Têis cik hnuz 28/4, phó chủ tịch, Tổng thư ký Trung ương Hội chữ Thập đỏ VN, Nguyễn Hải Anh thiêz đoanx côngz xưv tưz muk sêiz shuôk thiêz muôz huv puz trâu cxuô chuôz zis px hâur thax tsav tỉnh Laox Cai trâus nas chuô uô ruôr hiêv hâur ntu đhâu.

          Têx hax huv muôz paz trâu chor chuôz zis hêik sâu zos nhiêx txiêx, lâux câuz, vix tsav, pav vor, thôngz trâu đêx, xav tas 125 đêiv. Đros ntơư, đoanx côngz xưv cux muôz 200 triệu paz tuz lênhv Biên phôngx tỉnh Laox cai thiêz 400 chêr trik yo tir thêir caz moz trâu sở y tế tỉnh laox cai chiê uô hâux lưv tir thêir moz Covid-19. Zơưv Nguyễn Hải Anh, phưv chủ tịch, Tổng thư ký Trung ương Hội chữ Thập đỏ VN hêik pâuz:

          Băng: “Đhâu no, pêz cux vav njôngr tiêk: cxuô tsưr tsix, cxuô lênhx nênhs siêz jông tsuv siz chos côngv têk đros paz cxuô chuôz zis px trâus nas chuô uô ruôr hiêv cov nzor muôx luz nênhx truôx tuk, khưr huôv tsar uô kôngz lôngk”

          Đhâu ntơư, đoaax côngz xưv cux zuôr muk sêiz shuôk tsôngv px trâus nas chuô uô ruôr hiêv hauar thax tsav tỉnh lai Châu./.

                                     (Tsu cxêik nhênhv-An Kiên –Hạnh BT)

22 cxênhz ntâu lênhx shux xênhz, tsav 91% ntâu shux xênhz hur si lớp 9 thiêz lớp 12 hâur tỉnh Sơn La tưz tror tuôx tsêr cơưv, cơưv ntơưr hâur hnuz 27/4. Txix ciês ntơưv trôngx vas, chor shux xênhz sơưr uô têx hax, iz tus sơưr kuôk đêz iz tus muôx 2 thiêr chiê seiz njuôk shuôs đal jos, iz chêr thiêz muôz cuô yuôx nzuôr têk uô ntêx thâuv zuôr muk hâur lớp cơưv. Hâur qơư cơưv, chor shux xênhz tâu tso iz tus jâuv kuôk đêz iz tus iz thiêr 5 thiêz uô lơưr tsưr ziv phax tar moz trơưk li Cơ quan y tế heik kriê. Taz sik, tiv no zos thax tsav tox siêz, iz cxiê lênhx shux xênhz so ntơưr viv ntux nas lox, cêr mul lok phiv liv.... Zơưv Nguyễn Duy Hoàng, Phưv Giám đốc Sở Zoz zux thiêz thox cxov tỉnh Sơn La heik pâuz:

“Hâur hnuz xuz thơưx chor shux xênhz lớp 9 thiêz lớp 12 hâur tỉnh Sơn La tror tuôx tsêr cơưv, cơưv ntơưr mak hur tiz si cxuô tsêr cơưv hâur thax tsav tỉnh tưz uô lơưr jông Ủy ban tỉnh li chox kriê, bax cxix cxuô têx chuôz zênhx uz no zuôr trâul txos chiê taz por qênhz njuôk shuôs moz thiêz pâuz tâu lênhx shux xênhz tưs tuôx tsêr cơưv, shux xênhz tưs tsi tuôx, hâur co zov chênhr zos uô truôx tuk thiêz jông trâu shux xênhz thâuv tuôx tsêr cơưv”./.

(Trấn Long-Riê Lâux cxeik, nhênhv)

Cux zos nhoz Sơn la, bax trâu luz chêix zuôr muôs têx txir mo mo môngk, txir khơưz trâu oz chas têz qơưs, taz sik têx txir hêik ntơư tưz txo grêk tsơưs lơưv ntâu, viv nas chuô hâur ntu đhâu uô ruôr hiêv.

          Pir li ntơưv Yên Châu, muôx 8 cxênhz ha tsoz chos txir ntông cxuô zav. Xav txix hli 4 txos trâu nhiv no, tưz muôx 2 jiês nas chuô uô ruôr hiêv puôk tsuôx tas 600 ha tsoz chos txir mo môngk, txir khơưz, txir lưv tsiz. Xav mak chor txir ntông cxuô zav hâur shông no, tưz txo grêk tsơưs 30-50%. Đhâu ntơư, hâu nov huyện tưz muk qênhz shuôk têx trâus puôk tsuôx thiêz yax kriê tsôngv px tu têx txir ntông hêik sâu chiê muôs trâu oz chas têz qơưs./.

                                            (Tsu cxêik nhênhv-Đăc Thanh –Hạnh BT)

Zar hnuz kêix 27/4, lưv lươngv muôx vax huôv nhoz huyện Nậm Nhùn, tỉnh Lai Châu tưz qênhz pov iz lênhx nênhs tuôs ntaz hâur blêiv đêx ntơưv tus đêx Nậm Na, thax tsav jok Nậm Bạc, xã Nậm Ban. Đhâu hlo thâuv txeik tâu mông, Ủy ban huyện Phong Thổ tưz chox kriê lưv lươngv muôx vax huôv, heik trâu lênhx nênhs trâul tuôs ntơư têx nênhs hâur tsêr tuôx đros shuôs seiz co pok zos zuk nênhs thiêz khav tinhv no zos lênhx nhuôv Ma A Sinh, 3 shông, nhoz jok Sin Chải, xã Mù Sang, huyện Phong Thổ, trâul đêx nas cuôr yôngz hâur coz nas lox lok đros lơưs shơư chuô nhiv kruôr đhâu. Đhâu ciês ntơư, lênhx nhuôv no tưz tâu sđ sik đros paz chox lok ntơưv qơư chiê uô đaz uô kruô.

Nhiv no, huyện Phong Thổ tsênhv sir jos fuô uô cxuô luôs hâux lưv khưx phưx têx trâul uô ruôr hiêv, paz uô tsêr trâu tsôngv px thiêz kho têx tsi jông, paz px nzor truôx tuk luz nênhx. Nhiv no, huyện tưz paz max tâu 60 ntâu chuôz zis hâur hur si 300 ntâu chuôz zis pluôs, chuôz zis zuôr xar pluôs trâul ntux uô hiêv kho đuô têx vax tsêr nhoz. Vav thiêz chiê siêz tiêk, tsôngv cưr tix nênhx tsa sđ zuôr sir jos sik đros hla đhâu têx cêr txov thiêz phiv liv, nzor truôx tuk luz nênhx, huôv tsar uô nox uô hnar./.

(Khắc Kiên-Riê Lâux cxeik, nhênhv)