Têis cik 28/7, tỉnh Lai Châu tsưr tsix Đại hôiv sik tưr nhiêv têz qơưk jiês  tiv 5, ntu 2020-2025. Phưv Chủ tịch têz qơưk Đặng Thị Ngọc Thịnh đros đoanx côngz xưv Ban sik tưr-khơưk kruô Trung ương thiêz hlôngr njêx muôs 320 tập thể, tiz nênhs uô tâu hâux lưv jông tas nro  tỉnh dự đại hôiv.

Phưv Chủ tịch têz qơưk hêik tỉnh Lai Châu tror uô jông Đảng, têz qơưk têx cêr chêi lok sik tưr, khơưk kruôk. Têx phongz yaox sik tưr tsuv uô jông lơưr têx hâux lưv chính trị, kinh têr, xar hôiv tỉnh tưz tso tơưv, sir jos cov Lai Châu zos  tỉnh huôv tsar hênhr hâur thax tsav./.

(Khắc Kiên-Lik Thox cxêik nhênhv)

Hmo 28/7, ntơưv huyện Mộc Châu, tỉnh Sơn La tror muôx 2 jiês ntux kênhs. Li ntơư, hâur six hơưv tsi tâu muôx 2 hnuz, hâur thax tsav Mộc Châu tưz muôx hur tiz si 16 jiês ntux kênhs, uô zuôr xar 300 luz tsêr đros trâu têx côngz trênhx côngz côngv, côngz trênhx têz qơưk trâul uô ruôr hiêv. Ủy ban tỉnh Sơn La tưz tso đoanx côngz xưv muk trâu huyện Mộc Châu chiê qênhz yuôx, ntâuk grê tsênhv tsênhz têx trâul ruôr hiêv, paz max têx chuôz zis px khưx phưx têx tsi jông. Pos Tráng Thị Xuân, Phưv Chủ tịch Ủy ban tỉnh Sơn La heik pâuz: “Ban seiz car phax tar ntux uô hiêv thiêz zok nriêr chơưv paz lênhx nênhs tỉnh tưz chox kriê hur tiz si cxuô xã, ngênhx muôx vax huôv heik trâu px sđ pâuz thiêz chênhr phax, iz chas co bax phax txar jav thiêz chox px muk nhoz trâu têx qơư truôx tuk. Lar heik zos yax kriê chiê px tsi muk uô liêx têz, tsi muk đhâu têx đêx, cưx đês cưx ha thâuv muôx ntux kênhs tsi so li no”.

Lok sâuv qir tiv viv li chas ho muôx ntâu jiês ntux kênhs siz lơưr liês li co hâur thax tsav huyện Mộc Châu, zơưv Nguyễn Xuân Anh, Viện Tsar Viện vật lý địa cầu heik pâuz: Tiv huyện Mộc Châu, tỉnh Sơn La nhoz hâur thax tsav muôx đêx Sông Đax ntưk đhâu, li muôx têx jiês ntux kênhs li heik sâuv./.

(Trấn Long-Riê Lâux cxeik, nhênhv)

Sở Y têr tỉnh Yên Bái nhiv kruôr tso tơưv hêik pâuz trâu nganhx Zoz zux-Thox cxov thiêz chính quyền tiv phaz sir jos kriz uô têx tsưr ziv phax, tar moz Covid-19 trâu cưk kriê ntơưr, shux xênhz hâur jiês thik tưr cơưv tiêr ntơưr cxênhx pêz zuôr txos.

Lơưr co, tas nro cxuô qơư thik tưr hâur tỉnh tsuv bax têx cuô đêx nzuôr têk, njuôk shuôk đas jos trâu tas nro chor nênhs muk lok trâu hâur qơư thik. Tas nro chor nênhs zos shux xênhz tưz muk trâu thành phố Đà Nẵng tror lok tiv phaz tsik tâu đhâu 14 hnuz  tsuv hêik pâuz tsênhz lok y têr, cêv kuôk y têr ntơưv tsêr 14 hnuz xav txix thâuv lok txix Đà Nẵng lok thiêz njuôk shuôk moz Covid-19 lơưr cui tênhv./.

(Thừa Xuân-Lik Thox cxêik nhênhv)

Cơ quan txiv ngaz qênhz yuôx-Công an tỉnh Lào cai nhiv kruôr tso tơưv quyết tinhv tik cêr cxâuv lok sâuv “tso luôs lưv tus txơưr đuô mul lok đhâu đriv têz tsi trơưk chei”, yơưz phơưz, ntêk cơư 3 lênhx nênhs cik txos. 3 lênhx nênhs tưz chox luôs lưv tus mul lok đhâu đriv têz tsi trơưk chei zos: Phạm Văn phong, xênhz zus shông 1988, Nguyễn Văn Hữu, xênhz zus shông 1988, puôr lênhx nhoz uô cê ntơưv xã Bản Vược, huyện Bát Xát, tỉnh Lào Cai thiêz Nguyễn Ngọc Khánh, xênhz zus shông 2000, nhoz ntơưv xã Cát Nê, huyện Đại Từ, tỉnh Thái Nguyên./.

(An Kiên-Riê Lâux cxeik, nhênhv)