Ndax trâu chiv nhênhv 80 shông hnuz cxiv tsa tâu chi bộ tsêr tux Sơn la shông 1939, têis cik hnuz 25/12, tỉnh uỷ Sơn La tưz kriz cơưv sik thav lok khoa học muôx njiêz luk “Chi Bộ tsêr tux Sơn la-tsiv grê lok lịch sử thiêz muôx tsênhz”. Ntơưv jiês sik thav no, chôngz lênhx ntâu tus cux xav tiêk: “Chi Bộ tsêr Tux Sơn La hâur ntu cxiv kho têz qơưs cách mạng nhoz Sơn La, zos iz luôs hâux lưv uô cxiv kho têz qơưs, ndo txiêx njis txos chor lâuk đrav ntêx sir tas đas jos tsưr ziv tir ntâuk tros châuz cxiv kho têz qơưs truôx tuk hâur ntu nhiv no”. Zơưv Nguyễn Đắc Quỳnh, phó bí thư Thường trực tỉnh uỷ, tsar đoanx đại biểu Quốc hội tỉnh Sơn la hêik:

Băng: “Hâur jiês sik thav lok khoa học Chi bộ tsêr Tux Sơn La jiês xuz thơưx, tâu tỉnh uỷ Sơn La kriz uô chiê ndo txos Chi bộ tsêr Tux Sơn La luz côngz bê, cxuô luos hâux lưv uô muôx liv cxiv kho têz qơưs thax zênhz-truôx tuk thiêz ndo txiêx njis txos chor lâuk đrav ntêx luz côngz bê, tsưr ziv đas jos tir ntâuk tros châuz cxiv kho têz qơưs”./.

                  (Tsu vưx cxêik nhênh-Triệu Biên-Thiều Nghiệp)

Chiê krêz uô, nzaz nzơưv têx muôx jông hâur thax tsav; fuô uô tâu jông tsênhv chei hlôngr yiêz tsưr ziv uô kôngz, têx shông đhâu tỉnh Yên Bái tưz sir jos trâu huôv tsar uô têx xiv huv chênhr, hâur co muôx shuôz njêl pak đêx Thác Bà, huyện Yên Bình. Huyện Yên Bình nhiv no muôx 1.850 qơư xor thêir tu zus njêl thiêz 230 ntâu ha pak đêx xor thêir uô qơư zus cxuô zav njêl li: Rô phi, njêl nox jâuz, njêl Lăng....sâuv pak đêx Thác Bà. Têx njêl zus shông 2019 njuôk xav muôx nhos 10.500 tênhr. Hli 10/2019, têx njêl hâur pak đêx Thác Bà tâu cục sở hữu trí tuệ muôz ntơưr côngk nhav “Njêl pak đêx Thác Bà”./.

                               (Thừa Xuân-Riê Lâux cxeik, nhênhv)

Thượng tá vũ Trọng Thưởng, tsar phôngx cảnh sát chơưv paz tư pháp, công an tỉnh Điện Biên hêik pâuz: Uô trơưk Giám đốc công an tỉnh Điện Biên luôs hâux lưv tso tơưv; hâur 3 hnuz tu txuz plâuz tuô tuôs lênhx nxêik muôs kêiz mak đơn vị tưz tso tơưv cxuô luôs hâux lưv uô ntov chiê sêiz car truôx luôs hâux lưv hâur 3 hnuz tu txuz plâuz hêik ntơư tsik chiê muôx yưv têx tsik jông, uô ruôr hiêv txos Hội đôngx tu txuz plâuz thiêz tsik uô ruôr hiêv txos chor nênhs trâus tik cêr cxâuv, viv tuô lênhx nênhs tuôs. Xav hur tiz si muôx 100 ntâu lênhx cán bộ tuz lênhv công an tuôx tir thêir sêiz car tu trôngx plâuz hêik sâu cov zos đrêiv chêi têz qơưs tso tơưv./.

            (Tsu vưx cxêik nhênh-Triệu Biên-Vũ Lợi)

Tas cik sơưr nzor hnuz 25/12, iz ndis thax tsav ndor trôngz Fansipan tưz pov muôx đâuk tê đơưz pâus, uô cheix ntux no thax tsav tox siêz Sa Pa muôx qơư jông trâu têx lênhx kruô nhiêv ndis shuôs ntux uô si tuôx seiz shuôs. Trơưk li qơư njuôk ntux yar ntux nas tỉnh Lào Cai, chuô txiêk uô hiêv txos Sa Pa, thâuv hmo ntux tsi yuô muôx huôz ntâu, jêx tưv grêk kis, thâuv hmo ntux thiêz tas cik sơưr nzor lok six no njiv, sâuv trôngz Fasipan tưz pov muôx đâuk tê đơưz pâus. Ntâu lênhx kruô thâuv tuôx txos trâu trôngz Fansipan lơưr lok six nhiêv ndis seiz têx đâuk tê, shuôs cxuô tsar zav nhoz no./.

(KT-Riê Lâux cxeik, nhênhv)