Đhâu six hơưv so ntơưr chiê phax tar moz Covid-19, shux xênhz cxuô cấp nhoz tỉnh Điện Biên tror piz tuôx cơưv ntơưr txix hnuz 27/4. Chor tsêr cơưv ntơưr sâuv thax tsav tưz sik côngv đros chính quyền tiv phaz, nganhx y têr bax jông tiv zix têx tsar tov chiê chor cưk kriê ntơưr, shux xênhz tuôx cơưv ntơưr tâu ngaz tuk, uô truôx jông lơưr têx cui tênhv phax, tar caz moz./.

(Vũ Lợi-Lik Thox cxêik nhênhv)

Hnuz no 27/4, shux xênhz lớp 9 thiêz 12 nhoz tỉnh Sơn La tưz tror mul cơưv ntơưr, têx lớp tsênhv yuôr mak cơưv lok hnuz xiêz 4/5. Đros iz tỉnh tox siêz, muôx ntâu jêx jos nhoz đêz, hâux lưv huiz tôngv shux xênhz tror tuôx cơưv ntơưr đhâu 3 luz hlik so ntơưr tâu cấp ủy, chinhr quyênx thiêz têx tsêr cơưv uô lơưr tsưr ziv mul txos yênhx jêx jos, yênhx chuôz zis chiê thôngz pov, vênhv tôngv têx mê nhuôs shux xênhz tror mul cơưv ntơưr, thôngx cxix uô jông têx tsưr ziv phax tar moz Covid-19./.

(Thanh Thủy- Txâur Vax cxeik nhênhv)

Têx tiv phaz Tây Bắc cux tưz piz uô tsik cêv kuôk xar hôiv, tso iz cxiê qơư kinh doanh, dịch vụ tâu kriz kror trôngx uô nox. Taz sik cux tsuv uô truôx jông têx tsưr ziv chiê phax, tar caz moz Covid-19.

Đros chor qơư kinh doanh, dịch vụ tưz tâu chêi tror kriz kror trôngx uô nox uô ntêx co, têx qơư tror tâu tỉnh Sơn La chiê kriz kror trôngx uô nox zos: Qơư uô jâuz mor nox hâuk, xổ số kiến thiết; qơư kruô nhoz so, qơư cơư shâuv uô thể thao, qơư di tích, ndis shuôk uô si.

Hâux lưv chiê têx yêz thâux xa kruô tâu thâux kruô muk lok nhoz Sơn La, Yên Bái tưz tâu muk lok txix hnuz 26/4, taz  sik tsuv uô truôx jông têx tsưr ziv chiê phax, tar moz Covid-19.

Tỉnh Lai châu cux tưz uô tsik cêv kuôk xar hôiv. Taz sik, hêik cov tsik nhoz chôngz nênhs uô cê txix 30 lênhx tror sâur ntơưv têx qơư công cộng, tsuv nhoz siz đrus đêz iz thiêr thâuv sik njiz. Đros co zos tso tsês tsik uô têx ntênhk hôiv, ntênhk tôn giáo, sik tưr thể thao, xor xưv muôx chôngz nênhs nhoz uô cê ntơưv qơư công cộng, têx xor xưv lưv tsik zov chênhr./.

(TTTB-Lik Thox cxwik nhênhv)

Têx hnuz đhâu ntơưv 5 tỉnh Tây Bắc muôx: Sơn La, Điện Biên, Lai Châu, Lào Cai, Yên Bái muôx ntux lok nas thiêz chuô lox, xoz tuô uô ruôr hiêv 2 cxênhz 400 hecta ntâu ntông nox txir, kôngz lôngk cxuô zav, zuôr xar 20 lênhx nênhs trâus ruôr hiêv. NJuôs xav ruôr hiêv zuôr xar 80 tỷ đeiv. Ciês thâuv muôx ntux nas, têx tiv phaz tưz ciêr chênhr khưx phưx têx trâus ruôr hiêv, ngaz tul luz nênhx trâu tsôngv box.

Đrâuv mul seiz nus, tôngv vênhx, paz txưv têx chuôz zis muôx nênhs tuôs, trâus saz, têx tỉnh Tây bắc tsênhv paz max uô tsêr trâu têx chuôz zis muôx tsêr trâus zơưk trur, trâus poz vâu. Txos nhiv no, tas nro 5 tỉnh chor chuôz zis trâus ruôr hiêv tưz tâu paz txưv ntâuz tax uô tsêr tax nhoz lok sik tâu chox mul nhoz ntơưv têx tsêr vênhx huôv, qơư y tế, lok sik đros lênhx nênhs cxênhz jê hâur jos, hâur xã....Têx chuôz zis nhoz qơư riêz nênhs njuôs xav muôx tox poz tưz tâu txar qơư nhoz yiêz. Zơưv Nguyễn Văn Bắc, Phưv Chủ tịch UB huyện Mường La, tỉnh Sơn La puz pâuz:

“Têx chuôz zis trâus zênhr shar tiv lok lơưs thiêz tsêr trâus zơưk trur pêz tưz chox kriê thiêz vênhv tôngv, yax kriê tsôngv box sik paz max chiê ciêr chênhr khưx phưx. Txos nhiv no têx chuôz zis trâus ruôr hiêv tưz khưx phưx tâu kôngz lôngk trâus ruôr hiêv thiêz tsêr trâus zênhr shar. Hâur six hơưv zuôr txos pêz tror chox kriê têx xã, thị trấn muôx tsưr ziv yax mông tsôngv box muôz siêz pênhr xưv phax tar ntux nas sâuv thax tsav”./.

(Trấn Long-Txâur Vax cxeik nhênhv)