Ntơưv thành phố Sơn La, bảo tàng tỉnh Sơn La nhiv kruôr tsưr tsix tsaz yênhx zoz zux đros tsênhv njiêz: “Cxuô zav jông vênhx huôv mênhx cxưx Hmôngz” đros ntâu huôx tôngv, zav uô si cxôngx nzor, chiê hêik txos vênhx huôv mênhx cxưx Hmôngz. Têx huôx tôngv li tuôr nduôr blêx; uô têx zav nox Hmôngz; sik tưr lâuz pak; lêiv poz…Têx co tưz paz muôx tâu iz kror qơư uô si jông, paz trâu  chor hluôk nênhs thiêz nhuôs zau nriêr pâuz lok mênhx cxưx Hmôngz têx vênhx huôv, đhâu co paz piêr pâuz thiêz tuôr chiê, phuôx huiz mênhx cxưx Hmôngz têx tsiv gri vênhx huôv jông cxôngx nzor./.

(VOV4-Lik Thox cxêik nhênhv)

Chiê tax tâu ciêz đrôngs li zoz qơưx thiêz gra siêz phênhv sâu trâu pêx xênhv, huyện Bát Xát (tỉnh Lào Cai) tưz kriz uô siv chos têx zav jâuz tsik ndax chiv ntơưv iz cxiê xar tox siêz. Têx zav jâuz li jâuz krưr, su hào, jâuz njuôz ntus hâur pâuk, txir lưk suôr, jâuz cần…tau ciêz đrôngs nhiêv zuôr yênhx shông, taz sik nhoz pêz têz qơưk mak phênhv ntâu zos chos ndax chiv trâu chiv ntux tsâus yiêz. Shông no, huyện Bát Xát kriz đar thax tsav chos jâuz tsik ndax chiv ndê muôx 46 ha ntơưv têx xã: Y Tý, Trịnh Tường, Nậm Pung, Pa Cheo. Nhiv no, hax huv jâuz tsik ndax chiv huyện Bát Xát tưz tâu cxuô cấp muôx qênhx cungz jênhv taz por vêv xênhz ngaz tuk zav nox, lox ntơưr chiv nriêr pâuz qơư thiêz muôs ntơưv têx qơư muôs jâuz hur thiêz iz cxiê siêu thị qơư muôs lox ntơưv Hà Nội./.