Tỉnh Điện Biên txos nhiv no tưz muôx 34 tsêr cơưv cxuô cấp uô tâu jông luôs hâux lưv kriê thiêz cơưv ntơưr. Chiê tuôr truôx têx luôs hâux lưv uô tâu jông co, cux xưk li jux juk gra siêz tsơưr lươngv tsêr cơưv uô tâu hâux lưv jông trơưk têz qơưk cui tinhv, Ủy ban tỉnh Điện Biên heik ngênhx zoz zux-Thox cxov chox kriê cxuô tsêr cơưv chêx tsôngk gra siêz txux chi tsưr ziv seiz car, chox kriê; tiz jông uô lơưr tsaz yênhx, tsưr ziv kriê thiêz cơưv ntơưr tưz tâu thôngz đhâu. Iz chas ntơư zos tror gra siêz tsơưr lươngv zoz zux kriê têx txux chi. Cxơưz tiês uô jông hâux lưv yax kriê, huiz tôngv côngv thôngx sđ đros paz trâu  hâux lưv kriê txux chi. Hux jos đros têx xã, phường nhênhz chơưv cxiv uô têx tsêr cơưv ntơưr nhoz têx phường nhiv kruôr yênhx lix.....chiê taz por têx qơư cơưv, côngz trênhx hâur tsêr cơưv jông phưx vưv trâu hâux lưv kriê thiêz cơưv ntơưr./.

(Thu Thùy-Riê Lâux cxeik, nhênhv)

Zar hnuz kêix nas hmo, Phưv chủ tịch Côx hôiv Đỗ Bá Tỵ thiêz chor thành viên đoanx têiv plor Côx hôiv tỉnh Lào Cai muk sêiz nus thiêz khơưk muôz huv trâu pêx xênhv thax tsav trâus đêx ngaz cuôr ruôr hiêv huyện Văn Bàn, tỉnh Lào Cai. Hâur jiês ntux nas đêx ngaz cuôr nhiv kruôr đhâu, huyện Văn Bàn trâus hiêv ntâu lok vax tsêr, cêr muk lok, đêx liv, tsoz chos…Ntơưv jiês njiz cử tri huyện Văn Bàn, Phưv chủ tịch Côx hôiv đros chor thành viên Đoanx têiv plox Côx hôiv tỉnh Lào Cai tưz mnôngs, sâu jênhv cử tri têx ziv chênhv lok vênhv thix phax tar ntux têz uô hiêv, khưx phưx têx trâus hiêv; lok vênhv thix paz huôv tsar kinh tế, sâu zuôr hax huv kôngz nuv trâu pêx xênhv; vênhv thix thâux quặng uô cêr trâus puôk tsuôx…/.

(An Kiên-Lik Thox cxêik nhênhv)

Tsi muôx tênhv tênhz tơưk pov cêr, tsi muôx cêr mul lok thiêz hu tsi tâu xor tôngx, xa tsi tâu têx mông trâu luôs 2 chas thax tsav đrâuv, zuôr xar 10 hnuz lok no, tsôngv box jok Gia Tè cux xưk li yênhx cxênhz chuôz zis tsôngv box txơưr đuô nhoz têx xã ntus đriv Mường Tè, tỉnh Lai Châu trâus kuôk cêv muk tsi tâu đhâu kror tưs tiv ntux nas uô. Tsênhv thâuv cơ quan muôx vax huôv hâux lưv kho têx cêr mul lok, krêz khơưz  cêr muk trâu thax tsav trâus đêx uô ruôr hiêv njiz ntâu phiv liv tiv têx ar, poz jêz ntâu, hâur thax tsav ntux cux tsênhv lok nas tsi tu hlo, mak ntâu chuôz zis nhoz no têx vax tsêr tưz trâus puôk tsuôx, tsi jông tas ntơư têx kôngz krâur, zav nox cux tưz tas jux juk. Đros trâu hâux lưv khưx phưx uô nox uô hâuk chiê nzor truôx tuk luz nênhx trâu tsôngv box, ntơưv qơư tsênhv moz siêz sir jos uô hâux lưv thoz huk, kho têx cêr muk trâu chor xã, jêx jok ntus đriv. Têx tổ côngz xưv hâur huyện cux tưz đros hâu nov ntơưv qơư qênhz shuôs zoz qơưx zuôr trâus txos têx kôngz krâur, zav nox ntơưv têx jêx jok chiê bax tsưr ziv thâux xa têx xiv huv muk trâu tsôngv box./.  

(Tuyết Lan-Riê Lâux cxeik, nhênhv)

Thâuv 9 six 30 phênhz zar têis cik hnuz 3/7, Công an tỉnh Sơn La tưz tsưr tsix cơưv pov chir hêik pâuz xor mông chênhr lok chuyên án 18-TN, 19-TN, tsav txênhz zok cxov chor nênhs trâus zok cxov phiv liv ntơưv jok Tà Dê, Lũng Xá, xar Lóng Luông, huyện Vân Hồ, tỉnh Sơn La. Đại tá Phùng Tiến Triển, Phưv giám đốc Công an tỉnh Sơn La, phưv trưởng ban chuyện án sêiz shuôk jiês cơưv pov chir. Txos six hơưv no, Sơn La tsik yuôr kror qơư tưs phiv liv lok zax zênhz xưk li kror qơư Tuân, Thuận, oz lênhx nênhs trâus zok cxov phiv liv nhiv kruôr trâus tuô tuôs ntơưv Tà Dê, Lũng Xá, xar Lóng Luông, huyện Vân Hồ, tỉnh Sơn La. Cxuô lênhx nênhs zuôr muk lok tâu ngaz tuk ntơưv jok Tà Dê, Lũng Xá. 2 chuyên án 18TN, 19TN tưz yênhx côngz paz muôx tâu chêx cur jông hâur tsav txênhz phax tar zax zênhz sâuv thax tsav tỉnh Sơn La, tiv zix zos ngaz tuk ntơưv têx qơư phiv liv lok zax zênhz nhoz tỉnh./.

(Tuyết Lan-Lik Thox cxêik nhênhv)