Tas cik hnuz 26/4, tỉnh Sơn La qir fuô uô luôs hâux lưv cxax siv yuôx vắc xin phax phôngz moz Covid-19 trâu têx lênhx nênhs xuz thơưx.

Trơưk li thôngz sâu, tas nro tỉnh Sơn La muôx 239 cxênhz lênhx nênhs tâu tsov cưv cxax yuôx vắc xin phax phôngz moz Covid-19; iz chas co jiês xuz thơưx, tỉnh nhiv kruôr tâu Bộ Y tế muôz 6.700 hưx yuôx vắc xin xưz. Chênhr viv li, jiês cxax tiv iz, Sơn La quyết tinhv cxax trâu chor nênhs zôngx ziv cik tâu moz đuô iz zav li: Têx lênhx canr bôv y tế, chor nênhs buôk ti uô hâux lưv phênhz, seiz njuôk shuôs kho moz; chor nênhs buôk ti tso nyar seiz njuôk shuôs moz; têx lênhx uô hâux lưv ntơưv têx qơư kuôk cêv chor nênhs zôngx ziv trâul cik tâu moz thiêz Ban chox kriê phax tir thêir moz Covid-19.

Bác sỹ Nguyễn Tiến Dũng, Giám đốc Tsênhv qơư qênhz njuôk shuôs moz gênhs tỉnh Sơn La heik pâuz, tưz muôx 72 lênhx tâu cxax siv hâur tas cik hnuz 26/4 no. Đhâu sox seiz, tsi pov lênhx nênhs tưs muôx têx txơưr txar li chas đhâu cxax tas hlo. Hnuz 27/4, tỉnh zuôr cxax trâu 200 lênhx nênhs thiêz, cxax tax txos trâu hnuz 29/4 ntơư zuôr suôx câuv hâur đrôngs Sơn La, tỉnh Sơn La./.

(Thu Thùy-Riê Lâux cxeik, nhênhv)

Bôv chỉ huy Bôv đôiv Pênhz phax tỉnh Lào Cai nhiv kruôr Quyết định khởi tố txuz án hình sự oz lênhx nênhs zos Lìn Xênhv Zax (zus shông 2003, nhoz jok Nậm Sò, xar Bản Phiệt, huyện Bảo Thắng, tỉnh Lào Cai) thiêz Chư Xênhv Zax (zus shông 2000, nhoz jok Khe Dùng, xar Thái Niên, huyện Bảo Thắng, tỉnh Lào Cai) lok kror cxâuv thâuv gra 6 đêiv zênhz đơưz sâuv thax tsav ntus đriv.

Đhâu nus xuz thơưx pâuz tâu tiêk, 6 đêiv zênhz đơưz no tâu oz lênhx nênhs no gra txix huyện Bảo Thắng muk trâu Si Ma Cai chiê muôs trâu chor nênhs Trung Quốc. Tâu pâuz, Lìn Xênhv Zax tsênhv trâus Công an huyện Bảo Thắng zok cxov tiv kror cxâuv tuz saz tuz nhiês. Hâur txuz án no Lìn zos nênhs zâuv Chư đros muk. Zos muôs tâu chor zênhz đơưz no mak zuôr sâu tâu chor nhiêx muôx 840 triệu đêiv. Thâuv tsênhv chox zax zênhz muk muôs chêk oz lênhx nênhs no trâus cxov. Nhiv no txuz hâux lưv tsênhv tror tâu nriêr pâuz cov tsênhz mênhx./.

(An Kiên-Lik Thox cxêik nhênhv)

Công an huyện Mù Cang Chải, tỉnh Yên Bái  nhiv kruôr ntêk tâu 2 lênhx nênhs zos nênhs Hmôngz zuôr muôs, uô luôv zax zênhz tsi trơưk chei.

Zơưv Nhâm Xuân Chiến, Thơưx Công an huyện Mù cang Chải heik pâuz, thâuv 8 six 30 phênhz tsâuk ntux hnuz 24/4, Công an huyện Mù Cang Chải qênhz pov Vax Xênhv Muôk, xênhz shông 1994, nhoz ntơưv jok Pú Nhu Háng Sung, xã la Pán Tẩn thiêz Páo Xênhv Hơưx, xênhz shông 1970, nhoz jok Dề Thàng, xã Chế Cu Nha, huyện Mù Cang Chải zuôr muôs, uô luôv zax zênhz tsi trơưk chei. Đhâu qênhz yuôx, lưv lươngv Công an sâu tsês tâu iz kro zênhz đuz, hnhar muôx 650gram, đros trâu ntâu zav chuôz zênhx txơưr đuô cik txos. Ntơưv cơ quan Công an, Páo Xênhv Hơưx krêz lênhk tiêk, chor zênhz đuz heik sâuv zos Vax Xênhv Muôk li, muôz trâu Páo gra muk muôs chiê zuôr nhiêx. Thâuv 2 lênhx nênhs no tsênhv siz thav, choz zok zax zênhz txơưv trâul qênhz pov thiêz ntêk tâu

Nhiv no txuz nuv co tsênhv tror tâu qênhz yuôx, uô tsênhz mênhx./.

(Thừa Xuân-Riê Lâux cxeik, nhênhv)

Phòng Cảnh sát hình sự Công an tỉnh Lai Châu tsênhv uô cov tiêr ntâuz ntơưr chiê khởi tố txuz án, khởi tố Phàn Xuân Dũng, zus shông 1983, nhoz jok San Dì, xar Nậm Xe, huyện Phong Thổ (tỉnh Lai Châu) lok kror cxâuv “tuô tuôs lênhx nênhs”.

Uô ntêx co, hnuz 22/4, Phòng Cảnh sát hình sự, Công an tỉnh Lai Châu txêik tâu xor mông txix Công an huyện Phong Thổ hêik pâuz lok kror hâux lưv hnuz 7/4, zơưv Lù Kim Mìn, zus shông 1978, nhoz jok Ho Sao Chải, xar Khổng Lào, huyện Phong Thổ muk chuôz tsiêx hâur thax tsav jôngr nhoz đriv têz xar Mường So thiêz xar Khổng Lào tsik pov lok tsêr. Txos têis cik 22/4, chuôz zis nriêr tâu zơưv Mìn hâur kror tsuô muôx tsâus nhoz gâuv tưz trâus tuôs thiêz luz chêr tưz piz lưx.

Công an tỉnh Lai châu tưz chiê phòng Cảnh sát hình sự sêiz shuôk, sik côngv đros chor phongx txơưr thiêz Công an huyện Phong Thổ nriêr pâuz tsênhz txuz hâux lưv no. Đhâu co pâuz tâu tiêk lênhx nênhs trâus tuôs zov tiv trâus pêz luz suôz fov trâu sâuv tâuz hâu thiêz njêx muôs.

Công an Lai Châu tưz qênhz yuôx nriêr pâuz nênhs uô cxâuv thiêz txos thâuv xar muôx 8 six tsâuk ntux đros hnuz, Phàn Xuân Dũng tưz tuôx trâu cơ quan Công an chiê hêik pâuz zuk kror cxâuv co. Nhiv no txuz hâux lưv tsênhv tâu Công an Lai Châu tror qênhz yuôx, nriêr pâuz cov tsênhz mênhx chiê muôz tik cêr cxâuv trơưk chêi têz qơưk cui tênhv./.

(Khắc Kiên-Lik Thox cxêik nhênhv)