Ndaz ndơưv chiv nhênhv 71 shông hnuz xaz pênhz Liệt sĩ 27/7, tỉnh Lai Châu tưz tso ntâu đoanx cán bộ muk sêiz nus chor chuôz zis tâu sơưv cêr chêi, nênhs muôx côngz thiêz khơưk muôz 200 kror hax huv, đros chor nhiêx xar muôx 400 triệu đêiv. Đuô li, tiv phaz cux tưz tso tơưv bê ntơưr khơưk muôz chủ tịch têz qơưk zuôr xar 1.000 kror hax huv trâu nênhs muôx côngz thiêz nênhs cxênhz jê đros tas nro chor nhiêx zuôr xar 200 triệu đêiv. Zơưv Nùng Văn Nim, Phưv giám đốc Sở lox tôngv, Xaz pênhz thiêz xar hôiv tỉnh Lai Châu puz pâuz:

“Côngz xưv tsoz phưz trâus nênhs muôx côngz zos jênhv vưv chinhr trị sơưr thơưx hâur nganhx. Yênhx shông txos trâu 27/7 mak sở cux tưz hêik trâu tỉnh chiê chor nênhs lênhx tov tỉnh thiêz sở, nganhx tưz muk sêiz nus thiêz khơưk muôz huv trâu chor chuôz zis nênhs muôx côngz. Sở cux tưz uô jông côngz xưv tsoz phưz đas jos trâu chor nênhs muôx côngz thiêz lơưr chor nênhs cxênhz jê…”./.

(Khắc Kiên-Lik thox cxêik nhênhv)

Chiê gra siêz qơư sơưr, muôz hâux lưv uô thiêz tsar ndê phênhv sâu tâu trâu têx pox niêv tỉnh Lào Cai thiêz Sơn La, hnuz 24/7, Chính phủ Ôxtrâylia tưz qir krêz uô dưv anr “cxơưz cxiz pox niêv thiêz txir nênhx vax huôv siz luôs thôngz đhâu gra  siêz têx hâux lưv huôv tsar uô kôngz lôngk thiêz huôv tsar uô ju lix” ntơưv huyện Mộc Châu, tỉnh Sơn La. Dưv anr li qơư tsov txos zos gra siêz txux chi tsưr ziv trâu têx pox niêv ntơưv qơư, cxơưz cxiz lơưr đros cxaz chuôz trâu tênhx qơư kôngz nuv thiêz ju lix, chuôz tsar tiês têx pox niêv li côngz bê, txux chi, lul heik, nuv uô hâur têx quyết tinhv kinh tế. Đros thiêz grê muôx nhos 600 tỷ đeiv, Chính phủ Ôxtrâylia têx pênhr nhiêx yưv uô tsi tas pâux nzir, dưv anr tâu uô txix shông 2017 txos shông 2021, chêx tsôngk trâu ntơưv 2 tỉnh Tây Bắc zos Lào Cai, Sơn La; njuôk xav zuôr paz nhos 40 cxênhz lênhx pox niêv chiv chir uô lax luôv, zuôr muôs têx xiv huv chiê tsar ndê phênhv sâu tâu thiêz muôz nhos 4 cxênhz têx nuv uô trâu chor pox niêv. Zơưv Robert Kennedy, lênhx thơưx tâu vax huôv piêr kriê uô dưv anr cxơưz cxiz ju lix heik pâuz:

“Tsưr ziv chiê uô têx li heik no zos, dưv anr zuôr muôz lok six ntâu têx tos cik txos, hâur co muôx doanh nghiệp, muôx ntơưv qơư, muôx têx tsưr tsix phi chính phủ, têx cơ quan hâu nov ntơưv qơư chiê txix co muôx têx sik đros vênhv tôngv, huiz tôngv cxuô pênhr jos lok sâuv sđ têx txux chi tsưr ziv  chiê uô tâu jông têx luôs hâux lưv li heik sâuv”./.

(Trấn Long-Riê Lâux cxeik, nhênhv)

Lơưr tỉnh Yên Bái hêik pâuz, txos nhiv no ntux nas đêx ngaz cuôr tưz uô 14 lênhx nênhs tuôs, 3 lênhx nênhs tsik pov, 20 lênhx nênhs trâus saz, zuôr xar 1.500 luz tsêr trâus hiêv, xar muôx 2.700 ha tsoz chos cxuô zav trâus hiêv, yênhx puô côngz trinhx cêr muk lok, vax tsêr cxuô zav trâus puôk tsuôx… Njuôk xav têx trâus hiêv tas muôx 250 tiv đêiv ntâu. Đros pêx xênhv qơư trâus đêx ngaz cuôr Yên Bái li phiv liv, ntâu đoanx côngz xưv thiêz têx tập thể, tiz nênhs tưz tuôx paz trâu pox nhuôs luz nênhx. Xav txos tas hnuz 23/7, tưz muôx zuôr xar 30 đoanx tuôx Mặt trận têz qơưk Việt Nam tỉnh Yên Bái chiê paz chor nhiêx zuôr xar 2 tiv đêiv. Ntơưv têx tiv phaz trâus ciês đêx ngaz cuôr ruôr hiêv cux tưz txêik tâu têx nhiêx paz thiêz chor tập thể, tiz nênhs li têx huv paz tsiv gri muôx 800 triệu đêiv ntâu…./.

(Đinh Tuấn-Lik Thox cxêik nhenhv)

Đhâu 2 jiês sik thav siz seiz lax, Tòa án tỉnh Điện Biên tưz tax thôngx ziv lok phênhv nhiêx pâux nzir zuôr xar 13 tỷ đeiv trâu pos Đặng Thị Nga, nhoz jok Sơn Thủy, thị trấn Tuần Giáo, huyện Tuần Giáo, tỉnh Điện Biên chuôz zis, viv trâus iêz hiêv tuô tuk txir tuôs hâur 28 shông đhâu lok.Sik thav đros têx tuz sâu xor xưv VOV, tas cik hnuz 24/7, zơưv Phạm văn Nam, Chánh án toàn án tỉnh Điện Biên heik pâuz:

“Nhiv no Tòa án tỉnh Điện biên cux tsênhv sir jos uô zênhx max têx hâux lưv đơưk tu txuz plâuz ntus co. Taz sik muôx iz cxiê hâux lưv li: Sâu têx nhiêx pâux nzir tsi tâu tâu thôngx ziv viv tsi huv đros chei têz qơưk cui tinhv. Ntơư zos qir tiv chênhr uô trâu 2 tos tsi tâu muôx cêr thôngx ziv. Hâur six hơưv iz hlik thiêz, pêz zuôr tror hu 2 tos tuôx chiê seiz lax, thôngx ziv lok têx li heik co. Pêz cux vav thiêz xar tiêk, uô li chas chiê đơưk tu cov tâu trâu tsôngv box, ziv nzor mak ziv jông, tiv iz zos chiê taz por trâu tsôngv box, tiv 2 zos txar jav sti chiê tsôngv box sđ heik li uz li no, to tâuz zuôv cêr lok tòa án hâux lưv đơưk tu têx txuz plâuz ntus, tu li chas cov muôx liv trâu tsôngv box”./.

(Vũ Lợi-Riê Lâux cxeik, nhênhv)