Nhiv kruôr đhâu, ntơưv huyện Mộc Châu, tỉnh Sơn La, Phưv Chủ tịch Thường trực Côx hôiv Tòng Thị Phóng đros đoanx têiv plor Côx hôiv tỉnh Sơn La njiz cử tri lơưr hâux lưv lok y têr sâuv thax tsav huyện Mộc Châu. Hêik pâuz lok côngz xưv njuôk kho moz, hlôngr njêx muôs Tsêr kho moz Đa khoa huyện Mộc Châu, tỉnh Sơn  La puz pâuz, tưz uô tâu jông têx hâux lưv njuôk, kho moz trâu nênhs moz nhoz thax tsav thị trấn Nông trường Mộc Châu, 14 xar nhoz huyện Vân Hồ thiêz têx thax tsav iz ndis; tsơưr lươngv njuôk, kho moz ziv hnuz ziv jông đuô. Iz chas luôs hâux lưv njuôk kho moz trâu chor nênhs moz nhoz hâur thax tsav, tsêr kho moz cux tưz chơưv kho trâu nênhs nhoz têz qơưk Lào jê thax tsav ntus đriv. Phưv Chủ tịch Thường trực Côx hôiv hêik mênhx, đros têx luôs hâux lưv uô jông, xar tơưv tsưr ziv, txux chi yiêz chơưv kho lênhx nênhs moz, Tsêr kho moz Đa khoa huyện Mộc Châu li têx tsưr ziv, hâux lưv uô zos iz kror qơư chiê cxuô luz tsêr kho moz txơưr đuô hâur tas nro têz qơưk cơưv shâuv uô  trơưk./.

(TTTB-Lik Thox cxêik nhênhv)

Xưk li VOV tưz xa mông, zuôr xar 60 lênhx shux xênhz Tsêr cơưv Phổ thông Dân tộc niêv txir zus mor cxênhx iz xã Vĩnh Yên, huyện Bảo Yên, tỉnh Lào Cai, tsuv tâu chox muk chơưv kho zênhx max trâu tsêr kho moz đhâu têx pluôk nox ntơưv tsêr cơưv lok hnuz xiêz 01/10. Đhâu nhoz chơưv kho moz ntơưv tsêr kho moz, chor nhuôs shux xênhz tưz jông moz jux juk. Trơưk li bác sĩ Mông Hữu Giao, Giám đốc tsêr kho moz đa khoa huyện Bảo Yên, chor shux xênhz trâul kâus tưx zav nox tsuv chox tuôx trâu tsêr kho moz ntơư, puôr lênhx zos uô cuz uô no hnhar, trơưk plaz, đhâu seiz njuôk shuôs, zos nox tâu têx caz moz muôx hâur têx jâuz mor tsi hur uô muôx yưv. Đhâu  chơưv kho ntơưv tsêr kho moz, chor nhuôs shux xênhz tưz jông moz jux juk. Nhiv no, cơ quan muôx vax huôv cux tsênhv tror qênhz yuôx qir tiv uô têx nhuôs hêik sâuv trâul kâus tưx./.

(An Kiên-Riê Lâux cxeik, nhênhv)

Thanh tra tỉnh Điện Biên nhiv kruôr hêik pâuz cuêz tênhv số 67 yênhx lix đoanx qênhz yuôx luôs hâux lưv uô lơưr têx chêi hâur sêiz car, kriz uô Dự án tsêr nhoz Tân Thanh.  Dự án tsêr nhoz Tân Thanh tâu Ủy ban tỉnh Điện Biên thôngx ziv tsưr ziv yưv pênhr kriz uô txix hli 10/2013. Dự án muôx pênhr yưv uô zos 364 tiv đêiv ntâu, tâu kriz uô hâur 76 luz hli (suôv câuv trâu hli 11/2018); tas nro chor ar choz chiê uô dự án zos 49.100 ntâu thiêr ndis, zos têx ar choz zok muôx sâu nhiêx txiêx sir zôngv ar. Taz sik, txix ciês thâuv piz kriz uô, dự án tưz muôx yưv ntâu phiv liv; ntâu jiês Sở Cxiv tsa tỉnh Điện Biên tưz qênhz yuôx, kho đuô, hêik nênhs yưv pênhr uô cov tiêr têx ntâuz ntơưr cik txos, taz sik tsưr yưv pênhr uô dự án tsik uô trơưk./.

(Vũ Lợi-Lik Thox cxêik nhênhv)

Lưv lươngv Công binh, Bộ chỉ huy Quân sự tỉnh Sơn La đros Ban Chỉ huy Quân sự huyện Thuận Châu nhiv kruôr đơưk hlê tâu 2 luz bôngk, iz luz hnhar muôx 340 ntâu cir tsênhv tsi tâu tâu tơưs, hâur ntu tir ntâuk trol châuz đrav ntêx. Uô ntêx ntơư, thâuv tsênhv khơưz, krêz uô đar txox cêr lox sôr 6, tsôngv px ntơưv jok Ba Nhất, xã Thôm Mòn, huyện Thuận Châu qênhz pov 2 luz bôngk nhoz pêv ntar trôngz thiêz tưz zênhx max heik trâu cơ quan muôx vax huôv pâuz chiê đơưk hlê luz bôngk co. Lưv lươngv Công binh tưz đros Ban Chỉ huy quân sự huyện, cấp ủy, hâu nov ntơưv qơư, tso tơưv tsưr ziv chiê cưr yêv 2 luz bôngk co muk đêz thax tsav tsôngv box nhoz thiêz tưz đơưk hlê tâu yênhx côngz, taz por trâu lênhx nênhs./.

(Trấn Long-Riê Lâux cxeik, nhênhv)