Tỉnh Sơn La nhiv kruôr pov muôx 3 lênhx nênhs trâus caz moz SARS Cov 2 ntơưv thax tsav qơư cêv kuôk chêx chôngk huyện Phù yên, chuôz ndê têx lênhx nênhs trâus moz hâur tỉnh zos 22 lênhx. 3 lênhx nênhs no puôr lênhx zos 16 nênhs moz hâur qơư cêv kuôk chêx chôngk huyện Phù Yên li  F1 tưz tâu khav tênhv uô ntêx co. 2/3 lênhx nênhs muôx caz moz siêz, têx lênhx tsênhv yuôr tsuv tror njuôs siv chiê tror khav tênhv đuô. Nhiv no 3 lênhx nênhs no tsi uô cuz uô no, tsi nôngk, tsi lax uô pa, tsi pov moz hâur siêz; njuôs xav cik trâu côngv thôngx kis viv tưz tâu cêv kuôk chêx chôngk ciês thâuv lok txos tiv phaz./.

(Trấn Long-Txâur Vax cxeik nhênhv)

Tỉnh Điện Biên nhiv kruôr tror muôx nzir iz lênhx nênhs trâul moz Covid-19 cheix luz yêz za VN8202 txix yar yêz za Nội Bài lok trâu yar yêz za Điện Biên Phủ hâur hnuz 27/7. Lênhx nênhs nhiv kruôr trâul moz co zos iz lênhx pox niêv hâur thax tsav xã Pa Ham, huyện Mường Chà, tỉnh Điện Biên. Hnuz 27/7, tus nênhs moz no cheix yêz za txix yar yêz za Nội Bài lok trâu yar yêz za Điện Biên Phủ, đros cheix sâuv luz yêz za muôx lênhx nênhs moz sôr 161839 tâu qênhz pov trâul moz SARS-CoV-2 lok zar tsâuk ntux hnuz xiêz 02/8. Taz sik, đhâu hlo thâuv grêk yêz za, lênhx nênhs moz ntơư tưz tâu chox muk kuôk cêv ntơưv qơư kuôk cêv chor nênhs moz thiêz nênhs tâu xav tiêk zôngx ziv trâul moz Tà Lèng (TP Điện Biên Phủ) đros 17 lênhx kruô txơưr đuô cheix đros iz luz yê, 2 lênhx kruô txơưr đuô mak tâu kuôk cêv ntơưv tsêr tok kruô Trúc An, phường Thanh Bình, TP Điện Biên Phủ. Nhiv no hur tiz si chor kruô cheix uô cê sâuv luz yêz heik sâuv tưz tâu kuôk cêv chiê sox seiz đas jos lơưr Bộ y tế cui tinhv. Li ntơư, xav txix hnuz xiêz 7/5 txos 7 six tas cik hnuz xiêz 3/8, hâur thax tsav tỉnh Điện Biên muôx 60 lênhx nênhs trâul moz Covid-19, hâur co 58 lênhx tưz kho tâu jông moz, tơưv tsêr kho moz./.

 (Vũ Lợi- Riê Lâux cxeik, nhênhv)

Chiê chuv tôngv seiz car thiêz pov nzor nênhs trâus moz Covid-19, tsênhv qơư seiz car moz tỉnh Yên Bái thix ziv tas nro tsôngv box sâuv thax tsav, thâuv muôx 2 moz yưv li nôngk, uô cuz uô no, lax uô pa, iz chêr gênhs gênhs, nox hâuk tsi pov kaz tsuv ciêr chênhr muk ciês qơư y tế nhoz uô uô nênhx chiê tâu heik kriê thiêz njuôs siv caz moz SARS Cov 2. Cxôngx moz li huôv xênhz phêv liv, tỉnh Yên Bái chuôz tsar coar lik lênhx nênhs thiêz yêz muk lok hâur thax tsav. Tsênhz mênhx, đros têx lênhx nênhs cxôngx têx tỉnh, thành phố tsênhv trâus cêv kuôk tror lok tỉnh Yên Bái, tsuv njuôs siv, cêv kuôk tsi chiê moz siz cik. Tas nro têx lênhx nênhs tuôs tỉnh Yên Bái tsuv muôx ntơưr njuôs siv tsi muôx caz moz, zos tsi muôx ntơưr njuôs siv, tsuv njuôs siv sei ntơưv têx qơư seiz car y tế thiêz chiv chir thêv nhiêx txiêx njuôs siv... ./.

(VOV-Txâur Vax cxeik nhênhv)

Huyện Bắc Hà (Lào Cai) nhiv no muôx 146 lênhx nênhs, chuôz zis muôx côngz têz qơưk (hâur co muôx 59 lênhx trâul moz tiv tsơưr tưx da cam uô ruôr hiêv). Hâur shông 2020, huyện Bắc Hà tưz hu zâuv sđ siz chos gôngr paz tâu 468 tsov đeiv trâu cuiv nhiêx “ndo txiêx njis”. Txix chor nhiêx no, huyện hux jos đros têx xã Bảo Nhai, Tà Chải, Tả Củ Tỷ, Nậm Khánh thiêz thị trấn Bắc Hà paz max uô tsêr nhoz trâu chor nênhs muôx côngz têz qơưk, hâur co uô yiêz 2 luz tsêr, kho đuô 5 luz, xav hur si tas muôx nhos 200 tsov đeiv. Zơưv Lê Văn Khiêm, Tsar phongx Lox tôngv, xaz pênhz thiêz XH huyện Bắc Hà heik pâuz: Hâur 6 luz hlik hâur shôngk shông 2021, huyện Bắc Hà tưz kho đuô tsêr nhoz trâu 9 chuôz zis thiêz nênhs muôx côngz têz qơưk, phênhv paz max zos 20 tsov đeiv iz chuôz zis. Iz chas ntơư, txix tỉnh têx nhiêx txiêx, huyện Bắc Hà tưz cxiv uô yiêz 2 luz tsêr trâu 2 chuôz zis nênhs muôx côngz têz qơưk, iz chuôz zis tâu paz 50 tsov đeiv./.

 (Báo Lào Cai-Riê Lâux cxeik, nhênhv)