Tỉnh đoanx Điện Biên nhiv kruôr đros Công ty tênhv tênhz Điện Biên tsưr tsix ntênhs phuôx tôngv uô lơưr six hơưv ntiêx têz shông 2018 đros thiêz njiêz luk “Hnuz no zuk zuôr uô nênhx jông đuô”. Tsaz yênhx muôx iz cxênhz ntâu lênhx hluôk nênhs nhoz têx cơ sở đoanx hâur tas nro tỉnh cxaz chuôz.

Xor xưv li heik co zos hâux lưv tâu têx hluôk nênhs Điện Biên tsưr tsix hâur niêx shông, chiê gra siêz txux chi, tsưr ziv jênhv pâuz trâu côngv thôngx lok huôz chuô txơưr txar thiêz cxênhx txuôs tênhv tênhz. Đhâu ntơư, paz por hưv tênhx qơư thiêz huôv tsar truôx trâu ntu nênhx zar tov kaz. Tix lâus Lò Văn Chương, iz lênhx hluôk nhoz hâur huyện đoanx Điện Biên heik pâuz, cxaz chuôz uô lơưr têx nuv co, tix lâus seiz no zos iz hâux lưv uô muôx liv:

“Đros thiêz pưs txux zos iz lênhx hluôk nênhs, cur zuôr cxênhx txuôs tênhv thiêz zuôr tuô hur si têx chuôz zênhx tênhv tênhz thâuv tưs tsi zôngv txos. Cur cux zuôr yax kriê trâu tsôngv box sđ thiêz têx hluôk nênhs txơưr đuô hâur chi đoanx pâuz chiê gra siêz txux chi tsưr ziv jênhv pâuz hâur cxênhx txuôs tênhv tênhz”./.

(Vũ Lợi-Riê Lâux cxeik, nhênhv)

Trơưk li tsưr ziv, tỉnh Sơn La zuôr tsưr tsix chos thiêz muôz 1.400 tsoz ntông pax lâus trâu 7 tỉnh: Hưng Yên, Nam Định, Thái Bình, Cao Bằng, Quảng Ninh, Hà Nam thiêz Vĩnh PHúc. Six hơưv uô luôs hâux lưv no njuôk xav uô hâur 3 luz hlik txix hli 4-6/2018.

Ntông pax lâus zos têx ntông muôx nhoz trâu thax tsav Tây Bắc heik cxuô, tỉnh Sơn La heik taz. Luôs hâux lưv muôz ntông pax lâus trâu têx tỉnh faz Bắc zos chiê uô trâu tênhx qơư jông jav, piêr kriê ntông pax lâus têx yiêz jông cux li tỉnh Sơn La txux chi vênhx huôv txos trâu tsôngv box, tsôngv kruô nhoz luôs 2 chas têz qơưk thâuv tuôx trâu iz tỉnh tox siêz faz Bắc. Cxơưz cxiz Sơn La thiêz iz cxiê tỉnh faz Bắc li cêr coaz siv fôngx zưs, chuôz tsar cêr sik thôngx siêz hâur huôv tsar kinh tế XH. Njuôk xav, nhiêx txiêx uô luôs hâux lưv heik sâuv zos 4 tỷ đeiv ntâu; txix têz qơưk nhiêx txiêx thiêz pênhr nhiêx XH./.

(KT-Riê Lâux cxeik, nhênhv)