Tsêr cơưv Phôv thôngx mênhx cxưx nội trú, tsêr cơưv cxênhx oz huyện Mù Cang Chải, tỉnh Yên Bái tưz tsik zos sir jos gra siêz tsơưr lươngv kruôz kriê hâur tsêr cơưv zos kror zov chênhr xuz thơưx, mak tsênhv tsov cưv txos chor jiês cơưv ngoại khóa đros vênhx huôv-vênhx nghệ, paz trâu chor shux xênhz sik thav, pâuz nzir lok vênhx huôv cxuô mênhx cxưx sâuv thax tsav, paz tuôr chiê thiêz phuôx huiz têx tsiv gri vênhx huôv cxôngx nzor. Têx jiês cơưv ngoại khóa đros nriêr pâuz lok cxuô mênhx cxưx sâuv thax tsav li têx zav đhiê pax vuôs, têx zav uô si cxôngx nzor, têx phongx cxưx thiêz ntênhk tưz paz trâu chor shux xênhz pâuz thiêz sir jos tuôr chiê đuô têx vênhx huôv jông co. Thôngx cxix paz muôx tênhv qơư cơưv ntơưr sưv jê, paz trâu chor shux xênhz sir jos đuô hâur cơưv ntơưr thiêz nhiêv tsêr cơưv đuô./.

(DTMN-Lik Thox cxêik nhênhv)

Hnuz tưr thik tiv 3 SEA Games 30 Hoàng Thị Duyên, lênhx nxeik heir nênhs Giáy nhiv kruôr muôx 23 shông nhoz thax tsav tox siêz Lào Cai, tưz tưr thik tâu huy chương cuz jax thiêx tâuk hnhar muôx 59 cir. Shông 2018, Hoàng Thị Duyên tâu kruôs txos thâuv tưr thik tâu huy chương nhiêx ntiêx têz thiêx tâuk hnhar 59 cir. Hâur Liên đoanx thiêx tâuk hnhar  ntiêx têz li bê têx lênhx nênhs tưr thik Olympic, Hoàng Thị Duyên tsênhv sơưr tiv 8 sik đros tưr thik Olympic Tokyo thiêx tâuk hnhar 59 cir./.

                             (KT-Riê Lâux cxeik, nhênhv)

Qênhx shênhx kriz uô, thâux xa, zuôr muôs poz jêz lok uô têx zav jông gâux tsês iz dis vax tsêr nhoz xar Suối Giàng, huyện Văn Chấn, tỉnh Yên Bái tưz muôx txix 10 shông lok no. Taz sik, ntu jê lok no, tiv nênhs zuôr chor poz jêz no chuôz ndê chôngz tưz uô trâu qênhx shênhx kriz uô phiv liv đuô, uô trâu ntâu qơư nhoz jok Suối Lóp trâus khơưz tas…phênhv ntâu têx qơư no zos nhoz hâur pox nhuôs tiv phaz têx liêx têz. Đros qênhx shênhx kriz uô thiêz zuôr muôs, thâux xa têx poz jêz no tror phiv liv, UBND huyện Văn Chấn tưz tso tơưv đoanx qênhz yuôx chiê muk qênhz yuôx, xưv lik, tir tar nhiês zok khơưz têx poz jêz tsik zos chêi no. Thôngx cxix, tsưr tsix sêiz shuôk, sâu tsês tas nro chor poz jêz tâu khơưz ntơưv têx qơư co lơưr cui tênhv./.

(Báo YB-Lik Thox cxêik nhênhv)

Cxơưz cxiz, heik thiêz muôz jông six hơưv chiê nênhs lox tôngv muk uô hâux lưv ntơưv têx doanh nghiệp, thax tsav công nghiệp đrâuv luôs 2 chas tỉnh, six hơưv đhâu, huyện Mường Nhé tưz đas cir đros tsêr cơưv Cao đẳng Thênh-khoar cxax VN lok xeir zuôr shux xênhz kriê txux chi tsưr ziv uô nuv, zok nriêr hâux lưv uô trâu lox tôngv ntơưv qơư. Txix ciês hâur shôngk shông 2019, Phongx lox tôngv-Xaz pênhz thiêz XH huyện tưz đros Phongx xeir zuôr shux xênhz Tây Bắc buôk ti heik kriê têx tsưr ziv uô li heik sâuv ntơưv têx xã hâur thax tsav. Đhâu ntơư tưz xeir zuôr thiêz kriê txux chi tsưr ziv uô nuv tâu trâu 60 ntâu lênhx lox tôngv ntơưv qơư muk uô hâux trâu têx công ty hâur Tập đoàn. Nhoz no têx lênhx lox tôngv hâur thax tsav tâu moz siêz txos lok sâuv nox nhoz, mul lok thiêz tâu sơưv cxix cxuô têx chei, nhiêx txiêx uô hâux lưv. Iz chas ntơư, đros thiêz phênhv sâu tâu txix 12-20 tsov đeiv iz hlik tưz paz lơưr chuôz zis truôx tuk, gra siêz luz nênhx nox nhoz./.

(KT-Riê Lâux cxeik, nhênhv)