Nhoz xã Huy Tân, huyện Phù Yên, tỉnh Sơn La, zơưv Hà Tiến Long, heir nênhs Poz Ziz, nhoz jok Puôi 2 chuôz zis muôx 4 fax nênhs nhoz uô ce tâu ntâu lênhx tsôngv box cơưv shâuv, uô trơưk. Zơưv Hà Tiến Long zos kuz Bí thư Đảng ủy xã Huy Thượng, huyện Phù Yên; chiến sĩ sik tưr uô nuv jông hâur tas nro têz qơưk shông 1962.

Zơưv 2 niêv txir muôx 11 lênhx nhuôv, thiêz nhiv no xav hur si têx tuz nhaz, nxeik vâur, nhuôv xênhz lênhx xênhz nzưr hâur zơưv chuôz zis zos 101 lênhx nênhs. Niêx shông, zơưv 2 niêv txir têx tuz nhaz, nxeik vâur, xênhz lênhx xênhz nzưr puôr lênhx siz chos luk sir jos sik tưr uô nuv jông, cơưv txơưx njê, huôv tsar uô nox coz. Têx lênhx nhaz, vâur tâu phênhz côngz sox seiz, sâu cxix cxuô, tsênhz mênhx têx nuv tưz uô tâu, kror tưs uô tsi tâu tsuv khưx phưx, cux lix sđ hâur chuôz zis têx hâux lưv uô, cêr cơưv txux..... Têx nhiêx txiêx trâu uô zav hâux lưv co zos têx lênhx hâur chuôz zis cxiv uô tâu hâur niêx shông, iz chas tsưr tsix siz chuôs njiz chiê muôx nzir cêr sik thôngx siêz, tsênhv tâu chor nênhs hâur tsês muôz mê njik chiê kruôs txos têx lênhx nhuôv uô tâu nuv jông, cơưv ntơưr coz.

Khov li co, zơưv chuôz zis tuk tưs cux uô tâu jông hâux lưv, truôx tuk kinh ế, zuôr tâu xar muôx 10 luz yêz lox cheix thâux xa kruô muk ndis shuôs ntux uô si. Têx tuz nhuôs ciêz, mnôngs luk, cơưv coz./.

(Hoàng Quách Cầu CTV-Riê Lâux cxeik, nhênhv)

Đros pêx xênhv thiêz VOV li hêik txos xor xưv muôx buôk đơưz tơưv sâuv pak đêx Thác Bà, tổ 13, thị trấn Yên Bình, huyện Yên Bình, tỉnh Yên Bái têx hnuz đhâu, hnuz ¾, Đoanx qênhz yuôx Sở Tài nguyên thiêz Tênhv qơư tỉnh Yên Bái tưz sik côngv đros cơ quan txơưx jênhv huyện Yên Bình kriz uô qênhz yuôx thax tsav muôx buôk đơưz tơưv thiêz iz cxiê luz tsêr mêir uô hmôngr poz jêz ntơưv no. zơưv Hà Mạnh Cường, Phưv giám đốc Sử Tài nguyên thiêz Tênhv qơư tỉnh Yên  Bái hêik:

“Lơưr pov chir thiêz pêx xênhv hêik pâuz mak Sở Tài nguyên thiêz Tênhv qơư pêz tsênhv sik côngv đros tiv phaz xav jênhv qir tiv txix kror tưs? Zos pov tsưr tsix, tiz nênhs tưs uô muôx yưv phiv liv co mak cơ quan txơưx jênhv zuôr khov trâu cêr chêi têz qơưk têx cuiz tênhv chiê xưv lik truôx”./.

(Thừa Xuân-Lik Thox cxêik nhênhv)

Thâuv 4 six zuôr tsâuk ntux hnuz xiêz 3/4, ntơưv huyện Mộc Châu, tỉnh Sơn La muôx ntux nas lox đros xoz lêiv, khâur jênhs chuô thiêz lok lơưs, uô ntâu liêx têz chos têx ntông nox txir li: Txir đuôx, txir khơưz, trâus uô ruôr hiêv. Ntơưv thị trấn Mộc Châu, thiêz thị trấn Nông trường Mộc Châu, ntux lok nas đros lơưs ntêr xar muôx 30 phênhz, uô ntâu liêx têz jâuz tâuv thiêz iz cxiê zav ntông nox txir li: txir khơưz, txir plâux lok zos txir dâu tây, txir đuô, txir lưk hmaz lok zos txir lol tsuôk....trâus uô hiêv hnhar, jênhs pôngz tas ntâu./.

(Trấn Long-Riê Lâux cxeik, nhênhv)

Tiv phiv liv txix chor chuô nhoz siêz muôx 5.000 thiêr viv li hâur chor hnuz txix 3-6/4, tỉnh Điện Biên zuôr muôx ntux nas zâu thiêz chuô cxuô qơư. Nhiv no ntux nas ntơưv Điện Biên tưz lok ntâu. Txix zar tsâuk ntux ¾ txos hnuz 6/4, tỉnh Điện Biên zuôr tror muôx nzir ntux nas thiêz chuô cxiê qơư, muôx têx qơư lok nas lox. Tsuv phax tar muôx xoz tuô, lok lơưs thiêz chuô lox. Hêik pâuz phiv liv lok xoz tuô thiêz lok lơưs nhoz phênhv 1./.

(Vũ Lợi-Lik Thox cxêik nhênhv)

Têx lưv lươngv muôx vax huôv huyện Bát Xát, tỉnh Lào Cai nhiv kruôr tuôr tsês iz luz yêz thâux buô tsi pâuz tsênhz qơư lok hâur thax tsav.

Lênhx nênhs tsar yêz zos zơưv Đỗ Văn Đồng, nhoz ntơưv jok 7, thị trấn Bát Xát, huyện Bát Xát. Đhâu qênhz yuôx, lưv lươngv muôx vax huôv qênhz pov sâuv yêz thâux  26 tuk buô, njuôk xav hur si muôx nhos 2 tênhr ntâu. Tas nro chor buô co tsi muôx ntâuz ntơưr côngz jênhv fax thâux mul lok, tsi muôx ntơưv côngk nhav zos buô thax tsav qơư tưs.

Lưv lươngv muôx vax huôv tsênhv tror qênhz yuôx, uô tsênhz mênhx chor buô co chiê muôx tsưr ziv xưv lik trơưl chei têz qơưk cui tinhv./.

(KT-Riê Lâux cxeik, nhênhv)