Tin 7,  Hâur têx shông đhâu, tỉnh Điện Biên tưz uô jông luôs hâux lưv txuôk đros iz cxiê tỉnh Bắc Laox li: Tỉnh Luông pha Băng,  Phoong Sa Ly, U Đôm Xay; ntơư zos paz lok huôv tsar uô kôngz lôngk. Pênhr nhiêx muôz paz huôv tsar uô txix shông 2012 txos trâu nhiv no xar tas 7 tỷ đêiv; Ntơư zos zuôr nôngz kôngz tsêz chos; chos ndêz, tu zus kêiz, ok; paz cxiv uô tsênhv qơư yax kriê tsưr ziv tsêz chos kôngz lôngk; chos shôngz ntông; chos txir ntông, tu zus buô sha mê nhuôv….chiê muôs trâu tuz luôv ciêz đrôngl.

Hâur ntu zuôr txos no, hâu nov oz têz qơứs tsênhv zuôr sik phêiz kênhx cxuô tsưr ziv huôv tsar cêr uô nox trâu hội pox niêv vir ndâuk đros trâu huôv tsar uô du lix, cov sđ ziv hnuz ziv muôx luz nênhx tsâu sor./.  

(Tsu cxêik nhênhv-Vũ Lợi)

Six hơưv đhâu, thôngz đhâu huôx tôngv sik njiz hữu nghị ntus đriv ( hâur thôngx ziv sik njiz côx phax ntus đriv Việt Nam-Trung Quốc), ntâu jêx jos nhoz têx xã ntus đriv huyện Phong Thổ, tỉnh Lai Châu tưz nriêr tâu tsưr ziv huôv tsar kinh tế, cxuôv yeiz thiv pluôs. Đrâuv co cux gôngr phênhv paz tsôngv box 2 saz ntus đriv chuôz tsar sik côngv siêz, huôv tsar kinh tế, xã hội thax tsav ntus đriv. Tiv zix, hâur 2 shôngk ntâu đhâu, 2 saz tưz tsưr tsix tuôv cêr fôngx zưs tsôngv box 2 jos Pô Tô ( xã Huôiv Luông) huyện Phong Thổ đros jos Cửa Cải, trấn Kim Thủy Hà, huyện Kim Bình, tỉnh Vân Nam, Trung Quốc. Thôngz đhâu huôx tôngv no, tsôngv box nhoz Cửa Cải tưz sâu zuôr têx xiv huv trâu tsôngv box Huổi Luông muôx 10 vav ntâu tênhr tsơưz thiêz ntâu xiv huv kôngz nuv txơưr./.

(Khắc Kiên- Txâur Vax cxeik nhênhv)

Tin 9, Công an tỉnh laox cai tưz đros cxuô luz tsêr cơưv sâuv thax tsav tỉnh, tsưr tsix ntâu jiês fuô yax kriê tsôngv tuz nxêik shuv xênhz sđ chêix tsar yêz muk lok cov zos đrêiv chêi têz qơưs tso tơưv. Lar hêik zos shuv xênhz cơưv cxênhx 1. Hâur cxuô jiês kriê cơưv, công an sêiz car chêix tsar yêz muk lok tâus cêr tưz kriê lok sâuv têz qơứs têx chêi chêix tsar yêz muk lok tâus cêr cov cxuô lênhx shuv xênhz tsik chiê yêz siz đrâuk siz tsông muk lok tâus cêr, tsik uô ruôr hiêv txos luz nênhx nox nhoz muk lok hâur niêx hnuz./.

                                                        (Tsu cxêik nhênhv-Báo lào cai)

Zar hnuz keix hnuz 25/9, UBMTTQ tỉnh Yên Bái tưz tsưr tsix njiz flu thiêz kruôk 30 lênhx txir ndâux txir lul hâur tsôngv box mênhx cxưx tsơưs nênhs tỉnh Yên Bái shông 2017. Phuôx plov ntơưv Phêv ziv, đồng chí Nông Văn Lịnh- Chủ tịch UB MTTQ tỉnh tưz sâu jênhv thiêz kruôk têx chêx cuk mak têx lênhx nênhs jông hâur tỉnh tưz gôngr côngv trâu têz qơưk. Đồng chí thix ziv, têx lênhx txir ndâux txir lul hâur tỉnh tror muôz siêz pus txux hâur cxuô huôx tôngv xã hội; uô ntêx nquôk hâur por vêv thiêz phuôx huiz mênhx cxưx li vênhx huôv jông; truôx siêz tơưv txênhz tir tar cxuô tsưr ziv ruôr hiêv cêr niêv côngv siêz mênhx cxưx. Xar tiêk, têx lênhx txir ndâux txir luk no tsi so nriêr pâuz xor mông qênhx shênhx hâur tỉnh, têz qơưk chiê pâuz tsênhz Đảng thiêz têz qơưk li chủ trương; sir jos seiz car chinhr quyênx; yax six nriêr pâuz tsôngv box li siêz xar njôngr chiê thix ziv đros chinhr quyênx têx cấp tsov cưv car chêx, gôngr phênhv cxiv tsa khối niêv côngv siêz tas nro mênhx cxưx, cxiv tsa tỉnh Yên Bái ziv hnuz ziv bluô nux, vav mênhx./.

(KT- Txâur Vax cxeik nhênhv)