Lưx lươngv Pênhz phax Lào Cai nhiv kruôr tok 23 lênhx nênhs zos nenhs Việt Nam tâu saz Trung Quốc choz zok lok. 23 lênhx nênhs no zos 11 lênhx pox niêv, 12 lênhx txir nênhx, zos chor nênhs nhoz ntơưv têx tỉnh, thành li: Lào Cai, Yên Bái, Ninh Bình, Thái Bình, Thanh Hóa, Hải Dương, Thái Nguyên, Phú Thọ, Hà Giang thiêz thành phố Hồ Chí Minh. Tas nro puôr lênhx nhiês cêr muk tsik zos chêi trâu saz Trung Quốc. Chor nênhs no muk đros chor nênhs chox cêr muk trâu saz Trung Quốc tsik zos chêi chiê uô jos nriêr nhiêx. Chor lưx lươngv txơưx jênhv Lào Cai tưz njuôk shuôk đas jos; uô ntâuz ntơưr xưv lik hành chính thiêz choz zok, chox tas nro muk cêv kuôk lơưr cui tênhv./.

(An Kiên-Lik Thox cxêik nhênhv)

Hâur hâux lưv tsưr tsix Festival txi côngv Mẫu Thượng Ngàn đros Ntênhk hôiv mor blêx yiêz Tsêr mnov Đông Cuông tâu tsưr tsix txix hnuz 19-28/10 (zos txix hnuz 3-12/9 zênhz lix) ntơưv thax tsav chor qơu Di tích lịch sử vênhx huôv Têz qơưk Tsêr mnov Đông Cuông, huyện Văn Yên, tỉnh Yên Bái zuôr muôx jiês tsưr tsix uô tiêr côngz trinhx kho đuô tsêr mnov Đông Cuông; Ntênhk hlơưr shaz thiêz tuô tưv, mor blêx yiêz. Đros co zos ntâu hâux lưv zaz zâuv pêx xênhv thiêz tsôngv kruô tuôx sêiz shuôk. Fêstival zos phongx cxưx txi côngv Mẫu Thượng Ngàn đros ntênhk hôiv mor blêx yiêz Tsêr mnov Đông Cuông tâu tsưr tsix đros tsưr ziv tror sir jos uô têx hâux lưv yax kriê, piêr pâuz lok di tích lịch sử vênhx huôv têz qơưk tsêr mnov Đông Cuông trâu sơưr đơưk pâuz, chiê paz tuôr chiê thiêz phuôx huiz têx tsiv gri vênhx huôv lịch sử tsêr mnov Đông Cuông./.

(Tuấn Xuân-Lik Thox cxêik nhênhv)