Sở Zoz thôngz tỉnh Sơn La nhiv kruôr tso tơưv ntâuz ntơưr lok sâuv tso têx yêz lox, yêz thâux xa kruô muk lol hâur thax tsav tỉnh chiê taz por têx tsưr ziv phax tar moz Covid-19, lar heik zos hâur six hơưv so xiêz 2/9 zuôr txos.

Iz chas co, xav txix 12 six tar su hnuz 28/8 txos tax thâuv muôx heik pâuz yiêz, têx yêz thâux xa kruô muk lol hâur tỉnh, yêz buýt tâu thâux kruô muk lol ntâu yax zos 50% têx yêz trơưk li têx cêr tâu chei yêz muk lol. Yêz taxi, yêz hux thôngx thâux xa kruô muk lol tso chei muôx 50% têx yêz hâur taz viv tâu uô hâux lưv thâux xa kruô. Hok chor yêz muôx trôngx trâu tsôngv kruô jâuv mak phênhz iz tus kruô jâuv kuôk đêz iz luz trôngx sâuv yêz thiêz chor yêz co tsi tâu thâux ntâu đhâu 50% lênhx kruô. Ciês chor yêz kruô muk lol trâu luôs 2 chas tỉnh thiêz hâur tỉnh Sơn La muk huyện Phù Yên mak tsi tâu tâu khênhr thâux xa kruô muk lol.

Txos nhiv no, tỉnh Sơn La tưz muôx 192 lênhx nênhs trâul moz Covid-19, puôr lênhx nhoz ntơưv huyện Phù Yên. Nhiv no, 25 lênhx nênhs moz tưz kho tâu jông moz, tơưv tsêr yuôx; yuôr đuô li lơưr tsênhv nhoz chơưv kho moz hâur têx tsêr kho moz./.

(Trấn Long-Riê Lâux cxeik, nhênhv)

Huyện Mường Ảng, tỉnh Điện Biên tưz xa 50 tấn hax huv muk paz trâu pêx xênhv thành phố Hồ Chí Minh tir tar caz moz. Chor hax huv no muôx tâuz tưs, tâuz đas, cxur, cuz thaz kruôr…tas nro tsiv gri muôx 800 triệu đêiv ntâu.

Zơưv Nguyễn Hữu Hiệp, Chủ tịch UBND huyện Mường Ảng puz pâuz, đros hax huv, huyện Mường Ảng cux muôz 150 triệu đêiv paz trâu Ủy ban Mặt  trận Têz qơưk Việt Nam thành phố Hồ Chí Minh li cuiv phax tar caz moz.

Lơưr zơưv Hiệp, tas nro chor nhiêx thiêz hax huv xa trâu thành phố Hồ Chí minh no zos chor cán bộ, đảng viên thiêz pêx xênhv hâur huyện sik côngv paz. Ciês đhâu Ủy ban Mặt trận Têz qơưk huyện hêik pâuz, sơưr đơưk puôr lênhx sir jos sik côngv paz, đros siêz xar paz trâu pêx xênhv nhoz ntơưv qơư muôx caz moz thành phố Hồ Chí Minh nzor hla đhâu têx phiv liv./.

(Vũ Lợi-Lik Thox cxêik nhênhv)

Tỉnh Lai Châu tưz tso nzir iz paz nênhs tiv 2, uô ntênhs xa chor 23 lênhx canr bôv, nhân viên ngênhx y tế hâur tỉnh muk paz max TP HCM uô luôs hâux lưv phax tir thêir moz Covid-19.

Đoanx canr bôv tỉnh Lai Châu muk TP HCM paz max phax tar moz jiês no muôx 16 lênhx bác sĩ, 7 lênhx cưk yuôx, tsar ndê chor canr bôv, nhân viên y tế hâur tỉnh muk paz max TP HCM, xav hur si hâur 2 jiês muôx 73 lênhx nênhs. No zos têx lênhx canr bôv muôx txux chi tsưr ziv uô nuv jông lok sâuv seiz njuôk shuôs, chơưv kho moz gênhk. Iz lênhx nênhs hâur đoanx puôr lênhx xav tinhv, zuôr sir tas zuk li txux chi tsưr ziv uô hâux lưv viv faz Nam, sik đros tas nro têz qơưk sir jos txo grêk tsơưs moz gênhk nhoz TP HCM thiêz chor tỉnh faz Nam./.

 (Khắc Kiên-Riê lâux cxeik, nhênhv)

Lơưr Thủ tướng Chinhr phuv li cuêz tênhv 861 thiêz Ủy ban Mênhx cxưx li Cuêz tênhv 433, nhiv kruôr đhâu muôx huyện Văn Yên, tỉnh Yên Bái li 3 luz xar tưz tơưv đhâu bê ntơưr chor xar thax tsav txov nhêv tiv zix (thax tsav 3). No zos iz kror shir phaz lok têx hlôngr yiêz, huôv tsar nhoz têx thax tsav qơư tox siêz; đuô li, kror no ho uô phiv liv txos trâu yênhx puô lênhx shux xênhz nhoz têx qơư no, thâuv chor nhuôs tsik tâu sơưv têx phênhv paz niêv txir zus mor li thâuv ntêx no. Đros qênhx shênhx shux xênhz ntâu jêx jok tsik tâu sơưv phênhv paz niêv txir zus mor lơưr Chinhr phuv li Nghị định 116, zos chor nhiêx paz lok cxur, nhiêx nox, nhoz…viv li chor cưk kriê ntơưr hâux lưv hâur ntu no zos muk trâu yênhx chuôz zis, njiz yênhx lênhx shux xênhz niêv xir chiê nus txos shux xênhz niêv txir siêz xar, xêir tsov kriz uô têx tsưr ziv jông tiv zix chiê paz trâu chor shux xênhz tror tuôx cơưv ntơưr. Zơưv Nguyễn Thành Đông, nênhs sêiz car Tsêr cơưv Cxênhx iz thiêz Cxênhx oz xar Xuân Tầm puz pâuz:

“Phênhv ntâu chor chuôz zis cux khưx phưx têx phiv liv co li chiê chor nhuôs nhoz đros chor nênhs cxênhz jê iz ndis tsêr cơưv ntơưr, tiv oz mak muôz nhiêx trâu chor shux xênhz chiê nox nhoz cơưv txos hnuz kaz ciêz mak lok muk tsêr, tiv pêz zos xa thiêz tok chor shux xênhz tuôx cơưv ntơưr thiêz lok tsêr ciês hâur hnuz taz sik chiê chor nhuôs nox su ntơưv tsêr cơưv ntơưr, tiv plâuz zos xa thiêz tok chor nhuôs tuôx cơưv ntơưr thiêz lok muk tsêr hâur hnuz taz sik gra jâuz mor trâu chor nhuôs nox pluôs su ntơưv tsêr cơưv ntơưr….”./.

(Đinh Tuấn-Lik Thox cxêik nhênhv)