Uô lơưr Chính phủ Nghị định 116 lok tsênhv chei paz max shux xênhz thiêz tsêr cơưv phưv thôngz nhoz têx xã, jêx jok txov nhêv, txix shông 2016 txos nhiv no, tỉnh Điện Biên muôx yênhx puô cxênhz lênhx shux xênhz zos tsôngv box heir nênhs tsơưs têx tuz nhuôs nhoz thax tsav txov nhêv tâu paz max, hâur co, shông cơưv 2018-2019, tas nro tỉnh muôx 55.633 lênhx shux xênhz nhoz 250 luz tsêr cơưv tâu paz. Khov li co, têx shux xênhz cxuô cấp muk cơưv nhoz Điện Biên iz shông tsar ndê xar muôx 1% pir li uô ntêx shông 2016; shux xênhz tsơưr lươngv cơưv ntơưr cux jông đuô; tsi tiêk shux xênhz mak hur si shux xênhz niêv txir tso siêz thâuv tso têx nhuôs muk cơưv ntơưr, nox nhoz hâur tsêr cơưv./.

                                (VOV4-Chia dịch đọc)

Trơưk li hâu nov sêiz car tsêr tsês cxuô zav chuôz zênhx, hax huv đrav ntêx tỉnh Yên Bái, tưz xav tâu tsênhz mênhx :105 cir nhiêx xu đrav ntêx, zos công an huyện Lục Yên choz trâu tsêr tsês cxuô chuôz zênhx, hax huv Yên Bái. Đhâu qênhz yuôx, sêiz njuôk shuôk, chor nhiêx xu hêik ntơư muôx txix shông 118 txos trâu shông 1.233, thế kỷ 2 txos trâu thế kỷ 13. Thiêz ntơư zos thax tsav qơư hâur ntu đrav ntêx, muôx chôngz hêir nênhs nhoz huôv tsar cêr uô nênhx, zuôr muôs hax huv muk lok huv đros têx nhiễ xu hêik ntơư./.

                                                (Tsu cxeik nhênh-Tuấn-Xuân)

Cux ntơưv Yên Bái, Sở Y tế tỉnh no nhiv kruôr tso tơưv ntâuz ntơưr tsi khênhr fax thâux mul lok, zuôr muôs thiêz sâu tsês “zav yuôx nzuôr têk uô têx grêix đơưz mok Aquavera pax nyuô blêiv-Aquavera Liquid Handwash-Rose”. Zav xiv huv no muôx sôr 190055, zos Thổ Nhĩ Kỳ tsiv uô, tâu phênhz pheiz muôs hâur têx ciêz đrôngs zos Công ty zuôr têx xiv huv saz đrâuv luôs 2 chas têz qơưk lol thiêz zuôr muôs têx xiv huv trâu 2 chas têz qơưk đrâuv Đài Linh muôs. Chiê taz por truôx tuk trâu lênhx nênhs sir zôngv, Sở Y tế tỉnh Yên Bái tưz heik têx công ty zuôr muôs têx yuôx, têx qơư uô lax luôv zuôr muôs têx yuôx plênhr uô jông jav hâur thax tsav tsi cxoz muôs thiêz sâu tsês zênhx max zav yuôx heik sâuv (zos muôx). Phongx Y tế têx huyện, thị xã, TP hâur qir qênhz shuôs, fuô kriê têx chei, cui tinhv no txos trâu cxuô qơư uô lax luôv zuôr muôs têx yuôx zos zuk car seiz; tsưr tsix qênhz yuôx, seiz kaz têx qơư uô trơưk thiêz xưv bluô ntov jông têx tsưr tsix, lênhx nênhs uô cxâuv./.

                                 (Tuân Xuân-Chia dịch đọc)

Đhâu 9 hnuz qênhz yuôx, yơưz phơưz, tu txuz plâuz uô tuôr xuôv têz qơưs têx nhiêx txiêx cxiv uô tsêr máy tênhv tênhz Sơn La; zar hnuz kêix hnuz 30/7, Toà án tỉnh Sơn la tưz tik cêr cxâuv trâu 17 lênhx cán bộ uô tuôr xuôv tas ntâu têz qơưs têx nhiêx txiêx cxiv uô tsêr máy tênhv tênhz Sơn la.

Hlôngr njêx muôs trâu hội đôngx tu txuz plâuz no, pos Tòng Thị Hiền, thơưx qênhz yuôx, yơưz phơưz cxuô luôs hâux lưv uô cxâuv chêi ntơưv 17 lênhx trâus tik cêr cxâuv. Tsênhz mak zos Trương Tuấn Dũng, Phan Tiến Diện, Phan Đức Chính trâus tik nhoz cêr cxâuv 6 shông 6 luz hli; Phan Xuân Khoa,Tòng Văn Thành trâus tik nhoz cêr cxâuv 5 shông 6 luz hli; Trần Mạnh Trì nhoz 5 shông cêr cxâuv; Ngô Xuân Vân, Lê Quang Duy, Nguyễn Văn Thanh, Đèo Văn ban nhoz 4 shông cêr cxâuv; Mai Văn Quang, Vũ Hồng Giang, Triệu Ngọc Hoan, Sòi Ngọc Hùng, Cà Văn Tỉnh trâus tik nhoz cêr cxâuv 36 luz hli hâur tsêr; Đỗ Tiến Đồng trâus tik cêr cxâuv 36 luz hli; Bùi Văn Tân trâus tik nhoz cêr cxâuv 30 luz hli./.

                                (Tsu vưx cxêik nhênh-PVTTTB)

Zênhx tsar zênhx pênhz phax Bát Xát, Bộ chỉ huy bôv đôiv Pênhz phax tỉnh Lào Cai nhiv kruôr sik đros ruôr por tsês tâu txuz thâux gra zax zênhz txix Điện Biên, Lai Châu lok trâu Lào Cai, ntêk tâu 2 lênhx nênhs, sâu tsês muôx 10 cir zax zênhz poz jêz.

2 lênhx nênhs trâul ntêk tâu co zos Khoàng Văn Tuấn, xênhz zus shông 1994, thiêz Mào Văn Tiệm, xênhz zus shông 1984, puôr lênhx zos heir nênhs Poz Ziz, nhoz uô cê ntơưv xã Mường Mô, huyện Nậm Nhùn, tỉnh Lai Châu. Têx chuôz zênhx sâu tâu ntơưv qơư muôx iz luz hnaz gra ntơưv têk, saz hâur ntiv muôx 10 poz zax zênhz.

Đhâu nus, qênhz yuôx, lênhx nênhs ntơư tưz lênhk nhav uô cxâuv chêi, nhiv no tsar Bôv Chỉ huy Bôv đôiv Pênhz phax tỉnh Lào Cai tưz tso tơưv quyết tinhv yơưz phơưz cov tsênhz mênhx chiê tik cêr cxâuv  cov zos đrêiv chêi têz qơưs tso tơưv./.

                          (An Kiên-Riê Lâux cxeik, nhênhv)