Zar hnuz keix hnuz 25/4, ntơưv tsênhv qơư phêv ziv tỉnh Điện Biên, Bộ vênhx huôv thiv thao thiêz ju lix đros UB tỉnh Điện Biên tsưr tsix lênhx phaz cán bộ thư viện thôngz xor mông heik kriê ntâuz ntơưr. No zos huôx tôngv nhoz hâur têx huôx tôngv tsênhv tsênhz nganhx vênhx huôv thiv thao thiêz ju lix hơưv tos chiv nhênhv 65 shông hnuz ntâuk zênhx lix xưv Điện Biên Phủ (7/5/1954-7/5/2019). Pos Vũ Dương Thúy Ngà, vụ tsar vụ thư viện- Bộ vênhx huôv thiv thao thiêz ju lix, Tsar ban tsưr tsix puz pâuz: No zos huôx tôngv muôx ziz njiêz coaz tsôngv, chiê yax mông, heik kriê txos cxuô cxênhx nênhs têx tác phẩm, cxeix laov lok jiês ntâuk zênhx lix xưv Điện Biên Phủ, lok đại tướng Võ Nguyên Giáp, lok tsôngv box thiêz bộ đội VIệt Nam li têx gôngr côngv jông..../.                               

(Vũ Lợi+Trấn Long- Lan dịch đọc)

Hnuz 25/4, Công ty cổ phần Du lịch Pha Luông, huyện Mộc Châu tsưr tsix uô tiêr qơư Du lịch đrox tsuôs chiv xênhz tsas đêx Dải Yếm thiêz tuk qox tsov iêr cêr siz hluz-qox tsov iêr 5D xuz thơưx ciês ntơưv Việt Nam. Tuk qox tsov iêr no đar muôx 2 thiêr thiêz ntêr 80 thiêr, sir zôngv tsov iêr 5D jông tiv zix ntiêx têz chiê uô. Tuk qox no zos Công ty cổ phần Du lịch Pha Luông, qơư uô hâux lưv nhoz ntơưv huyện Mộc Châu uô tsưr yưv pênhr. Côngz trinhx tâu yênhx puô lênhx công nhân, kỹ sư, nênhs sêiz kaz txơưx uô hâux lưv hnuz hmo hâur six hơưv 4 hli ntâu chiê uô tâu tiêr, taz por ngaz tuk trâu tsôngv kruôr tuôx ndis shuôk uô si. Ciês hnuz xuz thơưx hêik pâuz uô tiêr hnuz 25/4 tưz muôx chôngz nênhs tuôs ndis shuôk, uô si ntơưv côngz trinhx no./.

(CTV-Lik Thox cxêik nhênhv)

Trơưk six hơưv ntux kruôr gis zov chênhr, iz jiês ntux lok nas lox ntêr muôx nhos 2-3 hnuz zuôr pov muôx yưv ntơưv phênhv ntâu têx tiv phaz hâur tỉnh. No zos xor mông jông njuôs xav zuôr car chêx tâu phênhv tưs qênhx shênhx ntux kruôr gis zov chênhr nhoz Lào Cai. Zơưv Lưu Minh Hải, Giám đốc Đeix njuôs pov qiv hơưv tỉnh Lào Cai puz pâuz, jiês lok nas no njuôs xav zuôr muôx yưv hmo 25/4 txos tas hnuz 27/4. Lok nas sâuv ntâu tiv phaz zuôr cungz đêx trâu liêx têz tox siêz tsênhv trâus kruôr gis; txo grês qênhx shênhx njuôs xav cuz tox cuz jôngr hâur tỉnh; thôngx cxix car chêx qênhx shênhx tsi muôx đêx hur sir zôngv nhoz qơư ju lix têz qơưk Sa Pa hâur têx hnuz đhâu./.

(An Kiên- Txâur Vax cxeik nhênhv)

Tar su hnuz 25/4, ntơưv jok Món, xar Quài tở, huyện Tuần Giáo, tỉnh Điện Biên muôx yưv txuz án iz lênhx nhuôs nxêik shux xênhz lớp 9 trâus jơưv chax đaz tuôs ntơưv tsêr. Nênhs tâu xav tiêk uô tuôs nênhs co tsênhv tâu cơ quan txơưx jênhv zok nriêr xav tiêk zos lênhx nhuôs nxêik trâus tuôs tuk nuk.

Zơưv Cà Văn Lả, Chủ tịch UBND xar Quài Tở xav jênhv: Xar muôx 12 six 30 pênhz tar su, xar txêik tâu xor mông hêik pâuz muôx iz lênhx nhuôs nxêik shux xênhz trâus muôz txox fuôv jơưv chax đaz tuôs sâuv txax ntơưv tsêr nhoz jok Món. Nênhs trâus tuôs tâu xav jênhv zos LòThị Cương, zus shông 2004. Ciês đhâu txêik tâu xor mông, lênhx tov xar Quài Tở tưz chox kriê lưx lươngv Công an xar tir tar, sik côngv đros Công an huyện zok nriêr lênhx nênhs tuô tuôs nênhs co./.

(Vũ Lợi-Lik Thox cxêik nhênhv)

Đại tá Phạm Hùng Cương, Tsar công an huyện Bảo Yên, tỉnh Lào Cai puz pâuz: Chiz coaz cảnh sát qênhz yuôx công an huyện nhiv kruôr cuiz tênhv krêz tik cêr cxâuv lênhx nênhs Nguyễn Việt Anh xênhz shông 1983 nhoz thị trấn Phố Ràng, huyện Bảo Yên zos cưk kriê tin học ntơưv tsêr cơưv THCS Thượng Hà chiê qênhz yuôx uô tsênhz mênhx lok hâux lưv đros têx lênhx mê nhuôv tsi tâu txưv 13 shông txos tsi tâu muôx 16 shông pư, lơưr grê 145 Bộ luật hình sự. Uô ntêx co, chiz coaz muôx txơưx jênhv tưz jênhv tâu ntơưr pênhr cov cxôngx chuôz zis shux xênhz H.T.H 13 shông, cơưv lớp 8 hâur tsêr cơưv Thượng Hà lok hâux lưv cưk kriê Nguyễn Việt Anh uô trâu lơưr tul mê nhuôs muôx mê nhuôs hâur chêr. Chêx cuk mul njuôs siv mak lênhx shux xênhz co tưz muôx mê nhuôs hâur chêr tâu 12 ciêz./.

(An Kiên- Txâur Vax cxeik nhênhv)