Hâur têx hnuz no ntơưv chor nza Liệt sĩ sâuv thax tsav thành phố Điện Biên Phủ (tỉnh Điện Biên) muôx chôngz nênhx txix cxuô qơư hâur têz qơưk tuôx ntơưv no chiê hlơưr shaz hơưv, ndo  txos chor zênhz shôngx, liệt sĩ ndaz ndơưv chiv nhênhv 73 shông hnuz xaz pênhz liệt sĩ 27/7. Cxuô lênhx nênhs puôr lênhx hêik tơưv siêz xar, ndo txos chor nênhs tưz trâus tuôs, viv tir ntâuk tros châuz cxiv kho têz qơưk. Cưk kriê ntơưr Lường Thị Xuyến, cưk kriê ntơưr tsêr cơưv cxênhx oz xar Núa Ngam, huyện Điện Biên tuôx hlơưr shaz txi côngv ntơưv no hêik: “Shông tưs cur cux tuôx hlơưr shaz. Cux zos iz lênhx tuz nhuôs nhoz thax tsav qơư lịch sử, pâuz tâu têz qơưk Việt Nam tưz hla đhâu iz ntu ntêr chiê tsav txênhz, ntâuk tros châuz cov muôx tâu luz nênhx xưk li nhiv no, mak cur zênhx xar tiêk zuk tsuv sir jos uô nênhx nhoz, sir jos kruôz kriê trâu cxênhx nênhs tov kaz chiê sơưr đơưk puôr lênhx pâuz tâu txos chor zênhz shôngx nhoz ntơưv no tưz trâus tuôs jông li chak”./.

(Vũ Lợi-Lik Thox cxêik nhênhv)

Cux ntơưv Lai Châu, thâuv 5 six 40 phênhz zar zuôr tsâuk ntux hnuz 26/7, taz viv kho cêr tưz thoz huk tâu cêr lav muk lok đhâu trâu chor yêz nhoz ntu cêr 129 txuôk thành phố Lai Châu muk trâu huyện Sìn Hồ.

Uô ntêx co, xar muôx 5 six 30 phênhz zar zuôr tsâuk ntux hnuz 24/7, ntơưv cêik cêr 17+680, txox cêr 129 txuôk thành phố Lai Châu trâu huyện Sìn Hồ muôx ar poz. Kror qơư co txos tsâuk ntux tror poz nzir; phênhv ntâu zos têx poz jêz lox poz lok cxuz cêr, viv li txox cêr muk lok tsik tâu.

Tiv zos qơư muôx trôngz siêz, iz saz zos tsas tsuô siêz, đros sâuv thax tsav tsênhv muôx ntux nas, tưz uô phiv liv ntâu trâu taz viv kho đuô cêr. Đhâu 2 hnuz sir jos thoz huk, ntu cêr 129 tưz tâu thoz huk chiê têx yêz lav muk lok đhâu./.

(Khắc Kiên-Lik Thox cxêik nhênhv)