Tsik tâu muôx iz hli xav txix ciês thâuv pov chuôz zis xuz thơưx muôx buô trâus moz ơưk buô châu Phi hnuz 8/6, txos nhiv no, zav caz ơưk moz no tưz cik txos 8 thax tsav qơư nhoz 4 huyện, thành phố, tỉnh Lai Châu. Tsênhv tsênhz, moz tưz cik txos 15 jok, nhoz 8 xar, phường ntơưv 4 huyện zos: Phong Thổ, Tam Đường, Sìn Hồ thiêz thành phố Lai Châu. Nhiv no cơ quan txơưx jênhv tiv phaz tưz muôz phâuk por tsês 28 ziv chuôz zis li 10 tấn ntâu buô, 188 tuk. Zơưv Phạm Anh Hùng, Chi cục trưởng Chi cục tu zus thiêz thú y tỉnh Lai Châu puz pâuz:

“Pêx xênhv zos chor nenhs chênhr viv li tsuv  uô truôx jông, cxix cxuô têx tsưr ziv phax tar caz moz. Tiv zix zos hâur côngz xưv tror zus buô mak cơ quan uô hâux lưv no, cux xưk li tỉnh chox kriê zos zus nzir chiê taz por muôx txâuk grêix muôs sâuv ciêz đrôngs, taz sik cux tsik zos sir jos chiê tror zus buô. Pêz cux chox kriê tso chêi trâu têx qơư txâuk tsar tov tu zus ngaz tuk sinh học mak thiêx tâu chêi tror zus đuô”./.

(Khắc Kiên-Lik Thox cxêik nhênhv)

Lơưr xor mông txix Công an thành phố Yên Bái: thâuv 8 six 50 phênhz, hnuz 1/7/2020, sâuv txos cêr 134, ntu muk đhâu thax tsav jok Bình Sơn, xar Văn Phú, thành phố Yên Bái, tsêr mêir ntơưr Yên Bình (nhoz Công ty Cổ phần Kôngz jôngr nuv Yên Bái) tsưr tsix uô car tso đêx txix tsêr mêir muk trâu tuk đêx đuz. Thâuv chor côngz nhân tsênhv uô hâux lưv ntơưv ntus cêr chiê txo têx car đêx ntưk (khơuz cưx toz muôx 2 thiêr mak chuôz zis zơưv Nguyễn Đình Công, zus shông 1976 li saz tsas ar nhoz ntus cêr poz lok cxuz chor côngz nhân tsênhv uô côngz trinhx, uô iz lênhx nênhs tuôs, iz lênhx nênhs trâus saz.

Đhâu ciês co, Công an thành phố Yên Bái tưz tso nênhs sik côngv đros têx taz viv cik txos uô hâux lưv chơưv paz chor nênhs njiz trâus phiv liv co./.

(Tuấn Xuân-Lik Thox cxêik nhênhv)