Đhâu thâuv tso shux xênhz lớp 9 thiêz lớp 12 tror tuôx tsêr cơưv cơưv ntơưr txix hnuz 23/4, Ủy ban tỉnh Yên Bái nhiv kruôr muôx ntơưr zênhx max heik lol tso têx shux xênhz cxuô cấp cơưv tsênhv yuôr tror tuôx tsêr cơưv cơưv ntơưr đhâu iz ntuk tax so ntơưr chiê phax tar moz covid-19.

Iz chas ntơư, shux xênhz lớp 5 têx tsêr cơưv cxênhx iz thiêz shux xênhz têx tsêr cơưv cxênhx 2, cxênhx 3, shux xênhz têx tsênhv qơư zoz zux thường xuyên, zoz zux hâux lưv uô-zoz zux thường xuyên, chor tsêr cơưv trung cấp; shux xênhz cao đẳng tror tuôx tsêr cơưv cơưv ntơưr txix hnuz xiêz 4/5. Shux xênhz cxênhx nhuôs zâu 5 shông têx tsêr cơưv cxênhx nhuôs zâu thiêz shux xênhz txix lớp 1 txos lớp 4 têx tsêr cơưv cxênhx iz mak tror tuôx cơưv xav txix hnuz 11/5. Shux xênhz cxênhx nhuôs zâu muôx 3, 4 shông mak tror tuôx cơưv lok hnuz 18/5.

Têx shux xênhz Lol Tsuôk mak tror so ntơưr tax txos thâuv tưs muôx heik pâuz yiêz./.

                                     (Đinh Tuấn-Riê Lâux cxeik, nhênhv)

Xav txos nhiv no, Sơn La muôx 1,2 triệu tuk tsiêx cxu thiêz zuôr xar 7 triệu tuk kêiz ol. Hâur shông đhâu, cxiv luôs thú y tas nro tỉnh tưz tsưr tsix cxax 1,5 triệu ntâu côngz yuôx vắc xin, phênhv ntâu zos phax tar têx zav moz tơưv ndâux hlê trâu, đôngs nyar nhoz nhux tưv, moz ơưk buô, moz vưv nhoz đêr, mir….muôz muôx 70.000 ntâu lir hóa chất tsuôs tuô lov caz moz trâu chor huyện, xar, jêx jok. Khov co, caz moz nhoz chor tsiêx cxu tâu tir tar jông; tsuôk zos moz ơưk buô Châu Phi mak muôx sâuv thax tsav đar nhoz tas nro 12 huyện, thành phố, đros muôx 15 cxênhz ntâu tuk buô trâus moz tsuv muôz phâuk por tsêr. Zơưv Lừ Văn Trường, Phưv Chi Cục trưởng Chi cục tu zus, Thú y thiêz tsiêx đêx tỉnh Sơn La puz pâuz:

“Têz qơưk tsuôk paz iz cxiê zav vắc xin chênhr li vắc xin tơưv ndâux hlê trâu, đôngs nyar… Viv li, pêz hêik pox nhuôs sơưr đơưk tsik cxoz tok khov trâu têz qơưk, mak tsuv bax yuôx cxuô zav chiê phax tar caz moz, zos chor tsiêx cxu tâu cxax yuôx mak uô chak cux zuôr muôx jos đuô, trâus moz tsơưs, zos tsik cxax mak zuôr trâus moz siêz, tiv zix zos đôngs nyar nhoz nhux tưv….mak zôngx ziv trâus tuôs siêz”./.

(TTTB-Lik Thox cxêik nhênhv)

Hâur thax tsav xã Na Cô Sa, huyện Nậm Pồ, tỉnh Điện Biên nhiv kruôr muôx iz txuz trâul kâus tưx ntâu lênhx nênhs tiv nox zuôv cêr têx ndêz nox tsi tâu, uô iz lênhx nênhs trâul tuôs, 2 lênhx trâul kâus tưx lol six saz tsênhv tâu nhoz chơưv kho ntơưv tsêr kho moz.

Đhâu chor nênhs hâur chuôz zis têx lul heik, 3 lênhx nhuôv muk đê ndêz tov tos tsêr lok hâu nox. Đhâu ntơư, 3 lênhx nhuôv co puôr lênhx heik tiêk, moz tâuz hâu, xar ntuôr, moz plaz thiêz hâur hnuz ntơư puôr lênhx nox tsi tâu đaz tsi hlo. Chuôz zis tưz zênhx max chox 3 lênhx nhuôv no muk trâu qơư y tế xã, taz sik iz lênhx tưz trâul tuôs, 2 lênhx tâu chox zênhx max muk chơưv kho trâu ntơưv Tsênhv qơư y tế huyện Nậm Pồ.

Nhiv no tsênhv zos luz cheix ntux nas, têx ndêz kuk tuôx ntâu ntơưv têx, viv li hâu nov ntơưv qơư, ngênhx y tế heik tsôngv px sđ cov tsi cxoz lav tâuk lav đê têx ndêz kuk tsi pâuz tsênhz lok nox, iz chas co yax kriê trâu px sđ tiz jông seiz shuôs, heik têx nhuôs cov cxoz đê têx ndêz kuk lol nox li heik sâuv, thiêx tsi muôx yưv têx tsi jông./.

(Vũ Lợi-Riê Lâux cxeik, nhênhv)

Tsik so hâur hli 3 thiêz hli 4, ntâu xar ntux đriv tox siêz huyện Phong Thổ, tỉnh Lai Châu tsuv muôx txos 5 coz nas đros lơưs lox. Ntơưv ntâu qơư tưz muôx chôngz nênhs trâus saz, yênhx cxênhz luz tsêr trâus puôk tsuôx, tsoz chos cxuô zav cux trâus uô hiêv tas. Lơưr ủy ban huyện Phong Thổ ntâu gri, tas nro chor tsêr vor vuôk proximăng mak vuôk tơưs tas hur si. Đros ntux yar ntux nas phiv liv ntâu, chiê ngaz tuk trâu pêx xênhv, đros têx tsưr ziv phax tar ntux nas chuô, ar poz, huyện Phong Thổ cux hêik pêx xênhv zôngv têx tôn chiê vor tsêr cov truôx khor đuô./.

(Thanh Thủy-Lik Thox cxêik nhenhv