Tsôngv box....! Hâur 2 hnuz đhâu, ntơưv huyện Mộc Châu, tỉnh Sơn La tsi so muôx yênhx châuv jiês ntux kênhs lox mê nhiêk txơưr nhiêk, jiês kênhs lox yax zos 5,3 tưv ríchter, uô ruôr hiêv tas ntâu yênhx puô chuôz zis px têx vax tsêr, kôngz lôngk thiêz chuôz zênhx chuôz tav. Đros thiêz tsưr ziv 4 ntơưv qơư, nhiv no px cxuô jêx jok đros têx lưv lươngv, hâu nov ntơưv qơư tsênhv sir jos khưx phưx têx tsi jông, nzor truôx tuk luz nênhx trâu tsôngv px.

Trơưk li zơưv Lèo Văn Pâng, Phưv chủ tịch HĐND xã Tân Lập, hâur hur si zuôr xar 40 luz tsêr trâul uô hiêv, phênhv ntâu zos têx tsêr vor vuôk xi măng tưz kuz, cxiv uô tâu xar muôx 20 shông lok, iz chas co têx tsêr ho vor tâu nxaz viv li thâuv muôx ntux kênhs tưz uô trâu têx vuôk pôngz, vuôk tơưs.

Đhâu ntux kênhs, xã tưz bax zok nriêr qơư truôx tuk trâu têx chuôz zis muôx vax tsêr trâul puôk tsuôx hnhar, zôngx ziv trâul xưz poz ntơư nhoz tax. Iz chas ntơư, yax kriê px tsi tâu muk uô liêx têz, tsi tâu pư pêv têx têz, har jôngr xuz tsuôs, tsi muk trâu têx qơư zôngx ziv muôx tox xưz poz chiê taz por truôx tuk trâu lênhx nênhs./.

(Trấn Long-Riê Lâux cxeik, nhênhv)

Đros moz Covid-19 sâuv ntiêx têz thiêz hâur têz qơưk muôx ntâu txơưr txar phiv liv, tỉnh Điện Biên tưz tror kriz uô têx qơư sêiz jor trơưk thax tsav ntus đriv, chiê sêiz kaz truôx têx trôngx đriv, têx cêr zâu chiê tir tar chor nênhs lok hâur têz qơưk tsik zos chêi. Đros co, chox kriê cơư kror trôngx têx qơư kinh doanh dịch vụ tsik zov chênhr thiêz kriz uô cxuô nro têx tsưr ziv phax, tar moz Covid-19 sâuv thax tsav.

Đại úy Nguyễn Tài Đô, Phưv Trạm trưởng Pênhz Phax Trôngx đriv ntiêx têz Tây Trang, Bôv đôiv pênhz phax tỉnh Điện Biên puz pâuz: Uô truôx jông Thủ tướng Chính phủ, Bôv Tư lệnh Pênhz phax li chox kriê, nhiv no Zênhx Pênhz phax Trôngx đriv ntiêx têz Tây Trang tưz tror kriz uô 6 qơư sêiz jor trơưk thax tsav ntus đriv Việt-Lào ntêr muôx 24 cêik cêr ntâu mak zênhx tsênhv sêiz car chiê tir tar  caz moz cik tâu lok hâur thax tsav:

“Pêz nhoz ntơưv no lok thax tsav ntus đriv muôx lok six ntâu cêr zâu viv li chor nênhs muk lok đhâu trâu oz saz ntus đriv trơưk têx cêr no lok six chôngz uô phiv liv tsik tsơưs trâu pêz hâur côngz xưv sêiz jor thiêz qênhz yuôx trơưk têx cêr zâu co. Chiê pâuz tâu mak pêz cux sir jos uô côngz xưv qênhz yuôx chiê uô chak cov uô tiêr tâu jông tiv zix têx hâux lưv mak Đảng, têz qơưk choz zok”./.

(Vũ Lợi-Lik Thox cxêik nhênhv)

Cux cik txos moz Covid-19 tsênhv huôv xênhz phiv liv ntơưv iz cxiê tỉnh, TP li: Đà Nẵng, Quảng Ngãi....., Sở Y tế tỉnh Lào Cai nhiv kruôr tso tơưv ntâuz ntơưr chox kriê cxuô taz viv zênhx max tso nyar seiz njuôk shuôs moz trâu hur si chor nênhs muk txix suôv qơư muôx moz lok hâur thax tsav, xav txix hnuz 15/7/2020.

Iz chas ntơư, đhâu qênhz shuôs xav txos tar su hnuz 29/7 tso pov, hur tiz si muôx 839 lênhx nênhs muk txix thax tsav muôx moz huôv xênhz lok, hâur co phênhv ntâu chor nênhs no nhoz trâu TP Lào Cai, zuôr xar 280 lênhx.

Tas nro chor nênhs đhâu seiz njuôk shuôs xuz thơưx, puôr lênhx tâu heik cov tưx sox seiz đas jos thiêz nhoz hâur tsêr tsi tâu muk trâu uz trâu no, zos pov muôx têx moz li: Hnôngk, uô cuz uô no, uô tsi yuô tâuk pa....mak tsuv zênhx max heik trâu hâu nov ntơưv qơư lok sik cơ quan y tế pâuz chiê tâu kuôk cêv, sox seiz đas jos, chơưv kho moz./.

(An Kiên-Riê Lâux cxeik, nhênhv)

5 shông ntâu đhâu, tsoz txir lưk kâuz hmaz tưz tâu muôz lok chos sâuv têx ar têz tox nxa nhoz huyện Thuận Châu, tỉnh Sơn La. Txix tsuôk muôx oz pêz châuv hec ta xuz thơưx, txos nhiv no tas nro huyện huôv tsar nzir ndê muôx 230 ha. Txir lưk kâuz hmaz ntơưv Thuận Châu mak sâu tâu 20 tấn iz ha iz shông.

Thax tsav chos txir lưk kâuz hmaz ntơưv Thuận Châu zos tâu uô lơưr tsưr ziv VietGAP, tsik sir zôngv yuôx hóa học, sir zôngv têx tsưr ziv uô jông, tsik sir zôngv tsơưr por vêv tsês chiê…

Chiê huôv tsar tsoz txir lưk kâuz hmaz lơưr saz truôx đrênhk, công ty cổ phần Nafoods Tây Bắc tâu huyện Thuận Châu thôngx ziv, tưz choz zok kỹ thuật, zuz nôngz chos trâu pox nhuôs chor xar: Phổng Lái, Chiềng Pha, Mường É, Phổng Lập, Chiềng Bôm, Muổi Nọi, Chiềng Ly thiêz Bon Phặng. Công ty cux cir jênhv sâu zuôr muôs têx txir lưk kâuz hmaz no đhâu thâuv sâu tas./.

(Báo SL-Lik Thox cxêik nhênhv)