Công an TP Sơn La tưz đros lưv lươngv muôx vax huôv yênhx lix têx tổ côngz xưv chiê yax kriê đêz đar hâur côngv thôngx tsôngv px sđ thiêz đơưk uô têx hâux lưv li: xưv bluô chor nênhs tsi uô trơưk têx tsưr ziv lok phax tir thêir moz Covid-19 ntơưv têx qơư nhoz uz no.

Đhâu iz hnuz uô luôs hâux lưv co hâur  hnuz xiêz 1/4, têx tổ côngz xưv yax kriê, heik 50 ntâu lênhx nênhs tsi yuô uô trơưk têx cui tinhv; xưv bluô zuôr xar 10 lênhx nênhs “tsi uô lơưr tsưr ziv por hưv zuk thiêz lênhx nênhs uô hâux lưv phax tir thêir moz thiêz têx lênhx tâu xav tiêk zôngx ziv trâul cik tâu moz lơưr cơ quan y tế heik kriê”. Đhâu ntơư gra siêz tsôngv px sđ txux chi tsưr ziv jênhv pâuz, paz sik đros phax tir thêir moz Covid-19. Tix lâus Tòng Văn Tiến nhoz jok Thẳm, phường Chiềng sinh, TP Sơn la heik:

“Cur pov xưv bluô chor nênhs tsi chox ntâuz bos kror ndâux thâuv muk trâu têx qơư chôngz nênhs, uô hâux lưv uz no saz đrâuv zos lok six huv đros, viv iz chas têx têx lênhx muôx tsưr ziv por hưv đas jos trâu côngv thôngx sđ cux tsênhv yuôr têx lênhx tsi yuô moz siêz txos têx li heik co. Vav chiê siêz tiêk, đhâu têx jiês bluô li no, tsôngv px zuôr gra siêz đuô txux chi tsưr ziv jênhv pâuz thiêz heik cxuô zos paz sik đros phax tir moz Covid-19”./.

(Trấn Long-Riê lâux cxeik, nhênhv)

Txix thâuv muôx yưv caz moz txos nhiv no, tas nro tỉnh Lai Châu muôx zuôr xar 11.600 lênhx nênhs tâu cêv kuôk y têr ntơưv têx qơư y têr, qơư cêv kuôk uô cê thiêz ntơưv chuôz zis lok sik qơư nhoz. Txos nhiv no, tiv phaz tưz muôx 7.300 ntâu lênhx nênhs uô tiêr cêv kuôk. Chor nênhs cêv kuôk tiêr thâuv tror lok tsêr mak tsik muôx moz li chak thiêz tror tâu qơư y têr sêiz shuôk đas jos ntơưv tsêr. Tas nro chor nênhs tsuv cêv kuôk puôr lênhx lok lok sik tuôx txix têx qơư muôx moz hâur têz qơưk thiêz saz đrâuv têz qơưk; nênhs njiz  tâu chor nênhs xav tiêk trâus moz Covid-19 thiêz phênhv ntâu zos tsôngv box cxuô mênhx cxưx nhoz ntus đriv zos chor lox tôngv muk uô nox đêz lok./.

(Khắc Kiên-Lik Thox cxêik nhênhv)

Chiê phax tir thêir moz Covid-119 muôx ntâu txơưr txar huôv xênhz phiv liv, Sở Y tế Lào Cai tưz tso nzir canr bôv cưk yuôx hâur tỉnh muk đros uô hâux lưv seiz njuôk shuôs đal jos thiêz moz gênhs ntơưv têx qơư cêv chor nênhs tâu xav tiêk zôngx ziv trâul moz thiêz cik tâu moz lơưr nhoz lơưr iz kro hâur tỉnh zos Bộ chỉ huy Quân sự tỉnh seiz car.

Qơư cêv chor nênhs heik sâuv zos Bộ chỉ huy Quân sự tỉnh Lào cai seiz car, uô hâux lưv txix hnuz xiêz 4/2 lok, zos qơư cêv tsês trâu têx lênhx nênhs VN muk uô hâux lưv, cơưv ntơưr saz đrâuv luôs 2 chas têz qơưk, suôv qơư muôx moz Covid-19 ntơư tror lok hâur thax tsav. Txix hnuz qir yênhx lix, luôs hâux lưv tsoz phưz seiz njuôk shuôs đal jos thiêz moz gênhs ntơưv no tâu choz trâu têx taz viv y tế hâur huyện zos tsêr kho moz đa khoa Bảo Thắng, Bảo Yên, Văn Bàn.... uô. Đros trâu têx li heik co, Sở Y tế tưz quyết tinhv cxaz nzir lênhx nênhs đros uô hâux lưv seiz njuôk shuôs đal jos thiêz moz gênhs muôx 25 lênhx txix têx qơư y tế hâur tỉnh siz hlôngr njo sik paz uô hâux lưv./.

(Thanh Thủy-Riê Lâux cxeik, nhênhv)