Nhiv kruôr đhâu, Bộ Chỉ huy Bôv đôiv pênhz phax tỉnh Lào Cai tưz đros tsêr cơưv Đại học Ngoại ngữ, Đại học têz qơưk Hà Nội, krêz lớp kriê siv têx ntơưr cơưv gra siêz txux chi lok têx lul heik Trung Quốc shông 2018 trâu 25 lênhx sĩ quan, quân nhân  hâur Bôv đôiv pênhr phax Lào Cai. Lớp kriê siv co zos chiê gra siêz têx tsưr ziv lok sâuv mnôngs, heik thiêz sik thav txix luk Trung Quốc trâu têx bôv đôiv pênhz phax Lào Cai, gra siêz tsơưr lươngv hâur lês uô têx hâux lưv uz no, thiêz sik thav, uô hâux lưv đros têx tuz lênhv saz Trung Quốc, paz cxiv tsa cêr coaz siv fôngx zưs sik thôngx siêz, siz paz nhoz bôv đôiv pênhz phax Lào Cai thiêz lưv lươngv tsưx phưv đriv têz Trung Quốc. Lớp cơưv no njuôk xav zuôr tsưr tsix hâur 15 hnuz./.
(KT-Riê Lâux cxeik, nhênhv)




Công an huyện Than Uyên, tỉnh Lai Châu nhiv kruôr ntâuk grê txuz plâuz sôr 718B, ruôr por tsês têx lênhx nênhs tsưr tsix tưr txiêx zuôv por txix sik tưr lok ndơưk poz Uôn cáp 2018 nhiv kruôr đhâu sâuv mạng internet hâur thax tsav.
Seiz lok têx luôs hâux lưv sơưr tơưv txênhz, yơưz vơưz xuz thơưx thiêz têx chuôz zênhx, meir uz no sâu tâu, Cơ quan Cảnh sát qênhz yuôx Công an huyện Than Uyên tưz tso chei ntêk zênhx max 8 lênhx nênhs, hâur co muôx Nguyễn Trường Minh, xênhz shông 1981, nhoz jok 8 thiêz Nguyễn Thanh Tùng, xênhz shông 1995, nhoz jok 1, thị trấn Than Uyên, huyện Than Uyên, tỉnh Lai Châu zos têx lênhx nênhs chênhr hâur txuz tưr txiêx heik sâuv. Têx chuôz zênhx sâu tâu zos 21 luz xor tôngx mê tuôr ntơưv têk thiêz têx nhiêx txiêx, tâu têx lênhx nênhs heik co siz tưr txiêx đhâu xor tôngx muôx nhos 3,5 tỷ đeiv. Nhiv no txuz plâuz co tsênhv tror tâu krêz đar qênhz yuôx, uô tsênhz mênhx./.
(BTS-Riê Lâux cxeik, nhênhv)




Xav txos nhiv no, ntux nas chuô đêx ngaz cuôr sâuv thax tsav tỉnh Yên Bái tưz uô 15 lênhx nênhs tuôs, 2 lênhx nênhs tsik pov, 20 lênhx nênhs trâus saz, 1.400 ntâu ziv chuôz zis phiv liv lok tsêr nhoz, zuôr xar 3.200 ha blêx tsoz chos cxuô zav trâus hiêv, ntâu côngz trinhx cêr cxuô zav trâus hiêv, puôk tsuôx…Njuôk xav trâus hiêv tas muôx 665 tiv đêiv. Đros sir jos khưx phưx têx trâus hiêv tiv ntux nas đêx ngaz cuôr, têx tiv phaz hâur tỉnh Yên Bái cux tsuv sêi đrơưv kriz uô têx tsưr ziv tir tar jiês ntux nas đêx ngaz cuôr yiêz zuôr muôx yưv, phiv liv txos thax tsav tỉnh. Pos Phạm Thị Thanh Trà, Bí thư Tỉnh Ủy, Chủ tịch Hội đôngx tỉnh Yên Bái puz pâuz:
“Pêz choz zok trâu cấp ủy, chính quyền têx tiv phaz tsuv qênhz yuôx thax tsav cov jông. Têx qơư zuôr zôngx ziv muôx yưv ar poz, đêx ngaz cuôr thiêz têx qơư zuôr trâus đêx ngaz siêz mak tsuv txar qơư nhoz ciês trâu pêx xênhv chiê txo grêk tsơưs trâus hiêv lok lênhx nênhs thiêz cxuô zav. Đuô li, têx tiv phaz cux tsuv tsêx trung bax tas nro cxuô tsar tov tsuv muôx chiê khưx phưx têx trâus hiêv cov sêi tiv zix, pêz muôx têx tsưr ziv lok six tsênhv tsênhz, huv đros chiê cê tsêx trung khưx phưx têx trâus hiêv cê phax tar tâu zos muôx yưv phiv liv yiêz”./.
(Tuấn Xuân-Lik Thox cxêik nhênhv)




Cik txos txuz hâux lưv nhuôs Nguyễn Minh P 4 hli hnuz nhôngs trâus tuôs thâuv tsênhv chơưv kho ntơưv tsêr kho moz đa khoa huyện Mường La, tỉnh Sơn La, Giám đốc tsêr kho moz đa khoa huyện Mường La tưz tso tơưv cuêz tênhv số 204/QĐ-BVĐK, 205/QĐ-BVĐK hnuz 20/7/2018 lok lav tso so uô hâux lưv đros thiêz chor nênhs sêiz jor thâuv co zos: bác sĩ Cầm Thùy Linh, phưv trưởng khoa nội tổng hợp thiêz điều dưỡng trưởng khoa nhuôs zâu Cà Thị Tiệt; Thôngx cxix puz pâuz zuôr tror sik côngv truôx jông đros cơ quan txơưx jênhv chiê xav jênhv, uô tsênhv mênhx txơưx jênhv, xưv lik cov truôx. Qir tiv nhuôs Nguyễn Minh P trâus tuôs tâu njuôk xav tiêk tiv uô tsik tâuk pa cik txos moz lênhx plơưr hlưz hâu thiêz njưl. Nhiv no tsênhv tok chêx cur njuôk shuôk txix Trung ương./.
(Lan Thùy-Lik Thox cxêik nhênhv)