1976 ntơưv huyện Phù Yên. Thôngx cxix nriêr pâuz tsênhz qênhx shênhx xor mông lok caz moz thiêz yar kriê têx tsưr ziv phax tar caz moz trâu pêx xênhv pâuz chiê uô trơưk; paz tuôr xav tsưr ziv trâu cấp ủy, chinhr quyền ntơưv qơư hâur uô têx tsưr ziv chiê phax tar caz moz. Uô truôx jông têx jênhv vưv tâu Bôv Chỉ huy thiêz Ban chox kriê phax, tar caz moz Covid-19 tỉnh cho zok.

Thượng úy Lê Anh Phương, Chinhr triv viên phưv, tiểu đoàn 1, Trung đoàn 754, Bôv Chỉ huy quân sự tỉnh Sơn La puz pâuz:

“Pêz pov no zos iz kror hâux lưv lok six zov chênhr, thâuv mak tas nro têz qơưk tsênhv sir jos phax tar caz moz, chênhr viv li, cur cux xưk li tas nro sơưr đơưk hâur taz viv zuôr sir jos cov uô tiêr tâu jông têx jênhv vưv tâu choz zok; pêz jênhv tiêk, zuôr sir tas đas jos, txơưx jênhv chiê paz trâu pox nhuôs sơưr đơưk nhoz ntơưv huyện Phù Yên”./.

(Trấn Long-Lik Thox cxêik nhênhv)

Hnuz 23/8, 18 cxênhz ntâu lênhx shux xênhz lớp 1 tỉnh Yên Bái qir tuôx muk tsêr cơưv. Shông cơưv yiêz 2021-2022, tỉnh Yên bái muôx 592 lớp 1, 18.100 ntâu lênhx shux xênhz. Co zos têx shux xênhz tuôx tsêr cơưv nzor đuô hur si trơưk li cui tinhv six hơưv, hnuz nhôngs shông cơưv yiêz nhoz Yên Bái.

Chiê taz por trâu shux xênhz tuôx tsêr cơưv truôx tuk, ngênhx zoz zux cxuô huyện, thị xã, TP chox kriê cxuô luz tsêr cơưv cxiv uô têx tsưr ziv lênhk tok shux xênhz cov fiv đros trâu cui tinhv cê uô luôs hâux lưv kriê txux chi, cê phax tir thêir tâu jông moz Covid-19 đros thiêz tsưr ziv “truôx tuk trâu shux xênhz zos hâux lưv uô ntêx hlo”. Đros trâu bax têx qơư nhoz cơưv, chuôz zênhx, cxuô luz tsêr cơưv hâur thax tsav tỉnh sir jos vêv xênhz, qêz suô tsêr cơưv, lớp cơưv cov hur si, đu lus; yax kriê, heik shux xênhz li têx lênhx uô niêv uô txir tok xa têx nhuôs taz por trơưk cui tinhv phax tir thêir moz zos: Chox ntâuz bos kror ndâux, iz tus nhoz kuôk đêz iz tus, muôz xaz phôngz nzuôr têx nhuôv têk…..hur si.

Trơưk li tsưr ziv, têx lớp tsênhv yuôr mak zuôr tuôx tsêr cơưv lok hnuz xiêz 01/9 thiêz tas nro tỉnh Yên Bái zuôr krêz shông cơưv yiêz 2021-2022 lok hnuz xiêz 5/9 zuôr txos./.

 (Thừa Xuân-Riê lâux cxeik, nhênhv)

Công an huyện Điện Biên, tỉnh Điện Biên nhiv kruôr sik côngv đros zênhx Pênhz phax trôngx đriv ntiêx têz Tây Trang thiêz Chi cục Hải quan trôngx đriv ntiêx têz Tây Trang cxov tâu pos Sua Xênhv Vưx (xênhz shông 1981), nhoz jok Ca Hau, xar Na Ư, huyện Điện Biên, tỉnh Điện Biên. Sâu tâu iz đraz đêiv zênhz đơưz (hnhar muôx 175g) thiêz 1.000 njiêr yuôx shơư zax zênhz, 1 luz yêz mêir. Ntơưv cơ quan Công an, Sua Xênhv Vưx kriz tiêk zuôr chor zax zênhz co ntơưv thax tsav ntus đriv Việt-Lào chiê chox lok sir zôngv thiêz muôs zuôr nhiêx liv.

Nhiv no txuz hâux lưv tsênhv tror tâu cơ quan Cảnh sát qênhz yuôx tror uô cov tiêr ntâuz ntơưr kriz đar qênhz yuôx txuz hâux lưv no chiê muôx tik cêr cxâuv trơưk chêi têz qơưk cui tênhv./.

(Vũ Lợi-Lik Thox cxêik nhênhv)