Lơưr Đaix njuôk xav qiv hơưv Yên Bái, hmo ntux thiêz sơưr nzor nhoz thax tsav tox siêz hâur tỉnh ntâu qơư muôx ntux no chênhr, no njiv đros jêx tưv txix 11 txos 13 tưv. Chiê phax tar ntux no trâu paz tsiêx cxu, ntơưv têx xar tox siêz, chính quyền tiv phaz tưz tso cán bộ muk trâu têx jêx jok chiê yax kriê, hêik pox nhuôs bax thêir vor têx tsêr guôx, tsoz phưz paz tsiêx cxu, tsik tso yar tsiêx cxu thâuv ntux no chênhr, no njiv. Tix lâus Thắng Xênhv Zax nhoz jok Khấu Chu, xar Bản Công, huyện Trạm Tấu puz pâuz:

“Cux xưk li cxiê shông, txix ciês thâuv sâu blêx tas mak cur chuôz zis tưz tsês chiê zav nox cxix cxuô trâu chor tưv lơưv. Têx hnuz ntux no mak cux tưz thêir vor tsêr guôx thiêz bax nzir zav nox trâu tưv nox. Zos ntux no hênhr mak muôz trâu tưv hâuk đêx sor, đêx cuô njêr”./.

(Đinh Tuấn-Lik Thox cxêik nhênhv)

Zar hnuz keix hnuz xiêz 3/12, Bộ zaoz thôngz vênhv teiv thiêz UB tỉnh Lào Cai tsưr tsix côngz fur hlôngr yiêz njuôs xav qar yêz za Sa Pa lox, đar đuô njuôs xav uô ntêx. Lơưr njiêz luv côngz fur, Qar yêz za Sa Pa tâu njuôs xav uô sâuv 371 hecta, ntơưv xã Cam Cọn, huyện Bảo Yên, tỉnh Lào Cai (kuôk đrôngs Lào Cai muôx nhos 40 cei cêr). Ntâus grê ntơưv ntênhs côngz fur, hâux lưv yưv pênhr cxiv uô qar yêz za tsi gôngr phênhv sik côngv cêr za hâur tỉnh Lào Cai đros têx tiv phaz txơưr hâur têz qơưk, tiv zix zos têx tỉnh faz Trung thiêz faz Nam. Qar yêz za Sa Pa zuôr paz tsôngv kruô ju lix hâur thiêz saz đrâuv têz qơưk mul lok zôngx ziv đuô thâuv tuôx ndis shuôk ntơưv Sa Pa./.

(Thu Thùy- Txâur Vax cxeik nhênhv)

Khov uô jông têx tsưr ziv, Tsênhv qơư qênhz yuôx caz moz (Sở Y têr tỉnh Lai Châu) tưz uô tâu jông ntâu kror hâur côngz xưv phax tar moz tsik siz cik sâuv thax tsav. Nênhs moz đas jos ziv hnuz ziv jông đuô viv nriêr pâuz tâu nzor, chơưv kho tâu sêi. Chiê txo grêk tsơưs têx phiv liv tiv têx moz tsik siz cik, đrâuv tsưr tsix njuôk shuôk moz, Tsênhv qơư qênhz yuôx caz moz tỉnh tsik so sik côngv đros tsênhv qơư Y têr chor huyện, thành phố thiêz Trạm Y têr sir jos uô côngz xưv yax mông, gra siêz pêx xênhv li jênhv pâuz lok têx phiv liv txix chor zav moz tsik siz cik cux xưk li têx qir tiv uô muôx moz: sâur nyar ndê, tso jik kaz jiz…Đhâu côngz xưv yax kriê, hêik pâuz tưz paz trâu pêx xênhv tsov cưv đuô txos por vêv zuk đas jos, tsik so tuôx trâu têx qơưk y têr chiê njuôk shuôk đas jos sêz zuk puôk trâus moz têx zav moz tưs…/.

(Trangtraiviet-Lik Thox cxêik nhênhv)

Tas cik hnuz xiêz 3/12, Văn phongx điều phối nôngx cxênhz yiêz, Ban chox kriê têx tsaz yênhx têz qơưk li qơư tsov txos tỉnh Sơn La tưz tsưr tsix Phêv ziv ntâus grê 20 xiv huv uô siv hâur tsaz yênhx “Iz xã iz xiv huv” (OCOP) tỉnh Sơn La shông 2019. Dưv phêv ziv muôx hlôngr njêx muôs têx huyện, thành phố, têx doanh nghiệp, HTX, ziv chuôz zis tsôngv box nôngx mênhx uô siv têx xiv huv OCOP hâur tỉnh. Thôngz đhâu phêv ziv zuôr paz Hội đồng thiêz tuêv paz uô hâux lưv ntâus grê, xeir xiv huv OCOP tỉnh thiêz têx huyện, thành phố tso tơưv tsưr ziv ntâus grê lơưr Bộ ploz tsênhr muôx chêx cuk thiêz huv đros./.

(Trấn Long-Txâur Vax cxeik nhênhv)