Tok hơưv chiv nhênhv 50 shông uô lơưr chủ tịch Hồ Chí Minh li hêik kriê thiêz chiv nhênhv 88 shông hnuz yênhx lix Đoanx hluôk nênhs cộng sản Hồ Chí Minh, hnuz 24/3, ntơưv Quảng Trường 19/8, tỉnh Yên Bái tsưr tsix hnuz đhiê Olympic viv tas nro pêx xênhv li đas jos; Hnuz hôiv ngaz tuk zoz thôngz; Hnuz hôiv hluôk nênhs. Cux ndaz ndơưv hnuz hôiv hluôk nênhs, tỉnh đoàn Yên Bái tsưr tsix hênhr kruôk, khơưk kruôk trâu 50 lênhx nênhs uô tâu jông, no zos chor cưk kriê ntơưr hluôk uô tâu hâux lưv jông, chor shux xênhz uô tâu 5 kror jông, shux xênhz 3 cơưv shâuv thiêz shux xênhz 3 kror jông cấp tỉnh shông 2019. Mai Tiến Đạt, lớpm 11 lý, Tsêr cơưv cxênhx pêz chuyên Nguyễn Tất Thành-Yên bái, zos shux xênhz tâu kruôk jiês no shir phaz hêik:

“Cur lok six shir phaz, viv chor nênhs tâu hênhr kruôk nhoz no puôr lênhx zos chor nênhs txơưx tiv zix ntơưv tsêr cơưv ntơưr. Cur zuôr tror sir jos cơưv ntơưr chiê tax tâu ntâu chêx cur cov tâu kruô ntâu jiês đuô”./.

(Tuấn Xuân-Lik Thox cxêik nhênhv)

Nhiv kruôr đhâu, ntơưv thax tsav tổ 23, phường Phố Mới, thành phố Lào Cai, Đội sêiz car ciêz đrôngs số 1-Cục sêiz car ciêz đrôngs tỉnh Lào Cai tưz sik côngv đros Công an tỉnh Lào Cai cxov tsês chor njêl tầm hnhar muôx 512 cir, tsiv gri 70 triệu đêiv, zos Hoàng Văn Đồng muôx 34 shông, nhoz ntơưv luz tsêr số 062 cêr Thủy Hoa, phường Duyên Hải, thành phố Lào Cai uô tsưr. Taz sik, ntơưv six hơưv cơ quan txơưx jênhv qênhz yuôx, tsưr hax huv tsik muôx ntâuz ntơưr cik txos. Đros trâu uô ntâuz ntơưr sâu tsês tas nro chor njêl tầm zuôr muôs tsik trơưk chêi co chox muk hlơưr phâuk por tsês, lưx lươngv txơưx jênhv tưz bluô tus tsưr tsêr 40 triệu đêiv./.

(An Kiên-Lik Thox cxêik nhênhv