8/ Đros muôx têx buôk đơưz tơưv sâuv pak đêx Thác Bà nhoz thax tsav tổ 13, thị trấn Yên Bình, huyện Yên Bình (Yên Bái) puôk phiv liv txos pêx xênhv li chor đêx xênhz huôx, nênhs sâu xor xưv VOV tưz thav đros taz viv zuôr đêx txix pak đêx Thác Bà chiê uô đêx hur cungz trâu 19 cxênhz ntâu ziv chuôz zis nhoz thành phố Yên Bái thiêz thị trấn Yên Bình, huyện Yên Bình. Đhâu sik thav, zơưv Lê Anh thùy, quản đốc qơư uô đêx Công ty cổ phần cungz đêx thiêz cxiv tsa Yên Bái puz pâuz:

“Lơưr xor mông txix pêx xênhv, cux xưk li chor nênhs uô hẫu xlưv ntơưv qơư gruk đêx 1 hêik muôx buôk đơưz tơưv sâuv blêiv đêx, công ty cungz đêx tưz xav jênhv thiêz qênhz yuôx chor đêx gruk lok, mak nhiv no tsơưr lươngv cux tsênhv truôx tuk. Viv đêx gruk lok chiê xưv lik nhoz kuôk đêz pak đêx muôx 10 thiêr ntâu. Taz viv cux vav tiêk cơ quan txơưx jênhv sir jos xav jênhv, qênhz yuôx thiêz ntâuk gri têx buôk đơưz muôx yưv sauv pak đêx Thác Bà co”./.

(Thừa Xuân-Lik Thox cxêik nhênhv)

10/ Zôngv điện thoại uô si thâuv tsênhv sav trox, iz lênhx nhuôs zâu nhoz huyện Mường Chà, tỉnh Điện Biên zuôr luôs tuôs thâuv tsuv tuôx tsêr kho moz chiê chơưv paz đros kror trâus saz toz nhoz ntơưv hâur siêz. Lênhx nhuôs co zos Shôngx A Tuấn (11 shông), nhoz ntơưv jok Há Là Chủ B, xar Hùa Ngài, huyện Mường Chà. Lơưr chor nênhs hâur tsêr hêik, txiêz nanv muôx yưv thauv Tuấn cê zôngv điện thoại uô si cê sav trox. Hnor tơưs lox, sơưr đơưk đhiê muk txos tưz pov Tuấn trâus saz hnhar oz cxêik têk, hâur siêz lok nyar ntâu. Ciês co, Tuấn tâu chuôz zis chox muk chơưv paz ntơưv tsêr kho moz huyện Mường Chà. No cux zos iz kror hêik trâu sơưr đơưk pâuz tsik sir zôngv điện thoại thâuv tsênhv sav trox./.

(Vũ Lợi-Lik Thox cxêik nhênhv)