Đhâu nriêr pâuz lok hâux lưv uô lơưr xênhz huôx đảng ntơưv chor thành phố 4 tỉnh tox siêz faz Bắc zos: Sơn La, Lào Cai, yên Bái thiêz Lai Châu, tsênhv tsênhz puz pov đhâu iz ntu uô hâux lưv, sêiz pov chor đảng viên so lâul cux sir jos cxaz chuôz trâu têx phongz yaox ntơưv tiv phaz, paz trâu Đảng uô tâu truôx đuô cxuô luôs hâux lưv ntơưv tiv phaz. Taz sik cux muôx iz kror phiv liv tsuv tsov cưv txos zos nhiv no cux muôx tsik tsơưs lênhx đảng viên thâuv so lâul lok sik so hâux lưv tsik hlôngr đuô qơư xênhz huôx; lok sik gra ntâuz ntơưr Đảng lok tsês chiê trâu hâur tsêr lok sik hêik tiêk tsik muôx đas jos; muk uô nox đêz tsêr chiê tsik xênhz huôx đảng. No cux zos iz kror phiv liv hâur iz phênhv cán bộ đảng viên, tsik xar xênhz huôx đảng nzir ntơưv qơư nhoz./.

(TTTB-Lik Thox cxêik nhênhv)

Cxôngx têx txox cêr bê tông mê tsuôk đar 3 yiv, nhiv no cêr muk txos ntâu jêx jos nhoz huyện Lục Yên, tỉnh Yên Bái tưz tâu krêz đar 5 yiv. Cêr đar tuôv zênhv tâu pox nhuôs li zoz qơưx mul lok thâux hax huv. Têx hlôngr yiêz no zos khov tsôngv box cxôngx thax tsav kis txos thax tsav tox siêz huyện Lục Yên li sik côngv gôngr hnuz côngz, gôngr ar. Zơưv Hoàng Kim Ba, Bí thư Đảng ủy, Chủ tịch UB xã Tô Mậu, huyện Lục Yên puz pâuz: Tsôngv box lok six thôngx ziv đros hâux lưv krêz đar cêr txos 5 yiv viv thâuv co yêz zôngx ziv mul lok đuô, pox nhuôs muôv muôs hax huv cux zôngx ziv đuô:

“Pêz tsưr tsix têx tuêv côngz xưv muk txos têx jêx jos njiz têx ziv chuôz zis, phênhv ntâu lơưr thôngx ziv uô. Cxôngx co tso pov phongz yaox gôngr ar nhiv no tưz tâu pox nhuôs thôngx ziv uô lơưr”./.

(Đ.Tuấn-Txâur Vax cxeik nhênhv)

Đhâu oz shông kriz uô dự án “Paz trâu pox niêv txir nênhs vax huôv siz luôs thôngz đhâu  huôv tsar kinh têr kôngz nuv thiêz huôv tsar du lịch tỉnh Lào Cai thiêz tỉnh Sơn La” zos chính phủ Australia paz, Lào Cai muôx zuôr xar 16.000 lênhx pox niêv tâu kruôz kriê lok kinh doanh thiêz kỹ thuật, zuôr xar 6.000 lênhx pox niêv đros uô hâur hợp tác xã lok hâux lưv kinh doanh, zuôr xar 3.000 lênhx pox niêv tâu muôz cxuô zav paz trâu uô nox. Khov uô cxuô nro thiêz jông têx tsưr ziv, côngz xưv tir tar chor pox niêv ntơưv tiv phaz muk uô nox đêz têx shông đhâu tưz uô tâu jông đuô. Shông 2011, Lào Cai muôx 700 lênhx pox niêv muk mak, txos hli 6/ 2020 chor pox niêv muk li no tưz grêk yuôr muôx 16 lênhx xưz./.

(DTMN-Lik Thox cxêik nhênhv)

Tsôngv box Cho nhoz têx huyện Sìn Hồ, Tam Đường, tỉnh Lai Châu cxôngx nzor tưz tuôr tsês jông hâux lưv chax chês, hâur co muôx hâux lưv ntâuk hlâu. Nhoz xã Tả Phìn (huyện Sìn Hồ) hâux lưv no tâu tuôr tsês cxôngx ntâu cxênhx nênhs lok no. Lơưr nênhs Cho nhoz no, thâuv ntêx iz jos muôx cxôngx 2-3 qơư ntâuk hlâu thiêz khênhr ntâus têx chuôz zênhx phưx vưv luz nênhx li: triêv, hlâu, kheik. Taz sik, sâuv niêv ciêz nhiv no muôx ntâu zav chuôz zênhx tâu uô jông đuô, viv li nênhs Cho nhoz xã Tả Phìn xar tuôr tsês tâu hâux lưv chax chês tsuv yax mông, vênhv tôngv pox nhuôs kriê trâu cxênhx hluôk nênhs; reik đros uô ju lix chiê tsôngv kruô tâu pâuz txos thiêz sâu zuôr têx xiv huv uô tâu./.

(Báo Lai Châu-Txâur Vax cxeik nhênhv)