7/ Đảng ủy Bôv đôiv Pênhz phax tỉnh Sơn La nhiv kruôr tsưr tsix jiês cơưv Sơ kết 5 shông uô lơưr Bôv Chính trị li Chỉ thị số 05 hnuz 15/5/2016 lok sir jos cơưv shâuv thiêz uô trơưk zơưv hloz Hôx li cêr uô nênhx jông.

Iz hâur têx hâux lưv tsênhv tsênhz tâu Đảng ủy BĐBP Sơn La kriz uô hâur ntu đhâu zos cxiv tsa tsưr ziv, kruôz kriê Đảng bôv Zênhx Pênhz phax phêiz côngz đảng viên hâur zênhx sêiz shuôk chor ziv chuôz zis nhoz thax tsav ntus đriv. Txos nhiv no, tưz phêiz côngz trâu 250 ntâu lênhx đảng viên sêiz shuôk 600 ntâu ziv chuôz zis ntơưv 174 jêx jok nhoz 17 xar thax tsav ntus đriv. Đuô li, lưx lươngv cux tưz tsưr tsix 50 tsaz yênhx Ntux yiêz pênhz phax-sor so pêx xênhv siêz cxuô cấp; kriz uô 8 lớp kriê cxuôv đis muôs ntơưr ntơưv iz cxiê thax tsav qơư; chor tsaz yênhx paz trâu chor nhuôs tuôx cơưv ntơưr thiêz tuz nhuôs puôs zênhx Pênhz phax, Tsaz yênhx pluôs nox yêik trâu chor nhuôs tưz tsik so paz trâu yênhx puô lênhx shux xênhz pluôs tâu tuôx tsêr cơưv chiê cơưv ntơưr…. Đại tá Cà Văn Lập, Bí thư Đảng ủy, Chính ủy BĐBP tỉnh Sơn La puz pâuz:

“Đảng ủy Bôv chỉ huy bôv đôiv Pênhz phax tỉnh zuôr tror hêik thiêz piêr pâuz lok Chỉ thị trâu tas nro chor tsưr tsix Đảng; đros co zos  tror uô truôx jông têx tsưr ziv uô tâu jông thiêz chor cán bộ chiến sĩ uô tâu jông têx hâux lưv no hâur 5 shông kriz uô lơưr Chỉ thị no, txix co kriz uô đêz đar chiê cxuô lênhx cán bộ, chiến sĩ hâur tas nro Đảng bôv cơưv shâuv uô trơưk cov jông đuô hâur ntu zuôr txos”./.

(Trấn Long-Lik Thox cxêik nhênhv)

Ban chox kriê phax tar moz covid-19 tỉnh Yên Bái nhiv kruôr tso tơưv ntâuz ntơưr heik têx sở, ban, nganhx hâur Ban chox kriê; UB têx huyện, thành phố, thị xã chuôz tsar côngz xưv phax tar moz Covid-19, tiv zix zos hâur ntu so ntênhs 30/4 thiêz xiêz 1/5 zuôr txos.

Hâur co, txu grês tsưr tsix têx huôx tôngv chêx chôngk chôngz lênhx nênhs tsi zuôr trâus; zos zuôr trâus tsưr tsix mak chiz coaz, taz viv, tiv phaz lov lik tsưr tsix muôx txơưx jênhv lok uô jông têx zoz qơưx, têx cui tênhv lok taz por phax tar moz.

Pos Lê Thị Hồng Vân, giám đốc Sở y tế- chiz coaz thường trực Ban chox kriê phax tar moz covid-19 tỉnh Yên Bái puz pâuz:

“ Pêz heik tsuv tror uô jông Bộ y tế li thôngz yax “5K”, tsov cưv phax tar moz, tiv zix zos ntơưv têx thax tsav chêx chôngk chôngz lênhx nênhs, têx thax tsav zôngx ziv muôx lênhx nênhs trâus cik moz li qar yêz thâux kruô, ciêz đrôngs, sâuv têx yêz công cộng, chiz coaz, xí nghiệp thiêz têx qơư tsưr tsix têx hâux lưv chêx chôngk chôngz lênhx nênhs...”./.

(Thừa Xuân-Txâur Vax cxeik nhênhv)

Qênhx shênhx chox thiêz txêik tok chor nênhs muk lok đhâu ntus đriv tsik zos chêi sâuv thax tsav ntus đriv tỉnh Điện Biên ntu jê lok no lok six phiv liv, thiêz tâu uô txix ntâu tsưr ziv. Đhâu tsav txênhz, chor nênhs trâus cxov puôr lênhx hêik pâuz lơưr tsuv uô ntâu tsưr ziv chiê chox nênhs muk lok đhâu ntus đriv tsik zos chêi trâu têz qơưk Lào. Đại tá Trần Nam Trung, Chỉ huy trưởng Bôv đôiv Pênhz phax tỉnh Điện Biên puz pâuz:

“Lok tsưr ziv mak chor nênhs co tsik so phêiz hâux lưv uô trâu yênhx lênhx nênhs, yênhx ntu thiêz chor nênhs co thâuv muk txix têx tỉnh ntus đriv faz Bắc txos trâu tỉnh Điện Biên mak tsuôk chêix yêz taxi, yêz mêir. Thâuv nhoz so mak nhoz so ntơưv têx tsêr kruô lok six đrêiv chiê txar jav tâu chor lưx lươngv muôx vax huôv. Thâuv nhiês cêr muk đhâu ntus đriv ntơưv thax tsav ntus đriv tỉnh Điện Biên trâu saz têz qơưk Lào mak lơưr xêir tsov six hơưv zos thâuv tsâuk ntux chiê muk”./.

(Vũ Lợi-Lik Thox cxêik nhênhv)

Đhâu iz cxiê xor mông pov tsir heik lok hâux lưv jôngr pơ mu lâuk nhoz Vax têz qơưk Hoàng Liên (nhoz thị xã Sa Pa) trâus ruôr hiêv, Chủ tịch UB tỉnh Lào Cai tưz muôx ntâuz ntơưr chox kriê yưr lir txos qơư têx lênhx nênhs uô cxâuv, uô jông côngz xưv coar lik, por vêv jôngr.

Lơưr co, Chủ tịch UB tỉnh Lào Cai heik Giám đốc Vax têz qơưk Hoàng Liên pov cov lok hâux lưv pov tsir tso mông; thôngx cxix sik côngv đros UB thị xã Sa Pa, Chi cục qênhz jôngr tỉnh qênhz yuôx, uô tsênhz mênhx, yưr lir txos qơư lênhx nênhs uô cxâuv cêr chei lok sir zôngv jôngr, thâux xiv huv jôngr nuv tsi trơưk chei lơưr phuôx lix li cui tênhv; uô tiêr thiêz pov cov trâu UB tỉnh uô ntêx hnuz 30/4/2021./.

(An Kiên-Txâur Vax cxeik nhênhv)