Hnuz 27/9, Đoanx đại biểu Côx hội tỉnh Lai Châu zos đôngx chir Zax Páo Mỷ-Uỷ viên T.Ư Đảng, Phưv Bí thư Thường trực Tỉnh uỷ, Tsar đoanx đại biểu Côx hội tỉnh uô thơưx chox đoanx chuôs njiz cử tri têx xã: Tà Mung, Mường Kim, huyện Than Uyên.

Cử tri têx ziv chênhv, luk heik chêx tsôngk lok iz cxiê hâux lưv li: Cxơưz sei six hơưv cxiv uô côngz trênhx đêx liv Nậm Mở; cxiv kho têx đêx xênhz huôx, cxơưz sei paz kôngz krâur trâu tsôngv box qơư nhoz yiêz; qênhz shuôs, cxaz nzir bê têx lênhx nênhs muôx côngz têz qơưk tâu paz uô tsêr nhoz; cxiv kho, uô đuô cêr mul lok jêx jok, thiêz paz zuz nôngz kôngz trâu hâur thax tsav qơư cov nzor chiê uô tâu ndar cheix chiv.... Đhâu thâuv mnôngs tas tsôngv box sơưr đơưk têx luk heik, thix ziv, đôngx chir Zax Páo Mỷ-Tsar đoanx đại biểu Côx hội tỉnh tưz têz thiêz phênhz tsênhz mênhx têx hâux lưv zos zuk vax huôv đơưk uô thiêz sâu jênhv têx luk heik, thix ziv đhâu zuk vax huôv chiê xa trâu cxuô cấp, cxuô ngênhx cik txos chiê đơưk tu./.

(KT-Riê Lâux cxeik, nhênhv)

Thâuv 5 six hnuz 27/9, tuz lênhv Biên phôngx tir thêir têx nênhs fêv nhiês zuôr muôs zax zênhz tỉnh Điện Biên tưz đros tuz lênhv Cục tir thêir zax zênhz, Bộ tư lệnh, tuz lênhv Biên phôngx đros chi cục Hải quan ntus đriv Tây Trang cxov tâu Chư Chăn Ly, xênhz shông 1996, nhoz huyện Mường Xay, tỉnh U Đôm Xay, têz qơưs Lok Tsuôk tsênhv taz tov thâux 24 cxênhz njiêr yuôx shơư zax zênhz, chox tuôx muôs trâu VN. Nhiv no lực lươngx, cơ quan muôx vax huôv tsênhv taz tov qênhz yuôx cov tsênhz mênhx chiê muôz tik cêr cxâuv cov zos đrêiv chêi têz qơưs têx chêi tso tơưv./.

                                                             (Tsu cxêik nhênhv-Vũ Lợi)

Chiê uô tâu jông thiêz tuôr tâu chiê cxuô heir nênhs tsôngv box tỉnh Sơn La têx txux chi vênhx huôv thiêz piêr kriê txos trâu tsôngv kruô sơưr đơưk hâur thiêz đrâuv luôs 2 chas têz qơưk pâuz txos,  tas cik hnuz 27/9, Sở vênhx huôv, thể thao thiêz ju lix tỉnh Sơn La tsưr tsix “ Hội tưr thik tsôngv box tỉnh Sơn La têx zav nox kaz shông 2017”. Tuôx dự jiês thik no muôx têx jok, thax tsav qơư, doanh nghiệp, câu lạc bộ uô hâux lưv têx ngênhx uô zav nox kaz hâur thax tsav tỉnh Sơn La li zuôr xar 20 qar muôs têx xiv huv. Ntơưv no, têx đội siz tưr thik tưz bax txix lok six nzor chiê muôx tâu zuk heir nênhs têx zav nox kaz yax thâuv nzor li: Grêix cxiêz ndu hâur kror tos trax shôngz, grêix shơư njuôs..... Pos Cà Thị Thoả, đội thik tsêr uô jâuz mor nox Hợp tác xã Nặm La, TP Sơn La shir phaz heik:

“Hợp tác xã Nặm La lok six shir phaz thiêz max bax uô hur tiz si têx zav nox, xeir tsov têx zav nox lok six kaz tuôx uô siz tưr thik. Thiêz tâu tuôx cxaz chuôz hội thik mak cux vav thiêz chiê siêz, cơưv tâu ntâu nzir sơưr đơưk têx tsưr ziv txơưx uô nox chiê pêz uô tâu jông đuô”./.

(Hoàng Long-Riê Lâux cxeik, nhênhv)

Tin 10, Hnuz 27/9, Ban sêiz car, zaz zâuv sik côngv đros tso nyar jông siêz, huyện Bát Xát, tỉnh Laox Cai, tưz đros hội chữ Thập đỏ tỉnh; Viện huyết học, cxaz nyar Trung ương, tưz tsưr tsix hnuz tso nyar jông siêz nhoz thax tsav ntus đriv shông 2017. đhâu ciês, fuô yax kriê tso nyar jông siêz; hur tiz si cxuô lênhx cán bộ Đảng viên thiêz px hâur thax tsav huyện tưz sik côngv đros tso nyar jông siêz. Đhâu ntơư, tưz tso tâu 291 đơn vị nyar, uô tax tâu luôs hâux lưv tso tơưv./.

                                                             (Tsu cxêik nhênhv-Báo Lào Cai)