Hâur oz hnuz 21, 22/9, phưv chủ tịch côx hôiv Phùng Quốc Hiển thiêz đoàn têiv plor côx hôiv tỉnh Lai Châu tưz jiz cử tri chor cơ quan huyện Phong Thổ thiêz phường Đông Phong, thành phố Lai Châu, tỉnh Lai Châu. Hêik trâu Côx hôiv, cử tri huyện Phong Thổ hêik, ntu zuôr txos têz qơưk tsuv muôx chêix huv đros trâu cán bộ y tế tox siêz. Kho đuô chế độ bảo hiểm y tế cux tsik tâu huv đros cxuô thax tsav; muôx chêix paz nhiêx txiêx trâu nênhs uô hâux lưv nhoz têx jêx jok; cxaz nzir phưv chủ tịch huyện, phêiz nhiêx txiêx têz qơưk khov lơưr yênhx tiv phaz.

Ntơưv chor jiês njiz cử tri, phưv chủ tịch Côx hôiv Phùng Quốc Hiển ntâuk gri siêz Đảng bộ, chính quyền thiêz pêx xênhv huyện Phong Thổ, phường Đông Phong (thành phố Lai Châu) li têx sir jos hâur ntu đhâu, tiv zix zos côngz xưv cêir chêx hâux lưv uô, cxuôv yêiz thiv pluôs thiêz taz por truôx tuk chính trị, truôx tuk xã hội sâuv thax tsav. Phưv chủ tịch côx hôiv cux hêik chính quyền chor tiv phaz tsuv sir jos uô têx kror muôx liv sâuv thax tsav, tiv zix zos lok đêx ar, jôngr nuv thiêz dịch vụ. Paz tsar tov trâu pêx xênhv truôx tuk luz nênhx, taz por truôx tuk nhoz tiv phaz. Cử tri li têx ziv chênhv, chor têiv plor côx hôiv zuôr xa trâu chính phủ, chor bô, nganhx cik txos cêir chêx./.

(Khắc Kiên-Lik Thox cxêik nhênhv)

Têik cik hnuz 24/9, Đaix Nta suôz-nta đuôz shav tỉnh Sơn La tsưr tsix ntênhk chiv nhênhv 40 shông hnuz yênhx lix (26/9/1977-26/9/2017). Đaix nta suôz-nta đuôz shav tỉnh Sơn La tâu yênhx lix txix iz phênhv cán bộ thiêz kỹ thuật nhoz Đaix nta suôz thax tsav chiv chir sêiz jor Tây Bắc. Đhâu 40 shông cxiv tsa thiêz huôv tsar, đros têx sir jos tsik so, chor cán bô, phóng viên cxuô ntu hâur Đaix nta suôz-nta đuôz shav Sơn La tưz sir jos sik paz, khav tênhv tâu cơ quan pov chir nhoz tiv phaz. Nhiv no Đaix tsênhv nta đuôz shav muôx 18 six hơưv iz hnuz thiêz 8 six hơưv nta suôz iz hnuz. Chiê tsik so gra siêz tsơưr lươngv chor tsaz yênhx nta suôz, đuôz shav, Đaix PT-TH tỉnh Sơn la tưz sir jos yưv pênhr zuôr, uô cxuô zav lơưr saz hlôngr yiêz. Hli 10/2015, Đaix PT-TH tỉnh Sơn La piz tso nta đuôz shav kênh Sơn La (STV) sâuv vệ tỉnh Vinasat 1, uô lơưr tso sâuv thôngz têz qơưk thiêz iz cxiê luz têz qơưk Đông Nam Á. Khov co, 100% chor ziv chuôz zis nhoz tỉnh, xav tas nro chor ziv chuôz zis nhoz têx qơưk kik, hâur vuôk har, nhoz đêz, tox siêz ntus đriv cux sêiz tâu hur si…/.

(Việt Anh-Lik Thox cxêik nhênhv)