Ndax chiv nhênhv 60 shông hnuz Lâuk Hôx tuôx seiz yuô Yên Bái; 70 shông Lâuk Hôx muôx luk hu lơưk sđ sik tưr nhiêv têz qơưk thiêz uô lơưr cxiv tsav uô têx nuv jông siêz cheix ntux sor shông 2018, huyện đoanx Trạm Tấu, tỉnh Yên Bái nhiv kruôr hu zâuv 360 ntâu têx hluôk nênhs sđ sik đros krêz khơưz  liêx yiêz trâu tsôngv box Hmôngz nhoz jok Khấu Ly, xã Bản Mù. Txix têx hluôk nênhs li cêr uô ntêx nyuôs hâur cxuô luôs hâux lưv, tsuôk hâur 2 hnuz 29 thiêz 30/7, 360 ntâu lênhx hluôk nênhs đros trâu 50 lênhx canr bôv, tsôngv box hâur xã Bản Mù, huyện Trạm Tấu tưz krêz khơưz yiêz tâu 3,5 ha liêx tơư ntêir sâuv têx ar têz..... Tix lâus Trần Bình Trọng, Bí thư Huyện đoanx Trạm Tấu heik pâuz:

“Uô lơưr tsaz yênhx hâux lưv đoanx thiêz phôngz yaox têx tuz nxeik hluôk, nhuôs zâu, shông 2018 pêz qir uô lơưr têx côngz trênhx, hâux lưv paz tsôngv box krêz khơưz liêx tơư ntêir chiê huôv tsar uô nox uô hnar truôx tuk luz nênhx, reik đros trâu huôv tsar thax tsav qơư jông jav chiê tsôngv kruô sđ tuôx ndis shuôs uô si. Shông no, pêz uô 15 ha liêx ntơưv 4 xã thiêz côngz trênhx hnuz no pêz krêz uô zos uô trâu tsaz yênhx têx côngz trênhx 15 ha fuô uô txix nhiv no txos tas hli 9/2018”./.

(Đinh Tuấn-Riê Lâux cxeik, nhênhv)

Ntơưv jiês cơưv pov tsir tsưr tsix zar hnuz kêix 30/7, Ủy ban tỉnh Lào Cai tưz heik pâuz lok Sở Đêx ar thiêz tênhx qơư tỉnh li suô luk lol qir tiv thiêz lênhx tiz nênhs uô têx kiêk nênhs vuôz tsuôz uô hiêv tas ntâu têx têz txir pur lux, tsoz chos, jâuz tâuv hâur thax tsav xã Bản Lầu, huyện Mường Khương. Uô ntêx ntơư, Công ty Tứ Đỉnh tưz trâus xưv bluô 100 tsov đeiv thiêz tsuv thêv, pâux nzir zuôr xar 3 tỷ đeiv trâu têx uô ruôr hiêv xưk iz zav li ntơư thâuv hâur hli 3/2017. Zơưv Lê Ngọc Dương heik pâuz nzir, đros trâu têx trâus xưv bluô li heik sâuv viv uô vuôz tsuôz, kiêk nênhs tênhx qơư, tsêr meir tsiv uô kuôr hlâu Công ty Tứ Đỉnh muôx têx cux zuôr tsuv yêik txar qơư uô hâux lưv muk trâu iz thax tsav qơư tưs txơưr hâur six hơưv zuôr txos:

“Trơưk li Chủ tịch Ủy ban tỉnh têx ntơưr buôk ti chox kriê, mak tsêr meir no zuôr tsuv tâu yêik txar qơư. Hok tsêr meir no zuôr yêik mul trâu thax tsav công nghiệp lok sik iz thax tsav tưs txơưr mak muôx 2 cui tinhv tsuv uô trơưk zos, dưv anr yưv pênhr uô tsuv uô trơưk đreiv li cui tinhv thiêz tsuv taz por tâu tsi uô kiêk nênhs vuôz tsuôz tênhx qơư”./.

(An Kiên-Riê Lâux cxeik, nhênhv)