Lơưr phòng Thương mại thiêz Công nghiệp Việt Nam (VCCI) hêik pâuz, tỉnh Điện Biên li chỉ số tsav txênhz cấp tỉnh PCI shông 2020  tax tâu muôx 62,62 điểm, sơưr tiv 46 hâur tas nro têz qơưk (grêk 2 thênhv pir li shông 2019); sơưr tiv 8/14 tỉnh Trung du thiêz tox siêz faz Bắc. Txơưv tiêk điểm số thiêz thênhv trâus txo grêk, taz sik lơưr lênhx tov UBND tỉnh Điện Biên, zos pir đros chor tỉnh hâur thax tsav Trung du thiêz tox siêz faz Bắc, tiv zix zos thax tsav saz Tây Bắc mak thax tsav qơư li chỉ số PCI shông 2020 cux tsênhv zos iz kror lok six jông. Ntu zuôr txos no, tỉnh Điện Biên zuôr chox kriê têx nganhx, cxuô thax tsav qơư ntâuk gri yênhx kror, txix co nriêr pâuz tâu qir tiv thiêz muôx tâu têx tsưr ziv jông chiê khưx phưx./.

(Vũ Lợi-Lik Thox cxêik nhênhv)

Cheix ntux lok nas shông no tâu njuôs pov lok six phưx txuôx, lax njuôs xav tâu. Viv li, tỉnh Sơn La tsênhv cxơưz tiês hâux lưv uô têx côngz tsinhx phax tar ntux nas, txu grês tsơưs tiv zix têx trâus ruôr hiêv tiv ntux nas. Chiê chuv tôngv phax tar ntux nas, sir jos txu grês têx trâus ruôr hiêv, kaz shôngk shông 2020, huyện Thuận Châu, tỉnh Sơn La tưz tsov cưv yưv pênhr cxiv uô côngz tsinhx  njưs tar đêx, phax tar tox poz thiêz têx cơ sở cxuô zav buôk ntus đêx Muội ntơưv thị trấn Thuận Châu. Zơưv Phạm Văn Lâm, Phưv Giám đốc Ban coar lik yưv pênhr, cxiv tsa huyện Thuận Châu puz pâuz:

“Ban coar lik yưv pênhr cxiv tsa huyện Thuận Châu tsênhv cxơưz cxiz têx lênhx nênhs cxiv uô cxơưz tiês krêz uô têx côngz tsinhx: tiv zix zos zuôr chuôz zênhx, 2 zos heik cxaz lênhx nênhs krêz uô ntơưv têx qơư li njưs tar đêx, khơưz cưx đês. Chuôz tsar six hơưv uô, chiê uô li chas taz por khơưz tul đêx cxiv uô njưs tar đêx uô ntêx hli 6, taz por đêx ntưs muk tâu nhoz thax tsav buôk tul đêx Muội”./.

(Trấn Long-Txâur Vax cxeik nhênhv)

Muôx thax tsav đêx ntâu, lox đar, iz shông, sâuv thax tsav tỉnh Lai Châu muôx yưv yênhx châuv txuz nhuôs zâu trâus tuôs tiv pôngz đêx. Chiê txo grêk tsơưs tiv zix chor txuz trâus pôngz đêx hâur chêix ntux sor no, nganhx Zoz zux tỉnh Lai châu tsênhv sir jos kriz uô têx tsưr ziv phax, tar trâus pôngz đêx trâu chor nhuôs zâu hâur tsêr cơưv ntơưr. Pos Nguyễn Thị Thủy, Phưv trưởng phongx Zoz zux thiêz Thox cxov huyện Tam Đường, tỉnh Lai Châu puz pâuz:

“Chor tsêr cơưv ntơưr hâur tas nro huyện puôr lênhx tsik tâu muôx qơư chiê uô luôv đêx. Viv li hâux lưv kriê trâu chor shux xênhz uô luôv đêx mak tâu kriê ntơưv têx pak đêx, jê tsêr cơưv ntơưr. Đros li co mak cux tsik tâu tâu jông chie chor shux xênhv cơưv cov tâu jông thiêz cux njiz trâus têx phiv liv ntâu thâuv cơưv ntơưv têx qơư li co. pêz cux hêik cxuô cấp, nganhx moz siêz txos yưv pênhr paz trâu chor tsêr cơưv ntơưr uô têx pak đêx chiê trâu chor shux xênhz cơưv uô luôv đêx”./.

(Khắc Kiên-Lik Thox cxêik nhênhv)

Công an thành phố Lào Cai (tỉnh Lào Cai) đros têx taz viv nghiệp vụ muôx lênhx coaz nhiv kruôr ntês cxaz 1 lênhx nênhs sơưr thơưx hâur txuz chox zuôr xar 200 lênhx nênhs nhiês muk lok đhâu ntus đriv. Co zos Vũ Minh Toàn (bê khênhr hu zos Bin, xênhz shông 1998, nhoz xã Minh Đức, huyện Hàm Yên, tỉnh Tuyên Quang). Uô ntêx co, hnuz 13/4 thâuv pov iz lênhx nênhs tsênhv nhiês muk đhâu ntus đriv ntơưv jos Na Lốc, xã Bản Lầu, huyện Mường Khương, Công an TP Lào Cai tưz qênhz pov tâu têx lênhx nênhs fêv li hâux lưv chox lênhx nênhs muk đhâu ntus đriv. Đhâu co, Công an TP Lào Cai tưz ntês Mỉ Xênhv Zax (xênhz shông 1990 nhoz xã Bản Lầu) thiêz Mỉ li iz cxiê lênhx nênhs paz hâux lưv. Chiz coaz Công an qênhz yuôx pov, cxôngx hâur hlik hli 4/2020, têx lênhx nênhs no tưz chox yênhx côngz 90 jiês đros zuôr xar 200 lênhx nênhs nhiês muk lok đhâu ntus đriv./.

(An Kiên-Txâur Vax cxeik nhênhv)