Đhâu zuôr xar 5 luz hlik cxiv tsa, công viên zênhz shôngx lênhx tuz lênhv tâu tas siv nênhx thâuv ntu tir ntâul trok châuz Nguyễn Thăng Bình sâuv txox cêr Nguyễn Thăng Bình, phường Bắc Cường, TP Lào Cai, tỉnh Lào Cai tưz qir tâu uô tiêr chiê muôz lok sir zôngv.

Công viên Nguyễn Thăng Bình xav hur si đar muôx 8 cxênhz xưv phaz, muôx yar tiêx luôv suôz jêz xi măng, cêr muk iz ndis seiz shuôs qơư co, vox pax, têx ntông njuôz đros trâu têx đuôz uz no...., đros thiêz hur si nhiêx txiêx cxiv uô tas xar muôx 4 tỷ đeiv, phênhv ntâu zos huiz tôngv txix pênhr nhiêx XH sik đros uô./.

(An Kiên-Riê Lâux cxeik, nhênhv)

Xor mông txix phongx cảnh sát zoz thôngz, Công an tỉnh Lai Châu puz pâuz, thâuv 6 six hmo xiêz 3/11 muôx yưv iz txuz txiêz nanv zov chênhr ntơưv Pa Tần-Mường Tè uô iz lênhx nênhs tuôs.

Lơưr co, luz yêz lox muôx biển số 28C-02183 thâux hax huv txiêk, muk txix xar Pa Tần (Sìn Hồ) trâu Mường Tè thâuv muk txos trâu thax tsav jok Pa Cheo, xar Hua Bum, huyện Nậm Nhùn thiêx njiz trâus txiêz nanv. Txuz txiêz nanv uô nênhs tsar yêz Phạm Quang Tuấn, xênhz shông 1987, nhoz ntơưv phường Đồng Tiến, thành phố Hòa Bình, tỉnh Hòa Bình tuôs ciês ntơưv qơư. Qir tiv muôx yưv txuz txiêz nanv cux tsênhv tâu cơ quan qênhz yuôx uô cov tsênhz mênhx./.

(Khắc Kiên-Lik Thox cxêik nhênhv)

Ntơưv txox cêr mê lus muk lol đhâu đriv têz, nhoz jok Púng Bửa, xã Na Ư, huyện Điện Biên, Phongx phax tar zax zênhz thiêz têx nênhs fêv, Bôv đôiv pênhz phax tỉnh Điện Biên đros Zênhx pênhz phax trôngx đriv ntiêx têz Tây Trang nhiv kruôr ntêk tâu 2 lênhx nênhs tsênhv taz tov thâux gra, zuôr muôs zax zênhz tsi trơưk chei. 2 lênhx nênhs co tâu xav tinhv zos Cứ A Thềnh, heir nênhs Hmôngz, xênhz shông 1992, thiêz E Xênhv Shôngx, heir nênhs Hmôngz, xênhz shông 1996, puôr lênhx nhoz ntơưv jok Huổi Ven, cụm Mường Hợp, huyện Phôn Thoong, tỉnh Luông Pha Băng, têz qơưk Lào. Lưv lươngv muôx vax huôv sâu tâu 2 luz hnaz ba lô ntiv muôx 5 poz lox zos têx zax zênhz muôx 30 cxênhz njiêr yuôx, 10 poz zênhz đơưz muôx 3,5 cir, 2 luz xor tôngx.

Ntơưv cơ quan qênhz yuôx, 2 lênhx nênhs co krêz lênhk tiêk, zuôr chor zax zênhz no ntơưv Lào gra lok đhâu đriv têz muôs trâu nênhs VN (tsi tâu pâuz tsênhz bê) mak txơưv trâul ntêk tâu. Nhiv no chor lưv lươngv muôx vax huôv tỉnh Điện Biên tsênhv tror qênhz yuôx, uô tsênhz mênhx./.

(Vũ Lợi-Riê Lâux cxeik, nhênhv)