Tas cik hnuz 28/10 ntơưv TP Lào Cai tưz tsưr tsix Đại hội tưr thik nhiêv têz nhiêv qơư tỉnh Lào Cai jiês tiv 5 ntu 2015-2020, Phưv chủ tịch têz qơưk Đặng Thị Ngọc Thịnh tuôx dưv Đại hội.

Phuôx plov ntơưv đại hội, Phưv chủ tịch têz qơưk Đặng Thị Ngọc Thịnh kruôk, ntâus grê siêz Lào Cai li chêx cuk uô đros têx xar tơưv, hlôngr yiêz jông hâur phongz yaox tưr thik nhiêv têz nhiêv qơư. Tsênhz mênhx, Lào Cai tưz uô muôx chêx cuk 4 phongz yaox zos Thủ tướng chính phuv phuôx tôngv đros têx phongz yaox tưr thik nhoz tiv phaz. Lào Cai muôx têx tsưr ziv xar tơưv uô jông 5 phongz yaox tưr thik ntu 2015-2020, uô jông lơưr 4 tsaz yênhx côngz xưv tsênhv đros 19 đề án huôv tsar KTXH thiêz choz trâu têx sở, nganhx uô thường trực phongz yaox tưr thik.

Phưv chủ tịch têz qơưk kruôk Lào Cai uô jông hâux lưv, hâur 5 shôngk đhâu tưz muôx 450 tập thể, lênhx nênhs tâu cấp têz qơưk kruôk, 10 cxênhz ntâu jiês tập thể, lênhx nênhs tâu cấp tỉnh kruôk./.

(An Kiên-Txâur Vax cxeik nhênhv)

Têis cik 28/10, tỉnh Lai Châu sik côngv đros Bôv Công an thiêz thành phố Hồ Chí Minh tsưr tsix ntâuk gri Đề án 245 paz trâu chuôz zis pluôs, txov nhêv lok tsêr nhoz ntơưv huyện Mường Tè. Chor chuôz zis pluôs tưz tâu paz tsêr nhoz chiê uô nox thiêz truôx tuk luz nênhx.

Đề án 245 tâu tỉnh Lai Châu sik côngv đros Bôv Công an huiz tôngv pênhr jos txix thành ủy, chính quyền, pêx xênhv thành phố Hồ Chí Minh paz đros tas nro nhiêx txiêx zos 50 tiv đêiv. Đề án paz uô yiêz thiêz kho đuô 1.000 ntâu luz tsêr, hâur co 755 luz tsêr zos uô yiêz. Đề án paz nơưv 14 xar, thị trấn sâuv thax tsav huyện ntus đriv Mường Tè, tỉnh Lai Châu. Công an tỉnh, Bôv Chỉ huy Quân sự tỉnh, Bôv Chỉ huy Bôv đôiv Pênhz phax tỉnh thiêz huyện Mường Tè tâu choz jênhv vưv paz uô tsêr nhoz trâu pêx xênhv. Tsêr tâu uô đar muôx 36 thiêr ndis, phênhv paz zos 60 triệu đêiv iz luz tsêr uô yiêz thiêz 15 triệu đêiv chiê kho đuô iz luz tsêr, lơưr ploz tsênhr “3 khor” zos: Plas khor, tsêr khor thiêz trur vor khor./.

(Khắc Kiên-Lik Thox cxêik nhênhv)

Thâuv 11 six 30 phênhz tar su hnuz 28/10, zơưv Lò Văn yên, nhoz jos Nà Tâu, xã Ngọc Chiến, huyện Mường La, tỉnh Sơn La xênhz shông 1954 trâus tul tuz zos Lò Văn Ương, xênhz shông 1994 tuô tuôs. Thâuv tuô nưk txir tas, Lò Văn Ương tưz khiêr muk pêv har jôngr. Zơưv Lò Văn Sây, Chủ tịch UB xã Ngọc Chiến puz pâuz, ciês thâuv jênhv tâu mông lok hâux lưv no, xã tưz hêik trâu huyện, thôngx cxix, tsưr tsix têx lưx lươngv sik đros ntês Ương. Txos 3 six zar hnuz keix đros hnuz, lưx lươngv thiêx nriêr tâu Lò Văn Ương tưz nox yuôx tuôs kuôk qơư tuô tuôs lênhx nênhs 1 cei cêr. Tâu pâuz, Lò Văn Ương zos nênhs muôx zênhs zax zênhz. Nhiv no hâux lưv no tsênhv tror tâu têx lưx lươngv muôx txơưx jênhv qênhz yuôx uô tsênhz mênhx./.

(Thu Thùy- Txâur Vax cxeik nhênhv)

Cux ntơưv Sơn La, têis cik 28/10, Trạm Y têr xar Chiềng Cọ, thành phố Sơn La, tỉnh Sơn La tưz txêik 41 lênhx shux xênhz tuôx chơưv kho thâuv xênhr siêz, tsâuk muôs, moz tâu hâu…xav tiêk trâus tsơưr tưx zav nox.

No chor shux xênhz ntơưv tsêr cơưv cxênhx iz-cxênhx oz Chiềng Cọ, thâuv sơưr nzor tưz nox mor blâuv, mì tôm, têx grêix jov, cuô txoz ntơưv iz cxiê kror qơư muôs huv nhoz ndis tsêr cơưv ntơưr. Tsênhv qơư Y têr thành phố Sơn La tưz hêik trâu Sở Y têr pâuz; muôz yuôx chiê chơưv kho, sik côngv đros tsêr kho moz đa khoa tỉnh Sơn La tso nzir nênhs muk paz. Nhiv no, chor nhuôs tưz tror muôx jos, chôngz lênhx tưz lok tsêr. Cơ quan txơưx jênhv tưz txưr chor qơư muôx hax huv zav nox mak chor nhuôs tưz nox thiêz gra têx zav nox co muk njuôk shuôk, nriêr pâuz qir tiv txuz hâux lưv no./.

(TTTB-Lik Thox cxêik nhênhv)