Cik txos Thủ tướng Chính phủ Nguyễn Xuân Phúc chox kriê lok sâuv txưr tsi khênhr txiêr ntor têx txir đuôx kuk thiêz cxuô zav shôngz ntông txơưr đuô hâur har jôngr, lar heik zos pêv têx har jôngr Tây bắc gra muk Hà Nội muôs hâur six hơưv tsiêz, zơưv Tô Mạnh Tiến, Phưv Giám đốc Sở Kôngz nuv thiêz huôv tsar tox siêz tỉnh Lào Cai khav tinhv: Lào Cai tsi muôx têx txir đuôx kuk, nhiv no tas nro puôr lênhx zos txir đuôx tâu tsôngv px chos hâur têx shông nhiv kruôr đhâu thiêz tưz muôx chei cxơưz cxiz px chos chiê muôx nzir phênhv sâu tâu. Chênhr viv li, px sđ txiêr, yiz tâu chor chês txir đuôx mak zuk tưz chos tâu ntơư chiê muôs hâur ciêz đrôngs. Tsôngv px sđ cux xar tâu thiêz pâuz zuôr txiêr yiz li chas chiê lưv shông lok sik shông tov kaz têx txir đuôx tror muôx chês, muôx pax jông txiêr muôs, lơưr tsi khơưz tas nro têx hâur pâuk, chas uz no muôs.....

“Thủ tướng chính phủ chox kriê cxuô li ntơư, taz sik nhiv no pêz sđ tsuv pâuz tsênhz mênhx, chor shôngz ntông kuk nưk tuôx nưk, muôx têx uô jông jav mak tsuv seiz car. Tiv 2, pêz cux tsuv cxơưz cxiz trâu tsôngv px sđ pâuz nhiêv txos têx jông; chênhr zos li ntơư muôx ntâu zav tsoz chos li: Txir đuôx tsuv chos ntâu uô yênhx têx thax tsav chiê muôs, muôx têx chos trơưk têx ntus cêr, hâur vax, cê njuôz vor têx ar têz, por tox đo, cê muôx nzir phênhv sâu tâu trâu tsôngv px”./.

(An Kiên-Riê Lâux cxeik, nhênhv)

Huyện Tam Đường, tỉnh Lai Châu nhiv kruôr tsưr tsix ciêz Vênhx huôv-Du lịch huyện Tam Đường, zaz zâuv yênhx cxênhz lênhx nênhs ntơưv qơư thiêz tsôngv kruô tuôx sêiz shuôk, uô si. Ciêz vênhx huôv, du lịch huyện Tam Đường shông 2020 zos chiê pêx xênhv thiêz tsôngv kruô tâu sik njiz, nriêr pâuz têx vênhx huôv jông cxuô mênhx cxưx. No cux zos iz kror jông chiê piêr lok huyện thiêz cxuô mênhx cxưx ntơưv qơư luz nênhx, vênhx huôv txos trâu tsôngv kruô sơưr đơưk pâuz. Ciêz vênhx huôv muôx ntâu xor xưv, hâux lưv uô jông li: Tsaz yênhx nghệ thuật; chor jiês sik tưr, têx zav uô si cxôngx nzor, tuôr nduôr, uô vênhx nghệ, sik tưr nênhs jông gâux “Mường Lự” jiês tiv 4; mênhx cxưx Cho li ntênhk hôiv đhiê hluôr tơưl…./.

(Khắc Kiên-Lik Thox cxêik nhênhv)

Yên Bái zos tỉnh muôx ntâu txox cêr đêx têx fuôx gox muk lol đhâu. Txơưv tiêk têx fuôx gox tsi ntâu hênhr, taz sik đros thiêz iz cxiê ntu đêx phiv liv muk lol, đros trâu ntux txơưr txar ntâu, uô têx fuôx gox muk lol hâur têx cêr đêx hâur thax tsav qơư zôngx ziv njiz trâul têx tsi jông, tsi truôx tuk. Khov fuô kriê cxuô faz tsưr ziv, viv li txix hâur shôngk shông txos nhiv no, hâur thax tsav tỉnh Yên Bái tưz tsi pov muôx iz txuz tưs uô têx fuôx gox siz yar siz tsông tâus cêr hlo. Lưv lươngv Công an hâur tas nro tỉnh tưz qênhz yuôx qênhz shuôs 110 jiês đros thiêz muôx zuôr xar 400 lênhx canr bôv, chiến sỹ uô luôs hâux lưv no. Đhâu ntơư tưz qênhz pov thiêz xưv bluô 343 lênhx nênhs uô cxâuv, tsi khênhr 21 luz fuôx gox tsar muk lol hâur đêx. Trung tá Đinh Trọng Phong, Đội tsar đội Cảnh sát cêr đêx, Phongx Cảnh sát zoz thôngz, Công an tỉnh Yên Bái heik pâuz:

“Pêz cux muôx tsưr ziv lok xưv bluô têx fuôx gox uô cxâuv chei, lênhx nênhs tsar cux li lênhx nênhs cheix fuôx gox muk lol sâuv đêx hâur thax tsav. Pêz cux qênhz shuôs tsi so hâur niêx hnuz hmo chiê taz por truôx tuk zoz thôngz sâuv cêr đêx”./.

                                     (Đinh Tuấn-Riê Lâux cxeik, nhênhv

Xar muôx 3 six zar hnuz kêix 27/12 tưz muôx yưv iz txuz hluôr tơưl cuz tsêr ntơưv jok Pom Lót, xar Pom Lót, huyện Điện Biên, tỉnh Điện Biên. Qir tiv tâu xav jênhv zos tênhv siz txêik uô chis cuz. Luz tsêr lơưx trâus cuz hnhiêz zos zơưv Cà Văn Thái, zus shông 1965 luz. Thâuv tênhv siz txêik uô chis cuz tsêr mak tas nro 6 lênhx nênhs hâur zơưv Thái tsêr puôr lênhx tsênhv nhoz tsêr. Txơưv sơưr đơưk đros chính quyền ntơưv qơư thiêz Công an tỉnh li 4 luz yêz tuô hluôr tơưl tưz tuôx paz tuô hluôr tơưl taz sik tiv luz tsêr tâu uô txix shôngz ntông zos têx zav zôngx ziv chis cuz viv li tas nro luz tsêr nros cxuô zav hâur tsêr thiêz iz luz yêz mêir puôr lênhx trâus cuz hnhiêz tas hur si. Hmôngr jông tsik muôx nênhs uô li chak, njuôk xav xuz thơưx mak trâus hiêv tas muôx yênhx puô triệu đêiv./.                

(Vũ Lợi-Lik Thox cxêik nhênhv)