Hợp tác xã kôngz nuv Quyết Thanh li txir hồng kra kruôr nhoz tiểu khu khí tượng (thị trấn nông trường Mộc Châu, huyện Mộc Châu, tỉnh Sơn la) tâu ntâu lênhx nênhs nhiêv nox. Hồng Mộc Châu zos iz zav txir ntông muôx tsiv grê siêz, tsi muôx nôngz, nox kaz, tâu tsov cưv krêz đar mênhv chêx chos ntơưv huyện Mộc Châu. Nhiv no, tas nro huyện muôx 70 hecta ntâu, iz hecta tax muôx nhos 10-15 tênhr txir, tas nro mênhv chêx chos txir hồng tax 1 cxênhz tênhr, grê muôs chungz fênhx cxôngx 30 cxênhz txos 35 cxênhz đeiv iz cir./.

(Trang trại Việt- Txâur Vax cxeik nhênhv)

Shông 2019, tas nro tỉnh Lào Cai muôx 7.600 ntâu ziv chuôz zis pluôs, txo grêk chuôz zis pluôs tâu muôx 4,79%. Nhiv no, tas nro tỉnh muôx 19.700 ntâu ziv chuôz zis pluôs, bâuv li 11,46%; chor chuôz zis zuôr xar pluôs nhiv no yuôr 17.000 ziv chuôz zis, bâuv li 9,88%. Chiê thiv pluôs, têx tiv phaz tưz yưv pênhr lok uô vax tsêr, cêr cxuô zav, kriz uô têx tsênhv chêi lok y têr, zoz zux, tsêr nhoz, đêx xênhz huôx, cungz dịch vụ, paz gri, nhiêx txiêx; têx tsênhv chêi paz ciês (chuôz zênhx uô xênhz yar, zuz nôngz tsoz chos, tsiêx zus) thiêz ntâu tsênhv chêi txơưr txix tsaz yênhx 135, Tsaz yênhx tsưr ziv têz qơưk lok thiv pluôs sêi thiêz truôx đrênhk, Tsaz yênhx cxiv tsa jêx jok yiêz thiêz thiv pluôs truôx./.

(Báo LC-Lik Thox cxêik nhênhv)

Hâur 3 hnuz cxôngx hnuz 26 txos 28/12, ntơưv qar tiêx vênhv tôngv thành phố Điện Biên Phủ (tỉnh Điện Biên), Tòa án tỉnh Điện Biên zuôr krêz tik cêr cxâuv txuz án tuô tuôs lênhx nxeik muôs keiz hâur six hơưv nox tsiêz tsêz no. No zos txuz án hình sự zov chênhr, tâu tas nro têz qơưk tsov cưv txos viv li côngz xưv taz por txiv ngaz hâur têx hnuz krêz tik cêr cxâuv cuix tưz tâu Công an tỉnh Điện Biên muôx tsưr ziv uô jông, chiê taz por trâu Hội đồng tik cêr cxâuv, têx lênhx nênhs phamv cxâuv, cux xưk li tsôngv box tuox dưv phiên tòa tâu taz por./.

(Vũ Lợi- Txâur Vax cxeik nhênhv)