7/ Nhiv kruôr đhâu ntơưv xã Chiềng Công (huyện Mường La, tỉnh Sơn La) tưz tsưr tsix hnuz ntênhs vênhx huôv mênhx cxưx Hmôngz. Cxaz chuôz ntênhs vênhx huôv mênhx cxưx Hmôngz jiês no, muôx zuôr xar 200 lênhx diễn viên, vênhv tôngv viên nhoz têx tuêv thik tuôx cxôngx 11 xã sâuv thax tsav huyện tuôx cxaz chuôz piêr kriê tsôngv box Hmôngz li têx vênhx huôv jông. Hnuz ntênhs vênhx huôv mênhx cxưx Hmôngz tưz gôngr phênhv tuôr tsês thiêz phuôx huiz têx tsiv grê vênhx huôv jông hâur côngv thôngx mênhx cxưx Hmôngz, chuôz tsar cêr niêv côngv siêz thiêz uô muôx cxaz têx huôx tôngv vênhx huôv jông hâur tsôngv box mênhx cxưx Hmôngz sâuv thax tsav huyện, reik đros cxơưz tiês huôv tsar kinh têr, txu yeiz cxuôv pluôs./.

(Báo Sơn La- Txâur Vax cxeik nhênhv)

Sở Zoz zux thiêz thox cxov tỉnh Lào Cai heik pâuz, ntơưv jiês tưr thik Olympic ntiêx têz khoa học, jax xav fax thiêz luk Anh nhiv kruôr tsưr tsix ntơưv Hồ Nam, Trung Quốc, iz lênhx shux xênhz cxênhx 2 nhoz Lào Cai tưz tưr thik tâu jông, gra lok huy chương cuz trâu đoanx VN.

Hâur 16 lênhx shux xênhz đoanx VN cxaz chuôz dự tưr thik Olympic 2019, muôx 9 lênhx shux xênhz tưr thik tâu jông. Đoanx VN cêr shir phaz ntơưv jiês thik jâuv no iz jiês thiêz khav tinhv VN têx txux chi tsưr ziv jông hâur têx jiês thik Olympic jax xav fax thiêz khoa học sâuv ntiêx têz./.

                            (An Kiên-Riê Lâux cxeik, nhênhv)

Txos nhiv no, tưz muôx 3 huyện thiêz 55 xã nhoz tỉnh Yên Bái đhâu 30 hnuz tsi pov muôx cxaz buô trâus moz ơưk buô Châu Phi.

3 huyện tsi muôx cxaz buô trâus moz thiêz tưz côngz fur tir tar tâu moz ơưk buô zos Trạm Tấu, Văn Chấn thiêz huyện Mù Cang Chải, têx tiv phaz thax tsav faz Tây tỉnh Yên Bái. Chor xã tsênhv muôx moz ơưk buô châu Phi huôv xênhz nhoz Yên Bái zos 60 ntâu xã. Nganhx kôngz nuv thiêz têx tiv phaz tsênhv krêz uô têx tsưr ziv phax tar moz, tsuôk yuôx tuô caz moz, seiz car jông hâux lưv thâux buô thiêz têx xiv huv greix buô mul lol hâur thax tsav muôx moz huôv xênhz, muôx tsưr ziv tir tar tsi chiê moz tror huôv xênhz thâuv qir tror tu zus buô..../.

(TTTB-Txâur Vax cxeik nhênhv)

Huyện Phong Thổ, tỉnh Lai Châu muôx ntâu têx tsiêx lox, zuôr xar 60 cxênhz tuk. Chiê por hưv tâu têx tsiêx hâur cheix ntux no, huyện tưz chox kriê cxuô phongx, ban lês car uô đreiv têx hâux lưv sâuv, chor xã, thị trấn bax fuô uô têx faz tsưr ziv phax tar no thiêz yeiz trâu têx tsiêx tu zus hâur cheix ntux no nor. Nhoz Phong thổ, têx xã thax tsav tox siêz li Dào San, Sin Suối Hồ....ntux txơưr txar ntâu, khênhr lok đâul tê hâur cheix ntux no viv li hâux lưv bax tsưr ziv phax tar no, por hưv têx tsiêx cxu tâu tsôngv box lok six moz siêz txos./.

(KT-Riê Lâux cxêik nhênhv)