Txix hnuz 14/7 txos hâur hlik hli 9/2018, tỉnh Sơn La zuôr tsưr tsix ntâu huôx tôngv ntơưv tỉnh Sơn La, thành phố Hà Nội thiêz tỉnh Quảng Tây, Trung Quốc chiê hêik pâuz, paz thơưz muôl muôs thiêz muôs tơưv saz đrâuv têz qơưk txir lưv tsiz 2018. Lơưr co, ntơưv tỉnh Sơn La zuôr tsưr tsix ntênhk ciêz txir lưv tsiz thiêz kôngz nuv ngaz tuk txix hnuz 14-20/7 ntơưv thành phố Sơn La; Hnuz hôiv txir lưv tsiz Sông Mã txix hnuz 28-30/7 ntơưv huyện Sông Mã; Hội ciêz kôngz nuv ngaz tuk thiêz muôs tơưv saz đrâuv têz qơưk tỉnh Sơn La ntơưv huyện Mộc Châu txix hnuz 30/8-8/9./.

(KT-Lik thox cxêik nhênhv)

Uô lơưr Trung ương Đoanx hluôk nênhs cộng sản HCM li jiês “ Hluôk nênhs txưv zênhv cheix ntux sor 2018”, Đoanx hluôk nênhs Bộ Công an li cxiv vênhv tôngv Hluôk nênhs công an txưv zênhv cheix ntux sor 2018, cxôngx hnuz 26/6 txos hnuz xiêz 2/7, đoanx hluôk nênhs Học viện ANND tưz yênhx lix Tuêv shux xênhz txưv zênhv uô tsaz yênhx “ Cheix ntux sor 2018” ntơưv jos Khẩu Ly, xã bản Mù, huyện Trạm Tấu, tỉnh Yên Bái. Tuêv shux xênhz muôx ntâu huôx tôngv muôx ziz njiêz li: seiz nus khơưk muôz 20 phênhv huv trâu têx chuôz zis muôx luz nênhx txov nhêv; khưx phưx têx trâus ruôr hiêv tiv ntux nas, paz pox nhuôs sâu chiv cheix..../.

( KT- Txâur Vax cxeik nhênhv)

Đhâu ntux nas đêx ngaz cuôr, đros tsêx trung paz, khưx phưx luz nênhx, uô xênhz yar, pêx xênhv ntơưv têx qơư trâus đêx ngaz cuôr Lai Châu tsênhv tsuv njiz trâus têx phiv liv lok caz moz. Chiê taz por tênhv qơư, phax tar caz moz, nganhx y tế tỉnh tưz tso cán bộ, nhân viên muk trâu têx jêx jok tsuôs yuôx tuô lov caz moz, kruôz kriê pêx xênhv uô hur têx đêx. Zơưv Nguyễn Văn Đối, Giám dốc Sở y tế tỉnh Lai Châu puz pâuz: Têx hâux lưv tsov cưv kriz uô zos cungz nzir têx yuôx tuô lov caz moz, hâur co muôx yuôx xưv lik đêx, tênhv qơư thiêz tuôx têx zôngr caz moz…chiê txo grêk tsơưs trâus muôx moz đhâu đêx ngaz cuôr. Sở y tế tỉnh Lai Châu cux tưz muôx ntơưr hêik Bộ y tế cxaz nzir CloraminB trâu tiv phaz:

“Viv đêx ngaz cuôr nhiv kruôr đhâu tsik zos muôx yưv ntơưv tas nro têx huyện viv li pêz chuôz cxaz chor yuôx zuôr muôz trâu têx huyện tsik njiz trâus ntux nas đêx ngaz cuôr ruôr hiêv chiê muôz trâu chor huyện njiz trâus phiv liv lox. Chor yuôx tưz zuôr tas pêz tưz hêik cov Bôv y tế muôz cxaz nzir. Pêz thor nzir 3 puô cir CloraminB hmôngr sir zôngv chiê uô hur tênhv qơư, hok CloraminB xưv lik đêx hâuk mak thor nzir 1.500 luz yuôx”./.

(Khắc Kiên-Lik Thox cxêik nhênhv)

Zuôr xar 600 đeiv zênhz đơưz thiêz 350 cxênhz njiêr zax zênhz cxuô zav đros ntâu zax zênhz tâu uô txiêk zos chêx cuk tơưv txênhz tir tar nênhs phamv cxâuv zax zênhz nhoz tox siêz ntus đriv tỉnh Lào Cai six hơưv jê ntơưv no. Lơưr Công an tỉnh Lào Cai, chor txuz zax zênhz trâus ntês cxov, tik cêr cxâuv tsênhv chuôz ndê nhoz tiv phaz, tso pov tỉnh ntus đriv no zos thax tsav chiê têx lênhx nênhs fêv liv zôngv thâux gra zax zênhz mul muôs. Thôngz sâu shông 2017 thiêz 6 luz hlik hâur shôngk shông no, Công an tỉnh Lào Cai tưz qênhz yuôx 245 txuz muôv muôs zax zênhz, thâux gra zax zênhz tsi trơưk chei; ntês 294 lênhx nênhs thiêz krêz tik cêr cxâuv hình sự 232 txuz, đros 290 lênhx nênhs phamv cxâuv trâus yưr lir trơưk pháp luật li cui tênhv./.

(KT- Txâur Vax cxeik nhênhv)