Xor mông txix Sở Lox tôngv, Saz pênhz thiêz Xar hôiv tỉnh Lai Châu puz pâuz, ciêz paz txuôk đros zok nriêr hâux lưv uô trâu nênhs lox tôngv njiz trâus phiv liv tiv moz Covid-19 ntơưv thành phố Lai Châu tưz muôx 32 công ty, doanh nghiệp cxaz chuôz. Chor taz viv tưz đăngk cir xêir zuôr muôx 4.600 ntâu lox tôngv, hâur co muôx nhos 3.000 lox tôngv phôv thông uô hâux lưv lok saz kôngz nuv, xưk li chos thiêz uô mắc ca, cao su, yuôx zêx… Hâur pêz hnuz tsưr tsix tưz paz muôx hâux lưv uô trâu zuôr xar 1.000 lox tôngv cxaz chuôz xêir zuôr uô hâux lưv. Chor nênhs tâu xêir zuôr mak muôx 1/3 zos chor nênhs tsik tâu muôx hâux lưv uô thiêz 2/3 zos chor nênhs trâus pôngz hâux lưv uô tror lok txix têx tỉnh, thành njiz trâus phiv liv tiv moz Covid-19. Zơưv Đèo Văn Thương, Giám đốc Sở Lox tôngv, Saz pênhz thiêz Xar hôiv tỉnh Lai Châu puz pâuz:

“Tsênhv tsênhz chor nênhs tror lok ntơưv tỉnh tiv phiv liv txix caz moz cux muôx nhos 1.500 lênhx nênhs thiêz tsik muôx hâux lưv uô zuôr uô phiv liv ntâu txos trâu nênhs lox tôngv luz nênhx. Đhâu ciêz paz txuôk đros zok nriêr hâux lưv uô, đhâu qênhz yuôx nriêr pâuz lok chor nênhs xar uô hâux lưv muôx bâuv li chak lênhx nênhs mak pêz zuôr sir jos côngv đros têx doanh nghiệp chiê lơưr paz xêir zuôr uô hâux lưv. Sir jos cov muôx chôngz nênhs tiv zix tâu xêir zuôr muôx hâux lưv uô ntơưv thax tsav qơư chiê lơưr truôx tuk luz nênhx”./.

(Khắc Kiên-Lik Thox cxêik nhênhv)

3 lênhx nênhs trâul moz Covid-19 uô kaz ciês ntơưv tỉnh Điện Biên tưz kho tâu jông moz thiêz tâu tơưv tsêr yuôx.

Bác sĩ Nguyễn Văn Mạnh, Giám đốc Tsêr kho moz chơưv kho têx lênhx nênhs trâul moz Covid-19 Điện Biên Phủ heik pâuz: Uô ntêx thâuv zuôr tâu tơưv tsêr kho moz, chor nênhs moz tâu seiz njuôk shuôs moz tsơưs tsơưs 4 jiês thiêz puôr lênhx tsi pov trâul moz li chas, muôx đas jos jông thiêx tâu tơưv tsêr kho moz. Taz sik, đhâu thâuv tơưv tsêr kho moz, hur si 3 lênhx nênhs moz no puôr lênhx tsuv tror nhoz cêv kuôk nzir 14 hnuz ntơưv Bệnh xá D40, uô ntêx thâuv zuôr muk tsêr.

Li ntơư, txos nhiv no, Điện Biên tưz kho tâu jông moz trâu hur tiz si 64 lênhx nênhs trâul moz Covid-19 thiêz hâur thax tsav tsi pov muôx nzir lênhx nênhs tưs trâul moz yiêz./.

(Vũ Lợi-Riê Lâux cxeik, nhênhv)

Ntơưv qơư sêiz jor phax tar moz Covid-19 nhoz ntu cêr siz yuôv pêz txox Cò Nòi, huyện Mai Sơn, tỉnh Sơn La, tôv côngz xưv nhiv kruôr pov luz yêz ô tô muôx biển sôr 34A-429.14 zos Vũ Văn Toàn, nhoz ntơưv Nguyên Giáp, Tứ Kỳ, Hải Dương tsar, thâux đros 3 lênhx nênhs, sik đros nhoz ntơưv jok Bông Ban, xar Quài Tở, huyện Tuần Giáo, tỉnh Điện Biên, txix phường Tứ Minh, thành phố Hải Dương lok muk trâu Điện Biên.

Chiê muk tâu đhâu têx qơư sêiz jor, Vũ Văn Toàn tưz tsar yêz lox muk trơưk têx cêr lus chiê txar jav tâu têx qơư sêiz jor phax tar caz moz Covid-19 nhoz huyện Vân Hồ, tỉnh Sơn La, thâuv txos trâu qơư sêiz jor phax tar moz Covid-19 ntơưv ntu cêr siz yuôv 3 txos Cò Nòi, huyện Mai Sơn chêk trâus thêir tsês. Lưx lươngv muôx vax huôv tưz hêik chor nênhs chêix sâuv yêz hêik pâuz y têr, uô ntâuz ntơưr xưv lik hành chính Vũ Văn Toàn thiêz 3 lênhx nênhs chêix sâuv yêz lok kror cxâuv tsik uô trơưk têx tsưr ziv phax tar caz moz lơưr cui tênhv./.

(Trấn Long-Lik Thox cxêik nhênhv)

Shông cơưv 2021-2022, tỉnh Yên Bái muôx 440 ntâu tsêr cơưv  txix cxênhx nhuôs zâu txos cxênhx 3, 220 cxênhz lênhx shux xênhz. Chiê taz por truôx tuk zoz thôngz trâu shux xênhz tuôx tsêr cơưv, cơưv ntơưr, ngênhx zoz zux tưz cxiv uô tsưr ziv taz por truôx tuk zoz thôngz hâur hnuz krêz shông cơưv yiêz cux iz zav li hâux lưv yax mông, fuô kriê têx chei cheix yêz muk lol tâus cêr txos trâu chor cưk kriê ntơưr, shux xênhz li niêv txir thiêz têx nhuôs shux xênhz ciês thâuv hâur shông cơưv yiêz; fuô uô têx tsưr ziv phax tar shux xênhz tsi tâu txâuk shông lok sik tsi muôx ntơưr tsar yêz tsar têx yêz meir muk lol tâus cêr. Trơưk li sâu jênhv, nhiv no cxuô luz tsêr cơưv hâur thax tsav bax uô jông cxuô luôs hâux lưv chiê uô ntênhs krêz shông cơưv yiêz trơưk tsưr ziv, taz por truôx tuk, lov jêv; cxơưz tiês yax mông, fuô kriê chei têz qơưk têx cui tinhv lok truôx tuk zoz thôngz chiê six hơưv so xiêz 2/9 thiêz krêz shông cơưv yiêz 2021-2022 hâur thax tsav uô tâu jông, truôx tuk./.

(Báo Yên Bái-Riê Lâux cxeik, nhênhv)